KORONAVİRUSA YOLUXANLARIN SAYI - CANLI STATİSTİKA

Səudiyyə Ərəbistanındakı azərbaycanlıların təxliyyəsinə başlanılır

Səudiyyə Ərəbistanındakı azərbaycanlıların təxliyyəsinə başlanılır
20:00
04.07.2020
3087
Ölkə
A
"Səudiyyə Ərəbistanı Krallığında müvəqqəti və daimi əsasda yaşayan Azərbaycan Respublikasının vətəndaşlarının ölkəmizə təxliyə olunması ilə əlaqədar 10 iyul 2020-ci il tarixində “Azərbaycan Hava Yolları” QSC-nin (AZAL) Ər-Riyad-Bakı istiqaməti üzrə birbaşa çarter reysinin təşkil olunması planlaşdırılır".

"Ölkə.Az"ın məlumatına görə, bu barədə Azərbaycanın Səudiyyə Ərəbistanı Krallığındakı səfirliyi məlumat yayıb.

Məlumatda çarter reysi ilə vətənə qayıtmaq istəyən Azərbaycan vətəndaşlarından təcili səfirliklə əlaqə saxlamaları xahiş olunub.

Qeyd edilib ki, AZAL-ın qaydalarına uyğun olaraq, sözügedən çarter reysinə yalnız koronavirus (COVİD-19) testindən keçmiş və nəticəsi neqativ olan sərnişinlər buraxılacaq (koronavirus testinin keçirilməsini təsdiq edən arayış reysin uçuşundan ən geci 48 saat əvvəl alınmalıdır).

AZAL-ın yeni qaydalarına əsasən, yalnız qadın əl çantasının və kişi portfelinin, yaxud 35x35x10 sm ölçüdən böyük olmayan portativ kompüter üçün çantanın (çanta yalnız təyinatı üzrə istifadə edilməlidir) əl yükü qismində daşınmasına icazə verilir. Digər baqaj, o cümlədən kağız və polietilen paketlər qeydiyyatdan keçirilərək baqaj, bölməsinə təhvil verilməlidir. “Duty Free” mağazalarından alınan əşyaların da təyyarənin əl yükü qismində daşınması qadağandır.

Uçuşun şərtləri və digər təfərrüatları ilə bağlı məlumatın əldə edilməsi üçün səfirliyə müraciət etmək xahiş olunur.

+966 11 419 2382

[email protected]

ŞƏRH YAZ
0

Gəncədə evdən kişi meyiti tapılıb

Gəncədə evdən kişi meyiti tapılıb
01:00
Bu gün
187
Ölkə
A
Gəncə şəhərində mənzildən meyit aşkar edilib.

"Ölkə.Az" xəbər verir ki, Fövqəladə Hallar Nazirliyinin (FHN) "112" qaynar telefon xəttinə daxil olan məlumata əsasən, Gəncə şəhərinin Kəpəz rayonunda 1 nəfər bağlı qapı arxasında köməksiz vəziyyətdə qalıb. 

Hadisə yerinə cəlb olunan Gəncə Regional Mərkəzinin xilasediciləri mənzilin qapısını açıb və orada aşkarlanan 1982-ci il təvəllüdlü Seyfullayev Ramin Nizami oğlunun meyitini aidiyyəti üzrə təhvil veriblər.

Ölkə.Az

ŞƏRH YAZ
0

General-leytenant Firudin Nəbiyev dünyasını dəyişdi

General-leytenant Firudin Nəbiyev dünyasını dəyişdi
23:56
03.08.2020
394
Ölkə
A
Dövlət Miqrasiya Xidmətinin sabiq rəisi, general-leytenat Firudin Nəbiyev dünyasını dəyişib.

"Ölkə.Az" qafqazinfo-ya istinadən xəbər verir ki, F.Nəbiyev Türkiyədə vəfat edib. 

Firudin Hilal oğlu Nəbiyev 4 avqust 1960-cı ildə anadan olub. 2006-cı ildə ona general-mayor hərbi rütbəsi verilib. 2012-2018-ci illərdə Dövlət Miqrasiya Xidmətinin rəisi vəzifəsində işləyib. 2012-ci ildə ona III dərəcəli dövlət miqrasiya xidməti müşaviri ali xüsusi rütbəsi verilib. 

F.Nəbiyevin sabah 60 yaşı olacaqdı.

Ölkə.Az

ŞƏRH YAZ
0
BAĞLA