KORONAVİRUSA YOLUXANLARIN SAYI - CANLI STATİSTİKA

"Seçicilər etimad göstərərsə, öz rayonumun inkişafına töhfə verərəm" — Bələdiyyə üzvlüyünə gənc namizəd - MÜSAHİBƏ

12:03
06.12.2019
2065
Siyasət
A

22 saylı Nəsimi ikinci seçki dairəsindən bələdiyyə üzvlüyünə namizəd, jurnalist, İslahatçı Gənclər İctimai Birliyinin sədri Fərid Şahbazlının “Report”a müsahibəsi:

- Necə oldu ki, bələdiyyə seçkilərinə qatılmaq qərarına gəldiniz?

- Son bir ildə cənab Prezident tərəfindən ölkəmizdə aparılan islahatlar daha da dərinləşdirilib. Bu islahatlar cəmiyyətin bütün sahələrini, hakimiyyətin bütün qollarını tamamilə əhatə edib. Ölkəmizdə artıq müasir dövrün çağırışlarına cavab verən işgüzar, bacarıqlı və hazırlıqlı gənclər dövlət idarəçiliyində önə çəkilir. Cənab Prezident də çıxışlarında bildirib ki, Azərbaycanda dövlət idarəçiliyinə yeni model gətirilməlidir. Çevik, mobil və dövrün çağırışlarına cavab verən gənclər önə çəkilməlidir. Bu çağırışları nəzərə alaraq bir gənc kimi hesab etdim ki, ölkəmizdə baş tutacaq bələdiyyə seçkilərində iştirak edim. Düşünürəm ki, Azərbaycanda baş verən islahatların fonunda bələdiyyələr də islahatlar kursuna uyğun formalaşmalıdır. Ona görə də doğulduğum, yaşadığım Nəsimi rayonundan namizədliyimi irəli sürdüm. Düşündüm ki, seçicilər etimad göstərərsə, öz rayonumun inkişafına töhfə verərəm.

- Təşviqat mərhələsi necə gedir?

- Təşviqat mərhələsini bir neçə istiqamətdə aparırıq. Düşündük ki, birinci mərhələdə sosial şəbəkələr və media üzərindən təbliğatımızı həyata keçirək. Xüsusi posterlərimiz, namizəd olaraq haqqımızda məlumatlar hazırlandı. Sosial şəbəkələrin imkanından istifadə etməklə bunu seçicilər arasında yaydıq. Tanınmış ictimaiyyət nümayəndələri, sənətçilər, siyasətçilər və jurnalistlər bu prosesdə bizə yaxından dəstək oldular. Bunun nəticəsi olaraq, hesab edirəm ki, internet-mediada namizəd kimi populyarlıq qazana bildik. Dünəndən etibarən isə seçicilərlə görüşlərə başlamışıq. Müxtəlif sosial təbəqə nümayəndələri ilə tək-tək görüşlər keçiririk. Bu seçki strategiyamızın ikinci əsəs mərhələsidir. Sonuncu mərhələdə isə fikirləşirik ki, çeçki təbliğatı üçün nəzərdə tutulmuş yerdə görüş və konsert proqramı təşkil edək. Bu konsertdə həm gənc sənətçilər, həm də vətəndaşlar iştirak etsinlər. Hesab edirəm ki, bundan əvvəl bələdiyyə seçkilərinə olan münasibət dəyişib. İndi insanlarda daha çox maraq var. Bu həm ölkədə gedən istlahatlarla, həm də bələdiyyə seçkilərinə gənclərin, fəalların qoşulması ilə bağlıdır.

- Jurnalist fəaliyyətiniz bələdiyyə seçkilərində namizəd olmaqda nə dərəcədə rol oynayıb?

- Mən düşündüm ki, həm jurnalist kimi, həm də gənc fəal kimi əlimizdə olan imkanlardan faydalanmaqla bələdiyyəyə üzv kimi yaşadığım rayonun inkişafına xidmət etmək olar. Bu, mənim üçün mühüm detal oldu. Jurnalist həmkarlarımdan da çox böyük dəstək gördüm. Onların dəstəyinin nəticəsidir ki, qısa zamanda rayon əhalisi mənim namizədliyimdən xəbərdardır və dəstəkləyirlər. Bundan sonra aparacağımız təbliğatın yekununda da jurnalist həmkarlarımın və fəal gənclərin dəstəyi çox həlledici olacaq.

- Qalib gəlsəniz, hansı işlərin görülməsini təxirəsalınmaz hesab edəcəksiniz?

- Özüm də burada yaşadığım üçün bilirəm ki, Nəsimi rayonu ərazisində çox problemlər var. Görüşlərdə də insanlardan təkliflər gəlir. Xüsusilə məhəllə yollarında vəziyyət yaxşı deyil. Mənim şəxsən yaşadığım məhəllənin yollarında xeyli nöqsanlar var. Düzdür, mərkəzi yollar yaxşıdır, amma bunu məhəllələrin arasındakı yollara aid etmək olmaz. Daha sonra gənclərin asudə vaxtlarının səmərəli keçirilməsi üçün idman güşələri yaradılsın. Heç olmasa, kiçik idman qurğuları olsun ki, insanlar açıq havada idman edə bilsinlər. Dünən təklif də gəldi ki, məhəllələrin birində 15-ə yaxın taksi var və onların durması üçün imkan yoxdur. Biz də ya İcra Hakimiyyəti qarşısında, ya da müvafiq orqanların qarşısında dayanacağın qurulması məsələsini qaldıracağıq. Yəni bələdiyyə olaraq öz səlahiyyətimizdə olan və olmayan məsələləri digər qurumlar qarşısında qaldıracağıq və problemlərin həllinə çalışacağıq. Həmçinin bələdiyyənin gəlirlərinin artırılması üçün müəyyən addımlar ataq. Burada bəzi şəxslər var ki, 58 yaşı var, heç yerdə işləmir, təqaüd də almır. Biz belə insanlar üçün kiçik müəssisələrin açılmasını düşünürük. Bu həm gəlirlərin artması, həm də məşğulluğun həllinə kömək edər. Mən özüm xaricdə təhsil almışam. Orada bələdiyyə sistemində gördüyüm bir sıra ənənələr var ki, onları da qanunvericilik daxilində tətbiq etməyi düşünürəm. Əgər insanlar etimad göstərərsə, mərhələli formada bunların həllinə çalışacağıq.

- Gələcəkdə deputatlığa namizəd olmaq fikriniz varmı?

- Hələlik bu barədə qərar verməmişəm. Çünki Azərbaycanda parlament seçkilərinin vaxtı da elan edilməyib. Amma ola bilər ki, parlament seçkilərində də iştirak edək, amma buna qərar verməmişəm. Çünki düşünürəm ki, parlament seçkiləri daha ağırdır. Ətrafımızda olan insanlarla müzakirə apararaq real gücümüzü hesablayaraq sonra qərar verə bilərik.

ŞƏRH YAZ
0

Çinin aparıcı həkimləri Azərbaycana gəldi

Çinin aparıcı həkimləri Azərbaycana gəldi
20:15
Bu gün
82
Siyasət
A
“Azərbaycan Hava Yolları” (AZAL) avqustun 4-də Çindən bir qrup həkim və tibbi ləvazimatdan ibarət yükü Bakıya çatdırıb.

"Ölkə.Az" AZAL-a istinadən xəbər verir ki, çinli mütəxəssislərdən ibarət 10 nəfərlik qrup koronavirus xəstəliyi ilə mübarizədə təcrübə mübadiləsi məqsədilə AZAL-ın xüsusi reysi ilə Azərbaycana gəlib. 

Yüksək ixtisaslı tibb mütəxəssisləri koronavirus infeksiyasının (COVID-19) qarşısının alınması ilə məqsədi ilə Azərbaycanlı həmkarları ilə birgə çalışacaq.

AZAL-ın təyyarəsi vasitəsilə Çindən tibbi avadanlıq və qoruyucu vasitələr Azərbaycanın paytaxtına çatdırılıb.

"Azərbaycan Hava Yolları"nın Çendu şəhərindən (Çinin cənub-qərbindəki Sıçuan əyalətinin paytaxtı) Bakıya birbaşa uçuşu yeddi saatdan çox davam edib.

Reys Nazirlər Kabineti yanında Operativ Qərargahın tapşırığına əsasən təşkil olunub.

ŞƏRH YAZ
0

Deputat: “Serbiya xırda maraqlar hesabına Azərbaycanla olan münasibətlərinə ciddi kölgə salmış oldu”

Deputat: “Serbiya xırda maraqlar hesabına Azərbaycanla  olan münasibətlərinə ciddi kölgə salmış oldu”
17:57
Bu gün
307
Siyasət
A
Təəsüf hissi ilə qeyd etmək lazımdır ki, Serbiya ilə Azərbaycan arasında hərtərəfli yüksəksəviyyəli münasibətlərin olmasına baxmayaraq, Belqrad kiçik gəlilər hesabına öz milli maraqlarını zərbə altına qoyaraq, Ermənistana silah satmaqla Azərbaycanla olan münasibətlərinə ciddi kölgə salmış oldu.

Bunu “Ölkə.Az”a  açıqlamasında deputat Ramil Həsən deyib.

Onun sözlərinə görə,  Azərbaycan dünya dövlətləri ilə münasibətlərini dostluq, qarşılıqlı maraqlara xidmət edən münasibətlər üzərində qursa da, çox təəssüf ki, bəzi ölkələr bu münasibətlərə əməl etmir. “Bir çox hallarda ən xırda  maraqları naminə ciddi, genişmiyqaslı, strateji tərəfdaşlıq səviyyəsində qurulan münasibətlər sistemini zərbə altına qoyulur. Hansı ki, biz bunun Ermənistan ordusunun  Tovuz istiqamətində törətdiyi  hadisələr zamanı şahidi olduq. Belə ki, Azərbaycanla Serbiya arasında yüksəksəviyyəli münasibətlərin olmasına baxmayaraq, Tovuz istiqamətində həyata keçirilən hərbi əməliyyatlar zamanı Serbiya Gürcüstan üzərindən işğalçı  Ermənistana hərbi texnika və silah satıb.  Serbiyanın ərazi bütövlüyü ilə bağlı ciddi problemlər olduğundan Azərbaycan Ermənistandan fərqli olaraq hər zaman bu ölkəyə dəstək verib və bütün beynəlxalq platformalarda bu ölkənin ərazi bütövlüyünü  dəstəkləyib. Ermənistanda fərqli olaraq Kosovanın müstəqilliyini tanımayıb. İlk ölkələrdəndir ki, Kosovadan öz sülhmərmalı əsgərlərini çıxarıb. Serbiya ilə sıx iqtisadi, sosial və digər sahələrdə əməkdaşlıq edib. Serbiyanın iqtisadiyyatına böyük həcmdə sərmayə qoyub. Paytaxt Belqradın abadlaşdırılmasında iştirak edib və sair”, - deputat bildirib.

 Deputat əlavə edib ki, Serbiya belə bir çətin məqamda  dost və strateji partnyor hesab etdiyi Azərbaycanın maraqlarını nəzərə almaq əvəzinə  işğlaçı bir dövlətə silah satıb: “Bu silah da  Azərbaycan qarşı istifadə olunur. Bununla da Serbiya qarşılıqlı maraqlarına ciddi zərbə vurmuş oldu. Serbiya Prezidenti isə öz əməllərinə  bəraət qazandırmaq üçün deyir ki, ölkənin hərbi sənaye sahəsində 17 min insan çalışır və silah satışı da onların dolanışığını təmin etmək  üçün həyata  keçirilib. Bununla da Serbiya ən xırda gəlirə görə öz milli maraqlarına zərbə vuraraq, kölgə altına salıb. 

Hesab edirəm ki,  Azərbaycanın  Xarici işlər nazirliyi Serbiyanın bu hərəkətinə qarşılıqlı olaraq  gələcək əməkdaşlıq münasibətlərinə nəzər salaraq, bu amillərə diqqət yetirməklə, zəruri addımları atacaqlar”.

 Mürtəza
Ölkə.Az

ŞƏRH YAZ
0
BAĞLA