KORONAVİRUSA YOLUXANLARIN SAYI - CANLI STATİSTİKA

Səfərdən qayıdan həkim işə çıxdı və daha iki nəfəri yoluxdurdu

Səfərdən qayıdan həkim işə çıxdı və daha iki nəfəri yoluxdurdu
23:53
25.03.2020
4047
Dünya
A
Rusiyanın İvanovo şəhərindən olan həkim Birləşmiş Ərəb Əmirliklərinə (BƏƏ) səfər etdikdən sonra işə çıxıb və daha iki nəfəri yoluxdurub.

"Ölkə.Az" xəbər verir ki, bu barədə “Mash” “Telegram” kanalı xəbər yayıb.

Bununla belə, həkim məsuliyyətə cəlb olunmayacaq. Çünki o, işini ehtiyatlı tutub: səfərdən qayıtdıqdan sonra “Rospotrebnadzor”a (“İstehlakçı hüquqlarının müdafiəsi və insan rifahına nəzarət üzrə Federal Xidmət”) zəng edərək, BƏƏ-dən səfərdən qayıtdığını bildirib və işə çıxa bilib-bilməyəcəyini soruşub.

Həmin ərəfədə Əmirlikdə yoluxma halı aşkarlanmadığından həkimə işə çıxmağa icazə verilib.

Ümumilikdə, həkimin 53 nəfərlə təmasda olduğu vurğulanıb. Hazırda onlar da koronavirusa yoluxma testindən keçirilir.

ŞƏRH YAZ
0

Rusiya beynəlxalq aviauçuşları bərpa etməyə hazırlaşır

Rusiya beynəlxalq aviauçuşları bərpa etməyə hazırlaşır
05:06
Bu gün
938
Dünya
A
Rusiya hökuməti iyulun 15-dən etibarən beynəlxalq uçuşları tədricən bərpa etmək haqqında qərar verib.

“RİA Novosti” xəbər verir ki, bu barədə Rusiya Baş Nazirinin müavini Tatyana Qolikova bu gün keçirdiyi brifinqdə açıqlama verib.

O qeyd edib ki, artıq olduqca uzun müddətdir Rusiyada koronavirus infeksiyasına yoluxma hallarının azalması müşahidə olunur:

“Aviauçuşlar hər 100 min nəfərinə görə 14 gündə, yəni inkubasiya dövründə COVID-19-a 40-dan çox yoluxma olmayan ölkələrlə bərpa olunacaq. Bu ölkələrdə orta sutkalıq yoluxma halı 1 faizi keçməməlidir”, - deyə Rusiya Baş Nazirinin müavini vurğulayıb.

O, həmçinin bildirib ki, aviaşirkətlər bununla bağlı araşdırma aparmalı və hansı ölkələrin bu meyarlara uyğun gəldiklərini müəyyənləşdirməlidirlər: “Aviauçuşlar qarşılıqlı əsaslarla tənzimlənəcək”.

Qolikova koronavirus testindən keçməmiş vətəndaşların ölkəyə gəlməsi halında onların neqativ nəticəsi çıxana qədər nəzarətdə saxlanılacaqlarını da əlavə edib.

ŞƏRH YAZ
0

Ermənistan koronavirusla bağlı bu göstəriciyə görə dünyada ikinci yerdədir

Ermənistan koronavirusla bağlı bu göstəriciyə görə dünyada ikinci yerdədir
04:09
Bu gün
898
Dünya
A
Ermənistan hər milyon nəfər üzrə koronavirusdan ölüm sayına görə dünyada ikinci yerdədir.

"Ölkə.Az" bildirir ki, bu ölkə COVID-19-la bağlı başqa bir siyahıda da “liderlər” sırasındadır.

Belə ki, indiyə qədər hər milyon nəfər əhali üzrə ən çox yoluxma halı 5 ölkədə qeydə alınıb.

Həmin ölkələrin siyahısını təqdim edirik:

Qətər - hər milyon nəfərə 36 168;

Bəhreyn - hər milyon nəfərə 17 817;

Çili - hər milyon nəfərə 15,744;

Küveyt - hər milyon nəfərə 12 175;

Ermənistan - hər milyon nəfərə 11 872

Bu göstəriciyə, yəni hər milyon nəfər üzrə yoluxma sayına görə Ermənistan Çilidən sonra ikinci yerdədir.

Azərbaycanda hər milyon nəfər üzrə yoluxma sayı 2 200-dən bir qədər çoxdur.

Qeyd edək ki, indiyə qədər ölkəmizdə 22 990 nəfər koronavirusa yoluxub. Onlardan 14 093 nəfər müalicə olunaraq sağalıb, 292 nəfər vəfat edib, 8 605 nəfərin xüsusi rejimli xəstəxanalarda müalicəsi davam etdirilir.

ŞƏRH YAZ
0
BAĞLA