Separatçı rejim icmalararası dialoqdan nəyə görə qaçır? — Mürtəza Bünyadlı YAZIR

Separatçı rejim icmalararası dialoqdan nəyə görə qaçır?
12:18
06.12.2019
1640
Siyasət
A

Azərbaycan və Ermənistan xarici işlər nazirlərinin istər Bratislava görüşünün yekunları, istərsə də noyabrın 2-də Rusiya xarici işlər naziri Sergey Lavrovun Qarabağ münaqişəsinin nizamlanması ilə bağlı icmalar arasında etimad mühitinin yaradılması məqsədi ilə dialoqun davam etdirilməsi barədə səsləndirdiyi təkliflər ermənilər tərəfindən  rədd edilib. Belə ki,  dekabrın 4-də ATƏT Minsk qrupu həmsədləri ilə Azərbaycan və Ermənistan XİN baçılarının 3 saatdan artıq davam edən görüşünün yekunu ilə bağlı verilən açıqlamada  jurnalistlərin qarşılıqlı səfərləri təqdir olunaraq,  gələcəkdə də etimad mühitinin yaradılması məqsədi ilə belə görüşlərin daha geniş xarakter alması tövsiyyə olunub. Digər belə fikir eyni zamanda dekabrın 2-də Bakıda Rusiya xarici işlər naziri Sergey Lavrov  tərəfindən səslənib. Lavrov Bakıda  Qarabağ münaqişəsinin həllində Azərbaycan və erməni icması arasında  görüşlərin bərpasının vacibliyini qeyd edərək bildirib ki, bir zamanlar iki icma arasında qarşılıqlı əlaqələr olsa da, sonradan bu, dayandırılıb: “Bu dialoq yenidən bərpa olunub. Bu, çox perspektivli məsələdir. Çünki ən yekunda Dağlıq Qarabağ əhalisi  gələcəkdə necə yaşamalarını müəyyən edəcəklər”.

Baxmayaraq ki, Lavrovun bu bəyanatı Azərbaycanda birmənalı qarşılanmadı, ancaq Qarabağ münaqişəsinin həllində  nəticənin əldə olunması məqsədi ilə Azərbaycan bu məsələyə razıdır. Azərbaycan münaqişənin həllini yaxınlaşdıran və bu istiqamətdə atılan real və bütün ən xırda detallara  belə razıdır, təki münaqişə həll olunsun. Azərbaycan  tərəfinin münaqişənin həlli ilə bağlı güzəştləri və mövqeyi ortadadır.   Azərbaycan dövlət başçısı dəfələrlə bəyan edib ki, Dağlıq Qarabağ münaqişəsi ən yüksək statusla həllinə razıdır.  Beynəlxalq aləm də bu təkliflə razı olsa da, Ermənistan hər vasitə ilə ən  perspektivli  və hər tərəfin marağını təmin edən təklifdən imtina edir.  Bir daha  təkrar edirəm ki, bu mövqe heç də Azərbaycanın maraqlaırna tam cavab vermir. Ancaq Azərbaycan öz sülhsevər mövqeyini ortaya qoyaraq, davamlı olaraq bölgədə sülhün, sabitliyin, inkişafın, təhlükəsizliyin təmin olunması  üçün güzəştlərə getdiyini dünyaya bəyan edir.

Azərbaycan tərəfi Qarabağ münaqişəsinin həllinin əsas şərti kimi erməni qoşunlarının işğal etdiyi torpaqlardan çıxarılmasını təklif etməklə yanaşı, gələcəkdə Azərbaycan və erməni icmasının birgəyaşayışını təmin edilməsi istiqamətində də öz xoş niyyətini ortaya qoyur. Bu da ondan ibarətdir ki, icmalar arasında etimadın yaradılması üçün dialoqun həyata keçirilməsini istəyir. Ermənistan tərəfi isə tamamilə bunun əksini olaraq, bölgədə sülhün, sabitliyin, inkişafın, inteqrasiya proseslərinin və təhlükəsizliyin   kövrək, hər zaman təhdid altında saxladığı üçün icmalar arasında dialoqun bərpasını istəmir və buna hər vəchlə mane olur. Ona görə də danışıqlar prosesində əldə olunan razılıqları kobudcasına pozur.

Baxmayaraq  İrəvan da  hər dəfə bəyan edir ki, Qarabağ münaqişəsinin həlli  Azərbaycan, Ermənistan və Dağlıq Qarabağda yaşayan insanlar üçün məqbul olmalıdır. Ancaq özləri bu dediklərinin və prinsiplərinin əleyhinə çıxır. Biz zaman-zaman ermənilərin deyib və dediklərinin əksinin şahidi olmuşuq. Bu dəfə də ermənilərin dediklərinin əleyhinə çıxiş etməsinə şahidlik etdik. Sepratçı Dağlı Qarabağ rejiminin sözçüsü David Babayanın özlərinin bəyan etdikləri icmalararası dialoqun bərpası təklifindən açıqca imtian edərək, bunu məqbul edilməz addım hesab edib.

Separatçı Dağlıq Qarabağ rejiminin sözçüsü  David Babayan Rusiya XİN başçısı Sergey Lavrovun  Azərbaycan və erməni icması arasında etimad mühitinin yaradılması, bunun münaqişənin həllində vacib amillərdən birinin olmasına sərgilədiyi mövqeyə qarşı çıxıb və bunun mümkünsüz hal hesab edib. “Bu bizim üçün məqbul olmadığından, biz belə addıma gedə bilmərik”- D.Babayan deyib.

Bu, bir daha ermənilərin  münaqişənin sülh və danışıqlar yolu ilə həllində maraqlı olmamasının bariz göstəricisidir. Çünki Ermənistan rəhbərliyi yaxşı anlayır ki, icmalar arasında birbaşa dialoq yaranarsa, o zaman ermənilər özləri onları idarə edən şəxslərə qarşı çıxacaq. Erməni icmasının bir neçə dəfə Azərbaycana səfərindən sonra onların münaqişə ilə bağlı fikirləri bir neçə aspektdən kökündən dəyişəcək. Birincisi, sadə erməni  Azərbaycan xalqının necə sülhsevər olduğunun şahidi olacaq. İkincisi, Azərbaycanda gedən inkişafla Ermənistanda və işğal altında olan inkişaf prosesini müqayisə etmək imkanları yaranacaq. Bu da onların baxışlarında ciddi dəyişikliyə, o cümlədən ayağa qalxmasına  səbəb olacaq. Ona görə də Ermənistan rəhbərliyi bunu bildiyindən  icmaların birbaşa dialoquna qarşı çıxır və buna mane olur. 

Ölkə.Az

ŞƏRH YAZ
0

"Davos" İlham Əliyevin məqaləsini yayımladı

20:56
18.01.2020
449
Siyasət
A
Dünyanın çox nüfuzlu Davos İqtisadi Forumunun rəsmi saytında Azərbaycan Respublikasının Prezidenti İlham Əliyevin “Azərbaycanın vahid və dayanıqlı dünyada rolu” sərlövhəli məqaləsi yerləşdirilib.

"Ölkə.Az" məqaləni təqdim edir

Dünya İqtisadi Forumu siyasətçiləri, biznes adamlarını və ictimai təşkilatları bir araya gətirən və dünyada baş verən iqtisadi proseslərin, dünyanın iqtisadi gündəliyinin, habelə ictimai-siyasi proseslərin müzakirə olunduğu ən böyük platformalardan biridir. Forum dünyada gedən iqtisadi meyillər haqqında dolğun məlumat əldə etməyə geniş imkan verir.

Mən 2007-ci ildən başlayaraq artıq 14-cü dəfədir ki, Davosda bu Forumun İllik Toplantısında iştirak edəcəyəm. Dünya İqtisadi Forumu Azərbaycan reallıqlarını beynəlxalq ictimaiyyətə təqdim etmək üçün gözəl bir platforma olmaqla yanaşı, dünyada baş verən iqtisadi meyillər haqqında dolğun məlumat əldə etməyə imkan yaradır. Bu, bizə islahatları davamlı şəkildə aparmağa, ölkəyə xarici investisiyaları cəlb etməyə imkan verir.

Bu islahatlar nəticəsində 2007-ci ilin əvvəli ilə müqayisədə 2019-cu ildə ölkə iqtisadiyyatının həcmi 80 faiz, o cümlədən qeyri-neft sektorunun həcmi 2,1 dəfə, strateji valyuta ehtiyatları 13 dəfə artıb, ölkədə yoxsuluq səviyyəsi 4 dəfədən çox, işsizlik səviyyəsi isə əhəmiyyətli dərəcədə azalaraq 4,9 faizə çatıb. Bu dövrdə ölkəmiz iki dəfə “Doing Business 2009” və “Doing Business 2019” hesabatlarında dünyanın lider islahatçı ölkəsi olaraq tanınıb.

2007-ci ildən keçən dövr ərzində ölkəmizə 111 milyard ABŞ dollarından çox xarici investisiya cəlb olunub ki, bu da iqtisadiyyatın bütün sahələrində irəliləyişləri təmin edib. Nəticə etibarilə, Davos İqtisadi Forumunun açıqladığı “Qlobal Rəqabətlilik Hesabatı”nda Azərbaycanın mövqeyi 2006-2007-ci ildə 64-cü yerdə idisə, 2017-2018-ci ildə 137 ölkə arasında 35-ci yerə qədər yüksəlməklə, 2019-cu ildə “Əhalinin elektrik təchizatı səviyyəsi” üzrə dünyada 2-ci yer tutan ölkələr sırasında, “Hökumət tənzimləməsinin yükü” və “Əcnəbi işçilərin işə qəbulunun asanlığı” üzrə 3-cü yerdə, “Hökumətin dəyişməyə cavabdehliyi” üzrə 5-ci yerdə, “Biznesə başlama üçün tələb olunan günlərin sayı” üzrə 8-ci yerdə, “Hökumətin uzunmüddətli strategiyası” üzrə isə 10-cu yerdə qərarlaşıb.

Strateji nəqliyyat qovşağı

2019-cu ildə həmin hesabatda Azərbaycan 141 ölkə arasında “Dəmir yolu xidmətlərinin səmərəliliyi” üzrə 11-ci, “Hava yolları xidmətlərinin səmərəliliyi” üzrə 12-ci, “Dəniz limanları xidmətlərinin səmərəliliyi” üzrə 25-ci, “Yolların keyfiyyəti” üzrə 27-ci yerdə qərarlaşıb. Bəs bu necə oldu? Ölkənin nəqliyyat və yol infrastrukturunun əhəmiyyətli inkişafı xarici və yerli investisiyaların cəlb olunması ilə mümkün olub. Lakin nəqliyyat infrastrukturunun təkmilləşdirilməsi təkcə kapital hesabına olmayıb, burada əməkdaşlıq da önəmli rol oynayıb. Forum çərçivəsində əməkdaşlıq Azərbaycanı Şimal-Cənub, Şərq-Qərb nəqliyyat dəhlizlərinin önəmli aktoruna, beynəlxalq nəqliyyat qovşağına çevirib. Ölkəmizin təşəbbüsü ilə Azərbaycan, Gürcüstan və Türkiyənin dəmir yollarını birləşdirən Bakı-Tbilisi-Qars dəmir yolu layihəsi reallaşaraq 2017-ci ilin oktyabr ayından istifadəyə verilib. Bu, Asiya ilə Avropanı ən qısa yolla birləşdirən davamlı nəqliyyat dəhlizidir. Bundan başqa, Xəzərdə ən böyük liman olan yeni Bakı Beynəlxalq Dəniz Ticarət Limanı tikilərək 2018-ci ilin may ayında istifadəyə verilib.

Azərbaycan daim ekoloji tarazlığı qoruyub saxlamaqla, yəni, ətraf mühiti qorumaqla öz vətəndaşlarının sosial-iqtisadi inkişafına çalışır. Yerli və beynəlxalq daşımaların idarə olunmasının təkmilləşdirilməsi, o cümlədən təhlükəsizliyin yüksək səviyyədə təmin edilməsi məqsədilə “Ağıllı şəhər” konsepsiyasına start verilib. Bu konsepsiyanın məqsədi resursların istehlakı, israfı və ümumi xərcləri azaltmaqla enerji, nəqliyyat və kommunal xidmətlər kimi şəhər xidmətlərinin keyfiyyətini artırmaqdır.

Enerji sektorunda əsas iştirakçı

Azərbaycan enerji layihələrini də uğurla həyata keçirməyə davam edib. Avropaya qaz təchizatının şaxələndirilməsi istiqamətində Avropanın səylərinə dəstək verən Azərbaycan “Cənub Qaz Dəhlizi” layihəsinin reallaşmasına nail olub. Uzunluğu 3500 kilometr olan bu layihə Xəzər regionundan qaz təchizatını Avropa bazarlarına birləşdirməklə bütün regionun enerji xəritəsini dəyişəcək. Bu layihə Avropaya qazın nəqlinə alternativ kimi deyil, Avropaya qaz təchizatının şaxələndirilməsi məqsədilə həyata keçirilib. Ümumi kapital qoyuluşu 40 milyard ABŞ dolları olan bu layihə 4 hissədən ibarətdir.

“Şahdəniz-2”

Layihənin birinci hissəsi - “Şahdəniz-2” fazası üzrə bütün işlər tamamlanıb. Şahdəniz qazı 2500 metr hündürlüyə qalxaraq və dəniz dibindən 800 metr dərinliyə enərək 3500 kilometr məsafə boyunca nəql ediləcək.

Cənubi Qafqaz Boru Kəməri

Layihənin ikinci hissəsi - Cənubi Qafqaz Boru Kəməri artıq istismara verilib. Azərbaycanı Gürcüstandan keçərək Türkiyə ilə birləşdirən bu kəmərin uzunluğu 691 kilometr təşkil edir.

Trans-Anadolu Boru Kəməri

Layihənin üçüncü hissəsi - Trans-Anadolu Boru Kəməri (TANAP) Cənubi Qafqaz Boru Kəmərinin davamı olaraq Türkiyə Respublikasının qərb sərhədinə qədər davam etməklə, uzunluğu 1850 kilometr təşkil edir. Azərbaycan qazını Türkiyəyə və Avropaya çatdıran Trans-Anadolu Boru Kəməri Türkiyə-Gürcüstan sərhədində Cənubi Qafqaz Boru Kəmərinə, Türkiyə-Yunanıstan sərhədində isə Trans-Adriatik Boru Kəmərinə (TAP) birləşib.

Trans-Adriatik Boru Kəməri

Layihənin dördüncü hissəsi - Trans-Adriatik Boru Kəməridir (TAP). Boru kəmərinin uzunluğu 878 kilometrdir. Tikintisinin 90 faizdən çoxunun başa çatdığı bu layihə əsasında qaz kəməri Yunanıstandan Albaniyaya, oradan da Adriatik dənizinin altından keçməklə İtaliyaya çatacaq. 2019-cu il noyabrın 30-da TANAP-ın TAP ilə birləşən hissəsinin açılış mərasimi keçirilib.

2014-cü ildən başlayaraq dünya bazarlarında neftin qiymətinin kəskin aşağı düşməsi ölkəmizdə iqtisadiyyatın şaxələndirilməsi və qeyri-neft sektorunun inkişafı istiqamətində aparılan islahatları daha da sürətləndirib. 2016-ci ildə Milli iqtisadiyyat və iqtisadiyyatın əsas sektorları üzrə strateji yol xəritələri qəbul edilib, struktur və kadr islahatları həyata keçirilib, ölkədə biznes mühitinin yaxşılaşması üçün ciddi addımlar atılıb. Nəticədə, Azərbaycan “Doing Business 2020” hesabatı üzrə dünyada 191 ölkə arasında 34-cü yerdə qərarlaşmaqla, “Kreditin əlçatanlığı” üzrə 1-ci yeri, “Biznesə başlama” üzrə 9-cu yeri, “Müqavilələrin icrası” üzrə isə 28-ci yeri tutub.

Əlavə olaraq, Azərbaycanın Dünya İqtisadi Forumu ilə əməkdaşlığının davamı kimi 2019-cu ildə Azərbaycan ilə Dünya İqtisadi Forumunun Dördüncü Sənaye İnqilabı Mərkəzi arasında Əməkdaşlıq Razılaşması imzalanıb. Bu Razılaşma dünyada baş verən müsbət trendlərin və qabaqcıl təcrübənin Azərbaycanın sosial-iqtisadi həyatına transformasiyasına imkan yaradacaq.

Dünya İqtisadi Forumu ilə fəal və səmərəli əlaqələri yüksək qiymətləndirən Azərbaycan Respublikası bu platformada əməkdaşlığın inkişaf etdirilməsi və daha da irəli aparılması üçün göstərilən səyləri dəstəkləməkdə bundan sonra da davam edəcək.

Ölkə.Az

ŞƏRH YAZ
0

Bəxtiyar Əliyev seçicilərlə görüşdü — FOTOLAR

Bəxtiyar Əliyev seçicilərlə görüşdü
20:10
18.01.2020
669
Siyasət
A
Azərbaycan Respublikası Milli Məclisinə 118 saylı Ağdam seçki dairəsindən deputatlığa namizəd, Milli Məclisin deputatı, professor Bəxtiyar Əliyev seçicilərlə görüşlərini davam etdirir.

“Ölkə.Az” xəbər verir ki, Bəxtiyar Əliyev Bakı şəhəri, Yasamal rayonunda məskunlaşan ağdamlı seçicilərlə görüşüb.

Seçicilərin böyük fəallıq və maraq göstərdikləri görüş yenə də möhtəşəm alınıb. Bəxtiyar Əliyev əsası ulu öndər Heydər Əliyev tərəfindən qoyulan və Azərbaycan Prezidenti İlham Əliyevin uğurla davam etdirdiyi daxili və xarici siyasət, son illərdə Azərbaycanda reallaşdırılan layihələr, sosial-iqtsadi inkişaf, sosial rifahın yüksəldilməsi, qarşıya çıxan problemlərin həlli üçün görülən işlər barədə geniş danışıb.

B.Əliyev deyib ki, bir çox ölkələrdə iqtisadi böhranın dərinləşməsinə, münaqişələrin və müharibələrin alovlanmasına baxmayaraq Azərbaycan sürətlə davamlı inkişaf edir, sabitlik və insanların təhlükəsizliyi tam təmin edilib və insanların yaşayış səviyyəsi ildən-ilə yüksəlir.

O qeyd edib ki, Ermənistanın Azərbaycana hərbi təcavüzü nəticəsində doğma yurdlarından, ev-eşiyindən didərgin düşən məcburi köçkünlərin, o cümlədən ağdamlı köçkünlərin problemlərinin həlli daim dövlətin diqqət mərkəzində olub, Prezident İlham Əliyevin rəhbərliyi və tapşırıqları ilə bu sahədə böyük işlər görülüb, yeni qəsəbələr salınıb, məcburi köçkünlərin yaşayış və işsizlik  problemləri həll olunub.

B.Əliyev seçicilərə deputat kimi gördüyü işlərin hesabatını verib və platformasında nəzərdə tutulan məsələləri diqqətə çatdırıb. Deputatlığa namizəd bildirib ki, harada və hansı işlə məşğul olmasından asılı olmayaraq, daima doğma ağdamlılarla bir yerdə olacaq, onların hər bir problem və çətinliklərinə öz problemi kimi yanaşacaq.

Yüksək səviyyədə keçən görüş zamanı çıxış edən seçicilər deputatlığa namizəd B.Əliyevə dəstək ifadə ediblər. Seciçilər qeyd ediblər ki, B.Əliyev hər zaman onların etimadını doğruldub, həmişə seçiciləri ilə bir yerdə olub:

“Biz Bəxtiyar Əliyevin necə fəaliyyət göstərdiyndən və gördüyü işlərdən yaxşı xəbərdarıq. Bəxtiyar Əliyev seçicilərilə mütəmadi görüşlər keçirir, onların qayğılarına diqqətlə yanaşır. Onun Milli Məclisdəki və ictimai həyatdakı fəaliyyətini həm də mətbuat vasitəsilə izləyirik. Bəxtiyar müəllimi nümunəvi deputat hesab edirik. O, deputat olduğu dövrdə ağdamlıları başqalarının yanında utandıran, başı aşağı edən hərəkətə yol verməyib və biz əminik ki, bundan sonra da verməyəcək. Belə bir deputatımızın olması ilə fəxr edirik. Bizim başqa deputata ehtiyacımız yoxdur”.

Ağdamlılar bu il 9 fevraldakı seçkilərdə deputatlığa namizəd Bəxtiyar Əliyevə səs verəcəklərini bildiriblər.

Sonda B.Əliyev seçicilərin suallarını cavablandırıb, görüşə gəldiklərinə və ona dəstək verdiklərinə görə təşəkkürünü bildirib.

Qeyd edək ki, B.Əliyev bundan əvvəl Abşeron rayonunda məskunlaşmış ağdamlılarla görüşüb. Deputatlığa namizədin seçicilərlə görüşləri davam edir.

Ölkə.Az

ŞƏRH YAZ
0
BAĞLA