KORONAVİRUSA YOLUXANLARIN SAYI - CANLI STATİSTİKA

Ronaldinyo azadlığa buraxıldı — FOTO

Ronaldinyo azadlığa buraxıldı
12:46
08.04.2020
3823
Dünya
A
Əfsanəvi futbolçu Ronaldinyo ev həbsinə göndərilib.

 “Ölkə.Az” xəbər verir ki, keçmiş braziliyalı yarımmüdafiəçi bir aylıq həbsdən  sonra Paraqvay həbsxanasını tərk edib. İndi o, otellərin birində ev dustaqlığındadır.

Xatırladaq ki, martın əvvəlində Ronaldinyo və qardaşı saxta sənədlərdən istifadə etdiyi üçün saxlanılıb. İdmançının sözlərinə görə, ona saxta passport Paraqvay hava limanında verilib.

Qeyd edək ki, yerli məhkəmə prokurorluğu futbolçunun həbsini tələb etdikdən sonra o, tutulub.  Nəticədə Ronaldinyo 40-cı yaşını həbsxanada qeyd edib.

Ölkə.Az

ŞƏRH YAZ
0

Koronavirusun peyvəndi nə zaman hazır olacaq?

Koronavirusun peyvəndi nə zaman hazır olacaq?
08:06
Bu gün
500
Dünya
A
Yeni növ koronavirus (COVID-19) infeksiyasına qarşı peyvənd ilin sonunadək hazır olmayacaq.

"Ölkə.Az" e-tibb.az-a istinadən bildirir ki, bu barədə Ümumdünya Səhiyyə Təşkilatının (ÜST) sözçüsü Marqaret Harris deyib: "Yaxşı xəbər budur ki, dünyanın hər yerində tədqiqatçılar peyvənd üzərində işləyirlər. Yüzə qədər müxtəlif qrupumuz var, amma bu proses vaxt aparır. Bu, həm də təhlükəsizlik məsələsi ilə bağlıdır. Biz iki məsələni bilməliyik. Peyvənd virusla qarşılaşanda düzgün antikorları stimullaşdırırmı? Eyni zamanda, peyvəndin yan təsirləri varmı? Hansı peyvəndin daha etibarlı olmasını bilmək də vacibdir. Daha sonra bu peyvəndin istehsalı, onun insanlara necə çatdırılması məsələsini başa düşmək lazımdır. Bütün bunlar isə vaxt tələb edir".

M. Harris qeyd edib ki, hətta müalicədə istifadə olunan dərman vasitələrinin test edilməsi də vaxt tələb edir, çünki bəzi xəstələrdə dərmanın öz təsirini göstərməsi təsadüf də ola bilər: "Buna görə də bütün lazımi testləri aparmaq üçün daha çox vaxt lazımdır".

ŞƏRH YAZ
0

ABŞ-ın Hyuston şəhərində 200 etirazçı həbs edilib

ABŞ-ın Hyuston şəhərində 200 etirazçı həbs edilib
05:07
Bu gün
708
Dünya
A
ABŞ-ın Hyuston şəhərinin (Texas ştatı) polisi Minneapolisin hüquq-mühafizə orqanlarının əməkdaşları tərəfindən tutulan zaman ölən afroamerikalı Corc Floydun ölümü ilə əlaqədar başlanmış etiraz aksiyalarının 200 iştirakçısını həbs edib.

"Ölkə.Az"ın məlumatına görə, bu barədə şəhər polisi "Twitter"dəki səhifəsində bildirib.

"Bizim zabitlərimiz ötən gün və gecə boyunca təşkil edilən qanunsuz toplantılarda iştirak edən təxminən 200 nəfəri həbs edib. Onların əksəriyyətinə qarşı yolların bağlanılması üzrə ittihamlar irəli sürüləcək", - polisin xəbərində (mesajında) deyilir.

Həmçinin qeyd edilir ki, etirazların gedişatında dörd polis əməkdaşı da yaralanıb. Bununla yanaşı, səkkiz polis avtomobilinə zərər vurulub.

Qeyd edək ki, artıq bir neçə gündür Minneapolisdə və digər şəhərlərdə etiraz aksiyaları keçirilir. Qarışıqlıqlara səbəb polisin zorakılığı nəticəsində afroamerikalı Corc Floydun həlak olmasıdır.

ŞƏRH YAZ
0
BAĞLA