KORONAVİRUSA YOLUXANLARIN SAYI - CANLI STATİSTİKA

Sərt karantin rejiminin tətbiqinin əsl səbəbi bu imiş — Baş infeksionist

Sərt karantin rejiminin tətbiqinin əsl səbəbi bu imiş
09:44
07.07.2020
4857
Ölkə
A
İki həftəlik sərt karantin rejimi koronavirusa yoluxanların sayının azalması və xəstəxanaların yükünün normaya düşməsi baxımından vacibdir.
 
"Ölkə.Az" "azvision.az"a istinadən xəbər verir ki, bunu Azərbaycanın baş infeksionisti Cəlal İsayev deyib.
 
Onun sözlərinə görə, gündəlik yoluxma göstəricilərində artım tempi müşahidə edilir: “Sərt karantinlə insanlar arasında yoluxmanın sayının azalmasına nail olmaq istəyirik. Məqsəd budur. Sərt karantin rejimində yoluxanların sayının nə qədər olması iki həftəyə bilinəcək. Nəticə insanların özündən asılıdır. Vətəndaşlarımız tövsiyələrə əməl edərlərsə, maska taxarlarsa, istədiyimiz nəticəni əldə edə bilərik”.
 
C.İsayev bildirib ki, xəstəxanalar kifayət qədər koronaviruslu xəstələrlə dolub: “Bunun öhdəsindən hələlik gəlinir. Lakin vəziyyət bundan ağır olarsa, o zaman işimiz çətinləşəcək. İnsanlar arasında ictimai qınaq olmalıdır. Bu olarsa, maskadan istifadə edənlərin sayı artır. Lakin hazırda ictimai qınaq, demək olar ki, yoxdur. İnsanlar "daş məndən keçdi, kimə dəydi, dəydi" deyə fikirləşir”.
 
Baş infeksionist qeyd edib ki, sərt karantin rejiminin tətbiq edilməsinin məqsədi insanlar arasında təmasın olmaması və infeksiyanın yayılmasının qarşısının alınmasıdır: “Yenə deyirəm ki, buna nə qədər əməl edilməsi insanlardan asılıdır. Dövlət lazım olan bütün işləri görür. Lakin təəssüf ki, bir çox insanlar buna əməl etmir. Onlar qaydalara əməl etmirsə, dövlət nə etsin?
 
Dövlət kifayət qədər tədbirlər görür, vəsait ayırır. Həkimlərimiz gecə-gündüz xəstələrin sağlamlığının keşiyində durur, yorulmadan, hətta yorğun olsalar belə işləyirlər. Yoluxma hallarının artmasına rəğmən qaydalara əməl etməyən insanlar var, xüsusən gənclər çoxluq təşkil edir. Hamı bunu görür, lakin qınaq yoxdur. Vətəndaşlarımızdan çox şey asılıdır”.
ŞƏRH YAZ
0

İki gün ərzində 13 şəhər və rayonda ictimai nəqliyyat işləməyəcək

İki gün ərzində 13 şəhər və rayonda ictimai nəqliyyat işləməyəcək
00:53
Bu gün
287
Ölkə
A
Bu gündən xüsusi karantin rejiminin sərtləşdirildiyi Bakı, Cəlilabad, Gəncə, Masallı, Mingəçevir, Sumqayıt, Yevlax şəhərləri və Abşeron, Bərdə, Goranboy, Göygöl, Xaçmaz, Salyan rayonlarının ərazilərində ictimai nəqliyyatın fəaliyyətinə ikigünlük məhdudiyyət tətbiq olunur.

Oxu.Az xəbər verir ki, Nazirlər Kabineti yanında operativ qərargahın qərarına əsasən, məhdudiyyət avqustun 10-u saat 06:00-dək davam edəcək. 

Xatırladaq ki, qeyd olunan şəhər və rayonlarda sərtləşdirilmiş xüsusi karantin rejimi 2020-ci il 31 avqust saat 06:00-dək davam edəcək. 

Nazirlər Kabineti yanında operativ qərargahın qərarına əsasən, bu tarixlərdə həftəsonları bütün ictimai nəqliyyatın hərəkəti məhdudlaşdırılacaq:

8 avqust saat 00:00-dan 10 avqust saat 06:00-dək;

15 avqust saat 00:00-dan 17 avqust saat 06:00-dək;

22 avqust saat 00:00-dan 24 avqust saat 06:00-dək;

29 avqust saat 00:00-dan 31 avqust saat 06:00-dək.

ŞƏRH YAZ
0

Sərt karantin rejiminə baxmayaraq, Bakıdan rayonlara axın edirlər — VİDEO

Sərt karantin rejiminə baxmayaraq, Bakıdan rayonlara axın edirlər
23:40
07.08.2020
567
Ölkə
A
Ölkə üzrə bir sıra şəhər və rayonlarda sərt karantin rejiminin tətbiq olunmasına baxmayaraq, paytaxt əhalisi həftəsonu istirahət etmək üçün rayonlara axışır.

Oxu.Az-ın məlumatına görə, artıq Bakı-Quba yolunda sıxlıq müşahidə olunur. 

Həmin görüntüləri təqdim edirik:

ŞƏRH YAZ
0
BAĞLA