Rasim Balayev səhhətindən DANIŞDI
Xalq artisti “Ölkə.Az”ın əməkdaşı ilə söhbətində hazırda səhhətinin normal olduğunu bildirib.
“Hazırda özümü normal hiss edirəm. Uğurlu cərrahiyə əməliyyatı olundum və ilkin fizioterapiya kursunu keçməli idim. Sadəcə, yaşım 65 yaşdan yuxarı olduğuna görə karantində evdən çıxa bilmədiyim üçün reabilitasiyam bir az uzanır. Başqa əməliyyatlardan fərqli olaraq, burada fizioterapiyanın böyük əhəmiyyəti var. Şükr edirəm ki, əməliyyatım karantin dövrünə təsadüf etmədi. Ağrılarım çox olurdu deyə vaxtı təxirə salınsaydı, əziyyət çəkərdim. İndi müraciət etmişəm, inşallah, bu yaxında müalicəm başlayacaq”,- deyə, Xalq artisti bildirib.
Qeyd edək ki, Xalq artisti Rasim Balayev boyun nahiyəsində yaranan problemlə bağlı Türkiyədə əməliyyat olunub.
Nərmin Nuru
Ölkə.Az
