KORONAVİRUSA YOLUXANLARIN SAYI - CANLI STATİSTİKA

Rəsədxana: Bu gün planetlərin paradı başlayır

Rəsədxana: Bu gün planetlərin paradı başlayır
01:58
04.07.2020
4155
Ölkə
A
İyulun 4-də Günəş sistemindəki bütün planetlər Günəşdən eyni istiqamətdə bir düz xətt boyunca sıraya düzüləcək.

Şamaxı Astrofizika Rəsədxanasından "Ölkə.Az"a bildirilib ki, “Planetlərin paradı” adlanan bu düzülüş olduqca maraqlı və bir o qədər də valehedici astronomik hadisədir. “Planetlər paradı” Günəş sistemində iki formada olur: Kiçik planetlərin paradı - bu hadisə Günəş sistemindəki kiçik planetlərin, yəni Merkuri, Venera, Yer və Marsın iştirakı ilə baş verir; Böyük planetlərin paradı - bu hadisə isə Uran, Saturn, Yupiter, Neptunun iştirakı ilə yaşanır. Lakin bəzən bu planetlərin hamısı bir düz xətt boyunca düzülür ki, bu, “Planetlərin tam paradı” adlanır.

Cırtdan planet olaraq təsnif edilən Pluton və Günəş sistemində olan 8 planetin hamısı iyul ayının 4-də bir düz xətt halında olacaq. Lakin iyul ayı boyu davam edəcək planetlər paradı tam şəkildə görünməyəcək. Belə ki, Uran, Neptun və Pluton çox uzaq olduqları üçün adi gözlə görünmürlər. Mars, Yupiter, Saturn gecə vaxtı, Venera səhər saatlarında görünəcək, Merkuri isə Günəşə yaxın olduğu üçün görünməyəcək.

Bu astronomik hadisə zamanı Günəşin özündə və planetlərdə qabarma qüvvəsi yarana bilər. Hansı ki, bu zaman Günəşdə baş verən partlayışlarda artım və ya güclənmə müşahidə olunması mümkündür. Digər bir tərəfdən isə planetlərin özündə tektonik fəaliyyətlər yaşana bilər. Bununla belə, “Planetlərin paradı”nın bizim planetimiz və üzərindəki canlılara heç bir mənfi təsiri olmayacaq.

Sonuncu dəfə bu nadir astronomik hadisə 10 mart 1982-ci ildə baş vermişdi ki, həmin vaxt Günəş sistemindəki bütün planetlər Günəşdən eyni tərəfdə, 95 dərəcə bucaqlı sektorda toplaşıblar.

Qeyd edək ki, növbəti belə “Tam Planetlər Paradı”nın 2161 və 2492-ci illərdə olacağı proqnozlaşdırılır.

ŞƏRH YAZ
0

İcra başçısı onlara yüksək vəzifə verdi

İcra başçısı onlara yüksək vəzifə verdi
22:02
Bu gün
672
Ölkə
A
Ağstafa Rayon İcra Hakimiyyətində (RİH) yeni təyinatlar olub.

"Ölkə.Az" Ağstafa İcra Hakimiyyətinin saytına istinadən xəbər verir ki, Kənan İlham oğlu İbrahimov başçının müavini və Sosial-iqtisadi inkişafın təhlili və proqnozlaşdırılması şöbəsinin müdiri vəzifəsinə təyin edilib.

Naqif Vaqif oğlu Mehdiyev isə İnformasiya təminatı və təhlil sektorunun müdiri vəzifəsinə təyinat alıb.

ŞƏRH YAZ
0

Azərbaycanda reanimasiyada olan koronaviruslu xəstələrin sayı açıqlanıb

Azərbaycanda reanimasiyada olan koronaviruslu xəstələrin sayı açıqlanıb
20:39
Bu gün
219
Ölkə
A
Azərbaycanda koronavirusa yoluxmuş xəstələrdən reanimasiya olanların sayı 192 nəfərdir.

"Ölkə.Az" xəbər verir ki, bu barədə TƏBİB-in məlumatında bildirilib. Qeyd olunub ki, xəstələrdən 34 nəfəri süni nəfəs cihazına qoşulub.

Qeyd edək ki, bugünədək Azərbaycanda 34 107 nəfər COVID-19-a yoluxub, onlardan 31 697-si sağalıb, 506 nəfəri isə ölüb

ŞƏRH YAZ
0
BAĞLA