KORONAVİRUSA YOLUXANLARIN SAYI - CANLI STATİSTİKA

Ramazan ayının 29-cu gününün — İmsak və iftar vaxtı

Ramazan ayının 29-cu gününün
01:56
23.05.2020
10168
Ölkə
A
Bu gün Ramazan ayının 29-cu günüdür.

Qafqaz Müsəlmanları İdarəsinin açıqladığı Ramazan təqviminə əsasən, mayın 23-də imsak vaxtı saat 03:28-də, iftar vaxtı isə 20:13-dədir. 

29-cu günün imsak vaxtının duasını təqdim edirik:

Duanın oxunuşu: “Allahummə ğəşşini fihi bir-rəhməh. Vərzuqni fihit-tovfiqə vəl-isməh. Və təhhir qəlbi min ğəyabihit-tuhməh. Ya rəhimən bi-ibadihil-mu-minin!”.

Tərcüməsi: “İlahi, bu gün məni öz sonsuz rəhmətinlə əhatə et! Bu gün mənə qüvvət və ismət nəsib et! Ürəyimi töhmətçilik qaranlığından təmizlə! Ey mömin bəndələrinə rəhmli olan Allah!”

İftar duası:

Duanın oxunuşu: “Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli!”

Tərcüməsi: “İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”

Allah orucunuzu qəbul etsin!

ŞƏRH YAZ
0

Yağış yağacaq, güclü külək əsəcək

Yağış yağacaq, güclü külək əsəcək
05:48
Bu gün
4633
Ölkə
A
Bakıda və Abşeron yarımadasında iyulun 15-də havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə yağış yağacağı, şimşək çaxacağı gözlənilir.

Milli Hidrometeorologiya Xidmətindən “Ölkə.Az”a verilən məlumata görə, arabir güclənən şimal-qərb küləyi əsəcək.

Havanın temperaturu  Abşeron yarımadasında gecə 22-25,  gündüz 29-32, Bakıda  gecə 23-25, gündüz  30-32 dərəcə isti olacaq. 

Atmosfer  təzyiqi normadan aşağı 755 mm civə sütunundan 758 mm civə sütununa yüksələcək, 
nisbi rütubət gecə 70-80, gündüz 45-50 faiz təşkil edəcək.   

Abşeron çimərliklərində arabir güclənən şimal-qərb küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.  

Azərbaycanın rayonlarında şimşək çaxacağı, arabir yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi gözlənilir. 

Qərb küləyi ayrı ayrı yerlərdə arabir güclənəcək. Havanın temperaturu gecə 20-25, gündüz 31-36, dağlarda gecə 10-15, gündüz  20-25 dərəcə  isti olacaq.   

Tibbi-meteoroloji proqnoza gəlincə, iyulun 15-də Abşeron yarımadasında arabir güclənən xəzri küləyi fonunda iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.

ŞƏRH YAZ
0

Sumqayıtda tullantıları qalaqlayıb yandıran şəxs 600 manat cərimələndi

Sumqayıtda tullantıları qalaqlayıb yandıran şəxs 600 manat cərimələndi
02:42
Bu gün
2797
Ölkə
A

Daxili İşlər Nazirliyinin Baş İctimai Təhlükəsizlik İdarəsi Sumqayıt şəhərində məişət tullantılarının qalaqlanması hallarının qarşısının alınması məqsədilə tədbir keçirib.

Nazirliyin mətbuat xidmətindən verilən məlumatına görə, iyulun 13-də keçirilmiş tədbirlər zamanı Sumqayıt şəhəri ərazisində yerləşən istirahət mərkəzlərindən birinin yaxınlığında sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsinə görə, şəhər sakini M.Göyçayev barəsində İnzibati Xətalar Məcəlləsinin 271-ci maddəsi ilə protokol tərtib edilib və o, 600 manat cərimə olunub.

Qeyd olunur ki, bu istiqamətdə tədbirlər davam etdirilir.

ŞƏRH YAZ
0
BAĞLA