KORONAVİRUSA YOLUXANLARIN SAYI - CANLI STATİSTİKA

“Qeyri-etik ifadələr agentliyin rəsmi hesabından yazılmayıb” — BNA

“Qeyri-etik ifadələr agentliyin rəsmi hesabından yazılmayıb”
00:57
11.07.2020
3976
Siyasət
A
“Bakı Nəqliyyat Agentliyinin “Facebook” sosial şəbəkəsindəki rəsmi hesabından Bəxtiyar Hacıyev adlı izləyicinin paylaşımına qeyri-etik ifadələr yazılması ilə bağlı məsələ nəzarətə götürülərək araşdırılıb”.

"Ölkə.Az" xəbər verir ki, bunu Bakı Nəqliyyat Agentliyinin (BNA) mətbuat katibi Mais Ağayev bildirib.

“Şərhin agentliyin rəsmi hesabından yazılmadığı müəyyən edilib. Bu cür yazı tərzi heç bir halda qəbul olunan deyil və Bakı Nəqliyyat Agentliyinin mövqeyini ifadə edə bilməz. Bakı Nəqliyyat Agentliyi hər zaman yazılan tənqidi fikirlərə qarşı dözümlülük nümayiş etdirib.

Eyni zamanda şərhin saxta profil hesabından yazılmasına dair əsaslı şübhələr var və bu məsələ də ciddi şəkildə araşdırılır. İndiki həssas məqamda müəyyən maraqlı qüvvələr bu vasitə ilə vətəndaşlarda dövlət qurumuna qarşı narazılıq yaratmağa uğursuz cəhd edirlər.

Vətəndaş müraciətləri Bakı Nəqliyyat Agentliyinin önəm verdiyi əsas məsələlərdəndir. Vətəndaşların müraciət imkanlarını artırmaq üçün əhalinin geniş istifadə etdiyi sosial şəbəkə platformalarında Agentliyin rəsmi hesabları yaradılıb, Alo141 Çağrı Mərkəzi təşkil edilib.

Vətəndaş müraciətləri eyni zamanda www.bna.az”, www.alo141.az” saytları və “141 Çağrı Mərkəzi”i vasitəsi ilə də qəbul olunmaqdadır. Vətəndaşların müraciətləri hər zaman dolğun şəkildə cavablandırılır və qaldırılan məsələlərin həll edilməsi istiqamətində işlər görülür” , - o qeyd edib.report

ŞƏRH YAZ
0

Ermənistana məxsus növbəti taktiki PUA məhv edilib

Ermənistana məxsus növbəti taktiki PUA məhv edilib
21:29
Bu gün
201
Siyasət
A
Avqustun 15-i saat 16:20-də Ermənistan silahlı qüvvələrinin bölmələri taktiki pilotsuz uçuş aparatı (PUA) vasitəsilə Ermənistan-Azərbaycan dövlət sərhədinin Tovuz rayonu istiqamətindəki mövqelərimiz üzərində kəşfiyyat uçuşları keçirməyə cəhd göstərib.

"Ölkə.Az" Müdafiə Nazirliyinin mətbuat xidmətinə istinadən xəbər verir ki, düşmənin növbəti PUA-sı Hava Hücumundan Müdafiə bölmələrimiz tərəfindən dərhal aşkar olunaraq məhv edilib.

ŞƏRH YAZ
0

İlham Əliyev indoneziyalı həmkarını təbrik edib

İlham Əliyev indoneziyalı həmkarını təbrik edib
19:24
Bu gün
201
Siyasət
A
Azərbaycan Respublikasının Prezidenti İlham Əliyev İndoneziya Respublikasının Prezidenti Coko Vidodoya təbrik məktubu ünvanlayıb.

Mətndə deyilir: 

"Hörmətli cənab Prezident,

Ölkənizin milli bayramı – Müstəqillik Günü münasibətilə Sizə və Sizin simanızda dost İndoneziya xalqına öz adımdan və Azərbaycan xalqı adından ən səmimi təbriklərimi yetirirəm.

Azərbaycan ilə İndoneziya arasında ikitərəfli münasibətlərin, beynəlxalq təsisatlar, xüsusən də İslam Əməkdaşlıq Təşkilatı və Qoşulmama Hərəkatı çərçivəsində əlaqələrin hazırkı səviyyəsi məmnunluq doğurur.

Bəşəriyyətin üzləşdiyi COVID-19 pandemiyası ilə mübarizədə Azərbaycan xalqının İndoneziya xalqı ilə həmrəy olduğunu qeyd etmək istəyirəm.

Belə bir əlamətdar gündə Sizə möhkəm cansağlığı, xoşbəxtlik, dost İndoneziya Respublikasına daim rifah arzulayıram".

ŞƏRH YAZ
0
BAĞLA