KORONAVİRUSA YOLUXANLARIN SAYI - CANLI STATİSTİKA

Rövşən Lənkəranskinin bazarı sökülür

Rövşən Lənkəranskinin bazarı sökülür
13:32
21.09.2019
9553
Dünya
A
Azərbaycanlı kriminal avtoritetlərin daimi nəzarətində olan meyvə-tərəvəz bazarı sökülür. Uralın paytaxtı Yekaterinburqda Azərbaycandan birdəfəyə 30 min tonadək meyvə-tərəvəz qəbul edə bilən yeni loqistik mərkəz tikiləcək.

“Ölkə.Az” Rusiya mətbuatına istinadən xəbər verir ki, Yekaterinburq rəhbərliyi bu yolla kriminal aləmin maliyyələşdirilməsində müstəna rolu olan 4 saylı meyvə-tərəvəz bazasından  qurtulmaq istəyir.  Yeni layihəyənin reallaşdırılmasına Yekaterinburqun qubernatoru Yevgeniy Kuyvaşev özü şəxsən nəzarət edəcək. Yeni meyvə-tərəvəz  terminalı Yekaterinburqda hava limanı  və Universiada şəhərciyi yaxınlığında tikiləcək və  Azərbaycandan  gətirilən meyvə-tərəvəzlə təmin ediləcək.

Yeni logistik mərkəzin tikintisinə bu il başlanacağı və 2021-ci ildə istifadəyə verilməsi planlaşdırılır. Yeni baza  istifadəyə verildikdən sonra 4 saylı bazasındakı işləyən azərbaycnlılar və Azərbaycan diasporasının ora yerləşdirilməsi nəzərdə tutulur.

“Ura.ru”nun verdiyi xəbərə görə, bu məsələ Sverdlovsk vilayətinin rəhbərliyinin bu yaxınlarda Azərbaycan səfəri zamanı Azərbaycan hakimiyyəti ilə müzakirə edilib və  razılıq əldə  olunub. Əldə edilən razılığa əsasən  Azərbaycandan Urala meyvə-tərəvəzin ixracı ilə  “TEN” şirkəti məşğul olacaq.

Adı çəkilən bazada davamlı olaraq  kriminal qalmaqallar baş verdiyindən  hər zaman hüquq-mühafizə orqanlaırnın nəzarətində olub.

Qeyd edək ki, zamanında adı çəkilən bazanın qeyri-rəsmi rəhbəri kriminal aləmin ən nüfuzlu simalarından olan mərhum Rövşən Lənkəranski olub. Orada çalışan alverçilər və iş adamları Rövşənə haqq veriblər.

Mətbu orqanının  yazdığına görə, hazırda bazadan kriminal aləm üçün pullatı kriminal avtoritet Sarı Hacıyev yığır.

Mürtəza

Ölkə.Az

ŞƏRH YAZ
0

Türkiyə sərt karantin rejiminə qayıdır

Türkiyə sərt karantin rejiminə qayıdır
13:35
Bu gün
376
Dünya
A
Türkiyənin bəzi bölgələrində epidemioloji vəziyyət yenidən gərginləşib. Bu səbəbdən 83 yaşayış məntəqəsində karantin tədbirləri yenidən sərtləşdirilir.

"Ölkə.Az" oxu.az-a istinadən xəbər verir ki, bu barədə Türkiyənin Daxili İşlər Nazirliyi məlumat yayıb.

Nazirliyin məlumatında qeyd olunur ki, 32 şəhərdə, dörd qəsəbədə, 37 kənddə, 39 məhəllədə və üç yaşayış məntəqəsində (toplam 83 yaşayış məntəqəsi) karantin rejimi sərtləşdirilir.

Qeyd edək ki, indiyə qədər Türkiyədə 237 265 nəfərin COVID-19-a yoluxduğu aşkar edilib. 5 798 xəstə pandemiyanın qurbanı olub.

ŞƏRH YAZ
0

Qəsəbəyə giriş-çıxış dayandırıldı — Toydan sonra kütləvi yoluxma

Qəsəbəyə giriş-çıxış dayandırıldı
09:00
Bu gün
1950
Dünya
A
Türkiyənin Afyonkarahisar vilayətində yerləşən Beyyazı qəsəbəsinə giriş-çıxış nəzarətə götürülüb.

''Ölkə.Az'' publika.az-a istinadən xəbər verir ki, 3300 nəfər əhalisi olan qəsəbədə bir neçə gün əvvəl keçirilən toy mərasimindən sonra koronavirusa yoluxma halları kəskin artıb. Belə ki, bir gün içində 48 nəfərin koronavirusa yoluxduğu məlum olub. Həmin şəxslərin ailələrində və ətrafındakı ümumilikdə 800 nəfər risk qrupuna düşdüyü üçün yerli qurumlar qəsəbəni ümumilikdə karantinə almaq qərarına gəlib.

Artıq qəsəbənin giriş-çıxışlarında postlar qurulub. 

Ölkə.Az

ŞƏRH YAZ
0
BAĞLA