KORONAVİRUSA YOLUXANLARIN SAYI - CANLI STATİSTİKA

"İftixar Piriyev içimizdə olan maskalanmış ermənidir" — ŞƏBNƏMDƏN SƏRT İTTİHAMLAR

17:40
04.03.2020
13648
Mədəniyyət
A
İrəvan Dövlət Azərbaycan Dram teatrının bir müddət öncə işdən uzaqlaşdırılan aktrisası Şəbnəm Cəbrayılova işə bərpa olunub.

Bu barədə aktrisa özü “Ölkə.Az”a məlumat verib.

“Bakı Apellyasiya Məhkəməsində qaldırdığım iddia məhkəmə tərəfindən təmin edildi, mən qalib oldum. Bu zəfər qazandığım ikinci məhkəmə idi. Birinci dəfə Nəsimi Rayon Məhkəməsində qalib oldum. Mən çox sevinirəm ki, barəmdə ədalətli qərar verildi.”

O, işə bərpa olunmağından da danışıb.

“Məhkəmənin qərarı ilə mən çalışdığım teatra işə bərpa olunmuşam, yalnız Azərbaycan qanunvericiliyə görə, əks tərəf 2 ay müddətində Azərbaycan Respublikasının Ali Məhkəməsinə müraciət etmək hüququ var. Bu da tam dəqiq deyil, çünki Ali Məhkəmə onun saxta sənədlərini qəbul edə də bilər, rədd cavabı da verə bilər. Bundan sonra mən tam işə bərpa olacağam. Teatrın direktoru məni qanunsuz şəkildə maddə ilə işdən qovub. Mən istəyirəm ədalət bərpa olunsun, qovulma sözü əmək kitabçamdan haqlı olaraq silinsin. Bundan başqa məhkəmənin qərarına əsasən işdən haqsız azad olunduğuma görə, işsiz qaldığım müddətlərdə əmək haqqım artımı ilə tam bərpa olunacaq”.

Aktrisa qalib olduğuna baxmayaraq, İftixar Piriyevin teatrda direktor olduğu müddətdə oraya qayıtmayacağını qeyd edib.
“Mən qalib olsam belə, teatra qayıtmayacağam. O təqdirdə qayıdaram ki, rəhbərlik dəyişilsin. İş nazirlik tərəfdən araşdırılmalıdır, hər şey göz qabağındadır. İftixar Piriyevin necə bir insan olduğunu hamı bilir. O, bir neçə aktyor tərəfindən məhkəməyə verilib. O, məhkəmələrdə sürünən bir məxluqdur. Bu insan iş üçün yararsızdır. Ondan sonra hamımız teatra qayıdacağıq. Mənim uşağımın tələf olmasında birbaşa günahkar İftixar Piriyevdir”.

Aktrisa direktorun məhkəməyə saxta sənədlər təqdim etdiyini də bildirib.

“Bu gün məhkəmədə üzümə deyir ki, 15 gün işdə olmayıb.  Mənə də heç bir sənəd təqdim etməyib. Mən həmin ərəfələrdə xəstə idim, dəfələrlə teatrla əlaqə saxlayıb, tibbi arayışı təqdim etmək istəmişəm, lakin İftixar Piriyev hər dəfə “mənə gələndə gətirərsən, dincəl, səhhətinlə məşğul ol” deyirdi. Belə çıxır ki, qəsdən belə edib ki, məni çıxarmağa bəhanəsi olsun. Mən də bütün səs yazılarını, yazışmaları məhkəməyə təqdim etdim, haqlı olduğumu sübut etdim”,- deyə o, deyib.

 Sonda Şəbnəm Cəbrayılova İftixar Piriyevin iç üzünün tezliklə ortaya çıxacağına ümid etdiyini də vurğulayıb.

“Mənə dəfələrlə xəbər göndərib ki, gəlsin işinə davam etsin. Ancaq mən bilirəm ki, qayıtsam mənim başıma gətirmədiyi oyunlar qalmayacaq. Piriyev o qədər insana şər – böhtan ataraq, işdən uzaqlaşdırıb ki…Qorxuram ki,  mən qayıtsam bu dəfə məni elə bir böhtanla şərləyər ki, altından qalxa bilmərəm. Mən görmüşəm o teatrda uşaqların başına nə oyunlar açıb. Çox şər-xətalı insandır. İftixar Piriyev içimizdə olan maskalanmış ermənidir”.

Qeyd edək ki, Ş.Cəbrayılova uşağının tələf olmasında İrəvan Dövlət Azərbaycan Dram teatrının direktoru İftixar Piriyevin təqsirkar olduğunu bildirib. Daha sonra o, haqsız olaraq direktor tərəfindən işdən qovulub.

Vüsalə Balayeva
Ölkə.Az

ŞƏRH YAZ
0

Azərbaycanın məşhur əməkdar artisti VƏFAT ETDİ — FOTO- SON DƏQİQƏ

Azərbaycanın məşhur əməkdar artisti VƏFAT ETDİ
21:05
05.07.2020
6107
Mədəniyyət
A
Akademik Milli Dram Teatrının aktyoru, əməkdar artist Tofiq Hüseynov vəfat edib.

“Ölkə.Az” xəbər verir ki, bu barədə aktrisa Rada Nəsibova “Facebook” səhifəsində məlumat verib.

“Daha bir sənətkarımız dünyasını dəyişdi. Nə deyim, gözəl insan, söz tapa bilmirəm. Sizdən zərrə qədər incikliyimiz olmadı. Yeriniz hər zaman görünəcək. Çox heyif. Nur içində yatın”.

Qeyd edək ki, Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb.

Xatırladaq ki, Tofiq Hüseynov xərçəng xəstəliyindən əziyyət çəkirdi.

ŞƏRH YAZ
0

Əməkdar artistin bacısı — KORONAVİRUSA yoluxdu

Əməkdar artistin bacısı
21:33
03.07.2020
4250
Mədəniyyət
A
"Koronavirus bizim ailədən də yan keçmədi. Bacım virusa yoluxub, indi ev şəraitində müalicə alır".

"Ölkə.Az" xəbər verir ki, bunu Əməkdar artist Gülüstan Əliyeva deyib.

Müğənni bacısına görə narahat olduğunu bildirib: "Bacımın vəziyyəti əvvəl ağır idi, indi səhhəti düzəlib. Evdə müalicələrini davam etdirir. Neçə vaxtdır ki, başımız ona qarışıb. Mən özüm də qorunuram.

Tibbi maska taxıram, əlcək geyirəm. Spirt həmişə çantamda olur. Doğrudur, bacımın koronavirusa yoluxması əhvalımıza təsir edib.

Amma son günlər sağalma müşahidə edilir, bu səbəbdən tezliklə əvvəlki vəziyyətə qayıdacağına ümid edirik". //Showxeber.az

ŞƏRH YAZ
0
BAĞLA