KORONAVİRUSA YOLUXANLARIN SAYI - CANLI STATİSTİKA

Rəşad Süleymanov — Qusardan ən iddialı namizəd

Rəşad Süleymanov
14:45
22.01.2020
2093
Siyasət
A
Fevralın 9-da Azərbaycanda növbədənkənar parlament seçkiləri keçiriləcək. 51 saylı Qusar seçki dairəsindən deputatlığa namizəd Rəşad Musa oğlu Süleymanov deputatlıq mandatı uğrunda mübarizə aparacaq.

Süleymanov Rəşad Musa oğlu 30 may 1984-cü ildə Bakı şəhərində anadan olub. 1991-ci ildə Bakı şəhəri Nərimanov rayonu 178 saylı orta məktəbin 1-ci sinfinə gedib, sonradan təhsilini Nərimanov rayonu “Araz” ekoloji liseyində davam etdirib və 2001-ci ildə həmin liseyi bitirib.

2002-2004-cü illər ərzində Amerika Birləşmiş Ştatlarının Los-Anceles şəhərində “Language Systems International” biznes dil kursunu bitirib. 2005-2010-cu illərdə Bakı Dövlət Universitetinin Beynəlxalq Münasibətlər ixtisasının bakalavr pilləsini fərqlənmə diplomu ilə tamamlayıb.

2006-2008-ci illərdə Azərbaycan Respublikasının Silahlı Qüvvələrində həqiqi hərbi xidmətdə olub. 2004-cü ildən 2006-cı ilədək ADO-G Şirkətlər Qrupunda Kommersiya üzrə direktor və Marketinq üzrə direktor vəzifələrində işləyib. 2009-cu ildən 2010-cu ilədək ADO-G Şirkətlər Qrupunda Beynəlxalq əlaqələr üzrə direktor vəzifəsində, 2010-cu ildən indiyədək isə baş direktor vəzifəsində işləyir.

2013-cü ildə “Gemini Studio” MMC-ni təsis edib. Müxtəlif kurs və seminarlarda iştirak edib. Azərbaycan, ingilis, rus, türk və ləzgi dillərini əla səviyyədə bilir. Heç bir siyasi partiyanın üzvü deyil. Hazırda Bakı şəhərində yaşayır. Evlidir, iki övladı var.

"Ölkə.Az" Rəşad Süleymanovun platformasındakı əsas məqamları təqdim edir:

1. İşsizlik və peşə təhsili – Qusar şəhərində, xüsusilə gənclərin arasında işsizlik ilə mübarizə. İşsizliyin aradan qaldırılması üçün müasir metodikaların istifadəsi və peşə təlimlərinin keçirilməsi. Məsələn: Turizm və qonaqpərvərlik (hotel və restoran idarəetmə) təlimləri. Gənclər təlimləri keçdikcə turizm sektorunda sertifikatlı peşəkar kadrlar ola biləcək və bu da öz növbəsində, onlara gələcək karyeralarını bu sektorda uğurla davam etdirmək üçün təkan verəcək.

2. Kiçik biznesə dəstək – Son illər ərzində Qusar Azərbaycanın aparıcı turizm mərkəzlərindən birinə çevrilir və bu da öz növbəsində şəhərdə kiçik biznesin inkişafı üçün əlverişli mühit yaradır. Bu mühitdən yararlanmaq üçün Qusar əhalisinə mövcud mənbələrdən isitfadə imkanlaranın düzgün yolları göstərilməli və onlara dəstək olunmalıdır. Məsələn:

- Turistlərin kənd camaatın əmlakı və təsərrüfatlarında yerləşməsinin təşkili;

- Aqroturizmin inkişafı. Aqroturizm – turistlərin kənd yerlərinə gəldikləri, kənddə bir müddət yaşadıqları və işlədikləri, kəndlilərin həyatı, ərazinin adət və mədəniyyətləri və kənd təsərrüfatının ənənəvi növləri ilə tanış olduqları turizm növüdür.

3. Sağlam həyat tərzinin təbliği – Parklarda və digər ictimai yerlərdə idman meydançaları quraşdırılmalıdır. İdman avadanlıqları ilə təchiz edilmiş meydançalar hər kəs üçün əlçatan və ödənişsiz olmalıdır ki, bu da öz növbəsində əhali arasında sağlam həyat tərzini təbliğ etməyə təkan verəcək.

4. Keyfiyyətli internet – İndiki zamanda gündəlik həyatımızı və işimizi İnternetsiz təsəvvür etmək mümkün deyil. Bundan əlavə, internet böyük bir bilik mənbəyidir və internetə çıxış mövcudluğu birbaşa əhalinin inkişafı və qazancı ilə əlaqəlidir. Məhz buna görə də Qusar əhalisinin keyfiyyətli internetə çıxışı olması həddindən artıq zəruridir və bu məsələ üçün həll yolu tapılmalıdır.

5. İnvestisiya mühitinin təşviqi – Yerli və xarici investorları cəlb edərək onlara Qusarın investisiya mühiti haqqında ətraflı məlumat vermək və bununla da yeni iş yerlərinin açılmasını stimullaşdırmaq.

6. Gender məsələsi – Qusar rayonunda uşaq bağçalarının açılması üçün tədbirlər görüləcək, bu da öz növbəsində evdə övladına baxan qadınlara vaxta qənaət etməkdə və iş tapmaqda böyük kömək olacaq.

ŞƏRH YAZ
0

Deputat: “Hədəfimiz pandemiyanın ölkə iqtisadiyyatına zərərlərini minimuma endirmək olmalıdır”

Deputat: “Hədəfimiz pandemiyanın ölkə iqtisadiyyatına zərərlərini minimuma endirmək olmalıdır”
19:23
Bu gün
226
Siyasət
A
Azərbaycan dövlətinin zamanında məqsədyönlü və təxirəsalınmaz işlər görməsi hesabına bu gün ölkədə koronavirusa qarşı öz müsbət nəticəsini verməkdədir.

Bunu “Ölkə.Az”a açıqlamsında millət vəkili Sabir Hacıyev deyib.

Onun sözlərinə görə, biz koronavirus pandemiyası zamanı bir daha  şahidi olduq ki, həm  zamanında səhiyyə sistemi sahəsində görülən işlər, həm də  pandemiyanın başladığı ilk günlərdən etibarən ölkə başçısının  çevik siyasəti nəticəsində təxirəsalınmaz tədriblərin görülməsi  hesabına vəziyyəti nəzarət altında saxlamaq mümkün oldu. “Koronavirusa yoluxan insanların sayının artmasını nəzərə alan ölkə başçısı  qlobal pandemiya nəticəsində dünyada yaranmış mürəkkəb iqtisadi şəraitə baxamayaraq vətəndaşlarımızın sağlamlığının təmin edilməsi, onların müalicə olunması  üçün bütün zəruri addımlar atılaraq, lazımi tibbi ləvazimatlar, avadanlıqlar,  laboratoriyalar alınıb gətirildi və bu istiqamətdə işlər davam edir. Bununla yanaşı, ölkə daxilində də bu istiqamətdə ciddi addımlar atılaraq qısa zaman ərzində zəruri tibbi ləvazimatlar  istehsal edən  müəssisələr yaradıldı. Virusa yoluxan xəstələri yerləşdirmək üçün  təcili olaraq 10 modul tipli xəstəxanın tikintisinə başlanıldı və  cəmi 2-3 ay ərzində  9 xəstəxana tikilərək istifadəyə verilib. Yaxın vaxtlarda isə 10-cu xəstəxana istifadəyə veriləcək. Modul tipli xəstəxanaların yaradılmasını nəzərdə tutan proqramıən icrası nəticəsində əlavə 2 mindən artıq  çarpayı fondu yaradılıb.  Ölkə başçısının tapşırığı əsasında  daha hər biri 200 çarpayılıq modul tipli əlavə 6 xəstəxananın ölkəmizə gətirilməsi məsələsi həll olunur. Bu görülən məqsədyönlü  işlər nəticəsində Azərbaycanda 6 minə yaxın çarpayı fondu yaranacaq. Yəni sadaladığım bu işlər ancaq qlobal pandemiya dövründə Azərbaycanda görülən işlərdir.
Onu da demək yerinə düşər ki, bu gün koronavirusa yoluxan vətəndaşlarımız respublikanın 46 xəstəxanasında müalicə alır ki, bunların da 41-i son 17 il ərzində tikilib və ya əsaslı şəkildə təmir edilib, ən müasir avadanlıqlarla təchiz olunub”.
Deputat onu da əlavə edib ki, virusa yoluxan insanları müəyəyn etmək üçün indiyədək Azərbaycanda 700 mindən çox test keçirilib: “ Bu da adambaşına keçirilmiş testlərin sayına görə ölkəmiz dünyada qabaqcıl yerlərdən birini tutur. Bu məqsədlə ölkədə  31laboratoriya fəaliyyət göstərilir. Ancaq onların sayının 45-ə çatdırılması planlaşdırılır. Bundan əlavə olaraq COVID xəstələrinə xidmət göstərən həkimlərin sosial-iqtisadi vəziyyətinin yaxşılaşdıırlması məqsədi ilə onlaırn maaşları 3-5 dəfə artırılıb.  Xarici ölkələrdən ölkəmizə  xeyli sayda peşəkar həkimlər dəvət edilib.  Yəni Azərbaycan dövləti vətəndaşlaırn tezliklə sağalması və ağır vəziyyətdən az itkilərlə çıxmaq üçün bütün imkanlarını səfərbər edərək, lazım olan bütün işləri görür. Bütün bu görülən işlərin nəticəsidir ki, vəziyyəti nəzarət altında saxlamaq mümkün olub.

Bu gün Azərbaycan təkcə vətəndaşının deyil, eyni zamanda digrə ölkələrə də yardım edib. Qlobal pandemiyadan əziyyət çəkən  30-dan artıq ölkəyə müxtəlif formada yardəm edilib. Azərbaycanın bu addımı da beynəlxalq aləm tərəfindən  üzərinə  məsuliyyətini və  vəzifəni layiqincə yerinə yetriməsinin göstəricisi kimi qiymətləndirilir”.  

Deputat onu da bildirib ki, görülən  bütün bu işlərə baxmayaraq  pandmeiya davam edir və bunun nə zaman bitəcəyi və yaxud vaksinin ixtira ediləcəyi bəlli deyil: “Ona  görə də  vətəndaşlardan daha məsulşiyyətli olmaq və üzərlərinə düşən vətəndaşlıq borclarını icra edib, koronavirusla bağlı tövsiyyələrə ciddi əməl etməlidirlər. Bildiyiniz kimi may ayının əvvəlində yumşalma siyasəti  həyata keçirilən kimi xəstələrin sayı dərhal artmağa başladı və ölkə mənfi dinamika fazasına daxil oldu. Hökumət məcburiyyət qarşısında qalaraq növbəti sərt məhdudlaşdırıcı tədbirlər  həyata keçirməli oldu. Bu öz müsbət  nəticəsini göstərməkdədir. Artıq üç həftədir ki, ölkəmizdə sağalanların sayı yoluxanların sayından çoxdur.Amma yenə də ehtiyatlı olub tövsiyyələrə əməl etməliyik. Çünki xəstəlik yoxa çıxmayıb. Ona görə də hamımız məsuliyyətli və diqqətli olmalıyıq. Dövlətin əsas məqsədi insanların sağlamlığıdır. Ondan sonra əhəmiyyət baxımından bizim iqtisadi vəziyyətimiz, iqtisadi inkişafımız, iqtisadiyyatın dayanıqlılığı və biznes dairələrinə göstərilən dəstək, postpandemiya dövrünə hazırlıq olmalıdır.  Məsuliyyətli olub postpandemiya dövrünə ciddi hazırlaşmalıyıq. Ancaq   bir vətəndaş olaraq dövlət qarşısındakı məsuliyyətimizi dərk etməklə həm insanlaırmızın sağlamlığını qorumalıyıq, həm də iqtisadiyyatın daha çox ziyan çəkməsinin qarşısnı alaraq, yenidən aktivliyini təmin etməliyik. Bunlar bizim hamımızdan asılı olan məsələdir.
Ölkə başçısı da son müşavirədə çıxışı zamanı qeyd etdi ki,  əsas hədəflərədn biri də iqtisadiyyatın daha az itki ilə çıxması və postpandemiya dövrünə hazırlıq məsələsidir. Ölkə iqtisadiyyatının yenidən aktivləşdiirlməsinin yollarından danışan ölkə başçısı  bildirib ki, əsas diqqət iqtisadiyyatın liberallaşdırılmasına yönəldiləcək və bu istiqamətdə ciddi islahatlar həyata keçiriləcək. Özəlləşdirmə sahəsində daha geniş islahatlar aparılmalıdır ki, bu yolla həm özəl, həm də xarici şirkətləri  iqtisadiyyatının yenidən bərpa olunmasına  və inkişafına sərmaya qoymasına cəlb etmək mümkün olsun.

Deputat son olaraq onu da əlavə etdi ki, qlobal pandemiya dövründə iqtisadiyyatımızın tənəzzülə uğramasına baxmayaraq heç bir sosial layihə ixtisar edilmədi və edilməyəcək: “Əksinə bütün layihələr uğurla icra olunmaqdadır və nəzərdə tutulan vaxtda hamısı icra olunacaq. Çünki həyata keçirilən məqsədyönlü siyasət problemlərin öhdəsindən gəlməyə imkan verəcək”.

 Mürtəza
Ölkə.Az

ŞƏRH YAZ
0

Bölgələrdə 50 faiz həkim ştatı boşdur — DEPUTAT

Bölgələrdə 50 faiz həkim ştatı boşdur
18:24
Bu gün
381
Siyasət
A
“Həkimlərin əmək qanunvericiliyə uyğun 65 yaşda pensiyaya çıxarılmasına yenidən baxılmalıdır”.

 Ölkə.az xəbər verir ki, deputat Rəşad Mahmudov bildirib ki, artıq bölgələrdə ciddi həkim çatışmazlığı müşahidə olunur:

“Bakı və ətraf qəsəbələri çıxmaqla, bölgələrdə 50 faiz həkim ştatı boşdur. Bunu rəsmi statistikaya əsaslanaraq deyirəm. Biz müvafiq dövlət qurumları bu məsələyə yenidən baxıb həkimlərin 65 yaşda pensiyaya çıxarılması məsələsinə yenidən baxmalıyıq”.

Ölkə.Az

ŞƏRH YAZ
0
BAĞLA