\'\'Rafael Dadaşov tərəf müqabili olduğu insanlarla ciddi münasibətdə idi\'\'

''Ölkə.Az'' xəbər verir ki, Xalq artisti Nurəddin Mehdixanlı Rafael Dadaşovla olan xatirələrindən danışıb.

''Biz 1978-ci ildən bəri Rafael Dadaşovla bir yerdə işləyirik. İlk dəfə biz onunla görüşəndə 19 yaşım var idi. Amma indi 63 yaşım var. İndi Xalq artistini 74 yaşında son mənzilinə yola saldıq. Həqiqətən də böyük itkidir. Yaxşı adamın, yaxşı sənətkarın itkisidir. Rafael Dadaşovu digərlərindən fərqləndirən başlıca cəhətlərdən biri o idi ki, indiyə kimi kiməsə zərrə qədər də olsa zərəri, ziyanı dəyməyən insan idi. Heç kimin pisliyini istəməyib, heç kimin arxasınca danışmayıb. Sənəti ilə məşğul olan çox yaxşı insan idi. Tərəf müqabili olduğu insanlarla hər zaman ciddi münasibətdə idi. Rafael kimi insanlar hələ o vaxtlar az idisə, indi isə demək olar ki, yoxdur. Allah ona rəhmət eləsin''.

Ölkə.Az