KORONAVİRUSA YOLUXANLARIN SAYI - CANLI STATİSTİKA

“Qarabağ” qarşılaşmanın aşkar favoritidir" — “Sileks”in baş məşqçisi

“Qarabağ” qarşılaşmanın aşkar favoritidir
05:11
10.08.2020
488
İdman
A
“Bizim I təsnifat mərhələsində qarşılaşa biləcəyimiz bütün rəqiblər möhtəşəm komandalardır. Onlarım hamısının büdcəsi 20 milyon avrodan yüksəkdir”.

"Ölkə.Az" apasport.az-a istinadən xəbər verir ki, bunu Şimali Makedoniyanın “Sileks” klubunun baş məşqçisi Qoran Simov deyib.

Çempionlar Liqasının I təsnifat mərhələsinin püşkünə münasibət bildirən mütəxəssis Azərbaycan təmsilçisi “Qarabağ”ı cütün aşkar favoriti sayır: “Qarabağ” qarşılaşmanın aşkar favoritidir. Biz daha uzun müddət avrokubok həyəcanı yaşamağı xəyal edirik. “Qarabağ” ardıcıl 7 ildir Azərbaycan çempionu olan əla komandadır. Onlar hər il avrokubokların qrupunda oynayır. Əvvəllər də göstərdiyimiz kimi asanlıqla təslim olmayacağıq. Mümkün olan hər şeyi edəcəyik. Ümid sonda ölür”.

Qeyd edək ki, “Qarabağ” – “Sileks” matçı avqustun 18-19-da Bakıda keçiriləcək.

ŞƏRH YAZ
0

Qalmaqallı oyunla bağlı cəzalar açıqlandı

Qalmaqallı oyunla bağlı cəzalar açıqlandı
05:02
18.09.2020
504
İdman
A
Fransa Futbol Federasiyası Liqa 1-in 3-cü turunda PSJ - "Marsel" görüşündə qırmızı vərəqə alan 5 futbolçunun cəzasını açıqlayıb.

"Ölkə.Az" qol.az-a istinadən xəbər verir ki, Paris təmsilçisinin  müdafiəçisi Layvin Kurzavaya davanı başlatdığı üçün 6, onunla dava edən "Marsel"in oyunçusu Cordan Amaviyə 3 oyunluq cəza verilib.

"Marsel"in müdafiəçisi Alvaro Qonzalesə vuran PSJ-nin oyunçuları Neymar və Leandro Parades 2 oyunda iştirak etməkdən məhrum olublar.  "Marsel"in digər oyunçusu Dario Benedetto isə 1 matç yaşıl meydanlardan kənarda qalacaq.

Neymara qarşı irqçi ifadələr işlətdiyi iddia edilən Alvaro Qonzales haqqında araşdırmanın isə davam etdiyi bildirilib.

Qeyd edək ki, sözügedən qarşılaşmada "Marsel" PSJ-yə 1 cavabsız qolla qalib gəlib.

ŞƏRH YAZ
0

“Neftçi” “Qalatasaray”a məğlub olub, Avrokuboklarla vidalaşdı — YENİLƏNİB

“Neftçi” “Qalatasaray”a məğlub olub, Avrokuboklarla vidalaşdı
21:52
17.09.2020
621
İdman
A

“Neftçi” - “Qalatasaray” matçı bitdi. 

Oyun 1:3 hesabı ilə Türkiyə təmsilçisinin xeyrinə yekunlaşdı. 

Beləliklə, “Neftçi” bu il Avrokuboklarla vidalaşdı. 

***

“Neftçi” - “Qalatasaray” oyununda qonaqlar üçüncü qola imza atıblar.

Bakı Olimpiya Stadionundakı qarşılaşmada İstanbul təmsilçisi hesab arasındakı fərqi çoxaldıb. 

48-ci dəqiqədə Kristian Luyindama topu qapıdan keçirib - 1:3.

***

Qalatasaray matçın 48-ci dəqiqəsində yenidən hesabda önə çıxıb. Bu dəfə Türkiyə komandasının qolunu Kristian Luyindama vurub. Hesab hazırda 1-2 qonaqların xeyrinədir.

***

Matçın 46-cı dəqiqəsində Neftçi hesabı bərabərləşdirdi. Komandamızın qolunu Mamadu Mbodj vurub.

***

UEFA Avropa Liqasının II təsnifat mərhələsi çərçivəsində “Neftçi” - “Qalatasaray” matçında hesab açılıb. 

Oyunun 19-cu dəqiqəsində “Qalatasaray”ın futbolçusu Mbaye Diaqne baş zərbəsi ilə komandasını hesabda irəli çıxarıb: 0-1

***

UEFA Avropa Liqasının II təsnifat mərhələsi çərçivəsində “Neftçi” və Türkiyənin “Qalatasaray” klubları arasındakı matçın start fiti çalındı. oxu.az

ŞƏRH YAZ
0
BAĞLA
X Mostbet