KORONAVİRUSA YOLUXANLARIN SAYI - CANLI STATİSTİKA

"Sağ qalsam, heç bir azərbaycanlıya pulsuz xidmət etməyəcəyəm" — HƏKİM FƏRYAD ETDİ - VİDEO

21:59
04.07.2020
9376
Ölkə
A
“Sağ qalsam, bundan sonra bir nəfər azərbaycanlıya, özünü azərbaycanlı sayana pulsuz xidmət etməyəcəm”. Azərbaycanda koronaviruslu xəstələrə qulluq edən və sonradan özü də virusa yoluxan həkim-anestezioloq Araz Namzatoviç Ağayev Facebook profilində belə yazıb. Görəsən, həkimin bu qədər hiddətlənməsinə nə səbəb olub?

"Ölkə.Az" Sağlam TV-yə istinadən xəbər verir ki, özünün Facebook statusunda həkim bunları yazıb:

“Çox hörmətli dostlar! Özümü qoruya bilmədim. Maləsəf, mən də yoluxdum (Diaqnoz: ikitərəfli ağciyər pnevmoniyası; sol 50% zədələnib). Təngnəfəslik, boğulma, öskürək, qızdırma yorur. Müalicə başlanıb.

Deməli, işlədiyim xəstəxanaya yerləşdim. Yerləşdiyim otaqda tualet var. 50-60 yaşlarında bir xala gəlib həmin tualetə girir (qaldığımız otaqda məndən əlavə iki kişi xəstə var) və tualetin içinə nə gəldi atır. İş o həddə çatıb ki, artıq tualet işləmir. Bu gün irad bildirmişəm ki, ay xala, heç olmasa, eyni məsafədə şöbənin o biri tərəfində tualet var, get ora. Səsini atdı başına. Nə isə ki, mənə “erməni”yə qədər dedi. Dedim, düz deyirsən, mən “erməni” sən azərbaycanlıya üç aydır niyə baxıram ki, yoluxub bura gələm. Nə desən haqlısan…

Əl qərəz. Sağ qalsam, bundan sonra bir nəfər azərbaycanlıya, özünü azərbaycanlı sayana pulsuz xidmət etməyəcəm (şəhid ailələri və qazilərdən başqa)”.

Son fikrini yarı zarafat – yarı ciddi cümlə ilə bitirən Araz Namzatoviç adlı gənc həkim digər bir statusunda həmkarlarının həyat və iş şəraiti ilə bağlı bunları yazaraq: “Nə qədər ki, bu dövrdə, ən ağır durumda belə, həkimlərin və tibb işçilərinin məvacibi, yaşayış şəraiti yaxşılaşmayacaq, vəziyyət bundan da betər olacaq…”, – deyib.

Həkimə təbii ki, cansağlığı, tezliklə yoluxduğu bu virusdan xilas olmasını arzu edirik. Təbii ki, onun hisslərini başa düşürük. Bununla belə, bildirməliyik ki, dünyanın hər yerində nadanlar, cahillər var. Ola bilsin, bizim ölkəmizdə sayları bir qədər çoxdur.

Digər tərəfdən, məsuliyyətsizlik və laqeydlik təkcə həkimlərə qarşı deyil, ölkədə bütün sahələrdə var. O ki qaldı səhiyyəyə, gənc həkim bu sənətə gələndə bilməli idi ki, o elə bir ölkədə yaşayır ki, hətta koronavirusdan da əvvəl buralarda insanlar sağlamlığına qarşı laqeyd olub. Burada qadınlar və kişilər xarici görünüşünə, görüntüyə daha çox diqqət və pul ayırır, nəinki sağlamlığına.

Odur ki, nə olur-olsun hisslərə sahib olmaq, aqressiya püskürən sözlərdən uzaq durmaq lazımdır. Unutmaq olmaz ki, koronavirus kin, bədbinlik, ümidsizlik, nifrət, qorxu, aqressiya daşıyan insanların canına daha çox qəsd edir. Qəzəb və peşmançılıq həyat və sağlamlıq üçün təhlükəlidir.

 

ŞƏRH YAZ
0

Azərbaycanda daha 226 nəfər COVID-19-a yoluxub

Azərbaycanda daha 226 nəfər COVID-19-a yoluxub
17:27
Bu gün
185
Ölkə
A
Azərbaycanda koronavirus infeksiyasına yeni 226 yoluxma faktı qeydə alınıb, 588 nəfər müalicə olunaraq sağalıb və evə buraxılıb.

Bu barədə "Ölkə.Az"a Nazirlər Kabineti yanında Operativ Qərargahdan məlumat verilib. COVID-19 üçün götürülən analiz nümunələri müsbət çıxmış 5 nəfər vəfat edib.

İndiyədək ölkədə ümumilikdə 32 910 nəfərin koronavirus infeksiyasına yoluxması faktı müəyyən edilib, onlardan 28 348 nəfər müalicə olunaraq sağalıb, 473 nəfər vəfat edib, aktiv xəstə sayı 4 089-dur. 

Son sutka ərzində yeni yoluxma hallarının müəyyənləşdirilməsi ilə əlaqədar 6409, ötən müddət ərzində isə ümumilikdə 751 246 test aparılıb.

ŞƏRH YAZ
0

Azərbaycanda 10 kq narkotik vasitə dövriyyədən çıxarılıb — FOTO

Azərbaycanda 10 kq narkotik vasitə dövriyyədən çıxarılıb
17:13
Bu gün
153
Ölkə
A
Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları tərəfindən keçirilən əməliyyat nəticəsində narkotik vasitə və psixotrop maddələrin qanunsuz dövriyyəsi ilə məşğul olan şəxs saxlanılıb.

Daxili İşlər Nazirliyindən "Ölkə.Az"a verilən məlumata görə, şöbə əməkdaşlarının daxil olmuş əməliyyat məlumatı əsasında keçirdikləri tədbir zamanı Astara rayon sakini Abdulla Məmmədov tutulub. Onun üzərində şəxs axtarış aparılan zaman 3 qrama yaxın narkotik vasitə tiryək aşkar olunaraq götürülüb.

Abdulla Məmmədovun ətrafında əlavə əməliyyat tədbirləri keçirilən zaman onun Abşeron rayonu  Masazır qəsəbəsində kirayə yaşadığı mənzildə külli miqdarda narkotik vasitə və psixotrop maddə saxladığı da məlum olub. Polislər tərəfindən həmin ünvana baxış zamanı 855 qram heroin, 6 kiloqram 475 qram tiryək, 1 kiloqram 885 qram qurudulmuş marixuana və 904 qram psixotrop maddə metamfetamin aşkar edilərək götürülüb. Bu əməliyyat zamanı ümumilikdə 10 kiloqramdan artıq narkotik vasitə və  psixotrop maddə qanunsuz dövriyyədən çıxarılıb. Abdulla Məmmədov ifadəsində narkotik vasitələri şəxsiyyəti istintaqa məlum olmayan “Əli” adlı İran vətəndaşından aldığını bildirib.

Faktla bağlı Cinayət Məcəlləsinin müvafiq maddələri ilə cinayət işi başlanılıb, Abdulla Məmmədov tutularaq istintaqa təqdim olunub.  Zəruri istintaq və  əməliyyat-axtarış tədbirləri davam etdirilir.

Ölkə.Az

ŞƏRH YAZ
0
BAĞLA