KORONAVİRUSA YOLUXANLARIN SAYI - CANLI STATİSTİKA

Sevgilisi ilə öpüşən qız xəstəxanaya yerləşdirildi

Sevgilisi ilə öpüşən qız xəstəxanaya yerləşdirildi
17:03
21.05.2020
2793
Dünya
A
ABŞ-da Samara Hnaien adlı qızın və sevgilisi Çarles Harrisin başına maraqlı hadisə gəlib.

''Ölkə.Az'' xəbər verir ki, 22 yaşlı Samara Hnaien və 23 yaşlı Çarles Harrisin sosial mediada tanış olduqdan sonra görüşməyə qərar veriblər. İlk öpüşdən sonra Samaranın halı pisləşərək xəstəxanaya aparılıb. Məlum olub ki, onun fıstığa allergiyası olub və Çarles görüşə gəlməzdən bir neçə saat əvvəl fıstıq yeyib. Samara həmin anları xatırlayaraq ''Çarleslə öpüşdükdən sonra özümü yaxşı hiss etmədim. Nəfəs ala bilməyəndə bütün həyatım film lenti kimi gözümün qarşısından keçdi. Başa düşdüm ki, Çarles görüşdən əvvəl fıstıq yeyib. Xəstəxanada çox utanmışdım. Çünki ilk görüşdə başıma belə bir şey gələcəyini gözləmirdim'' bu sözləri deyib. Cütlük gələn görüşədək münasibətlərini ''Tik-Tok''da davam etdirəcəklərini deyiblər.

Ölkə.Az

ŞƏRH YAZ
0

Ermənilər Gürcüstanda iğtişaşlar törədib — 5 bina yandırılıb

Ermənilər Gürcüstanda iğtişaşlar törədib
23:16
08.08.2020
453
Dünya
A
Gürcüstanda ermənilərin yığcam yaşadıqları Samtsxe Cavaxeti bölgəsinin Axalkalaki şəhərində iğtişaşlar törədilib.

"Ölkə.Az" report-a istinadən xəbər verir ki, buna səbəb Kulikam kəndindən olan gəncin odlu silahla qətlə yetirilməsi olub.

Qətl hadisəsindən sonra gənclər arasında qarşıdurma baş verib. Bir qrup aqressiv gənc Axalkalakidə yerləşən 4 ev və 1 mehmanxananı yandırıblar. Yandırılan binaların sahibinin gəncin qətli ilə bağlı olduğu bildirilir.

İğtişaşlar zamanı 1 nəfərin öldüyü, 1 nəfərin isə yaralandığı barədə məlumatlar yayılıb. Axalakaliyə əlavə polis qüvvələri cəlb olunub. 

Samtsxe Cavaxetinin qubernatoru Besik Amiranaşvili Axalkalakidə olub. O, iğtişaşların kriminal insidentlə bağlı olduğunu deyib. 

Axalkalaikdə hazırda vəziyyətin gərgin, lakin nəzarət altında olduğu bildirilir. 

ŞƏRH YAZ
0

Beyrutda nümayişçilər 3 nazirliyin binasını ələ keçirdi

Beyrutda nümayişçilər 3 nazirliyin binasını ələ keçirdi
22:58
08.08.2020
259
Dünya
A
Livanın paytaxtı Beyrut şəhərində davam edən nümayişlərdə silah səsləri eşidilib.

"Ölkə.Az" report-a istinadən xəbər verir ki, güllə yarası alan polis vəfat edib.

Qeyd olunub ki, silahlı insident zamanı nümayişçilərin də bir neçəsi ağır yaralanıb.

Bundan başqa, 238 nəfər toqquşmalarda xəsarət alıb. Bildirilib ki, 63 nümayişçi xəstəxanaya yerləşdirilib, digərlərinə isə yerində tibbi yardım göstərilib.

Etirazçılar Livan Banklar Asosassiyasının binasına daxil olub. Onlara Livan ordusunun ehtiyatda olan zabitləri başçılıq edir.

Artıq nümayişçilər İqtisadiyyat, Xarici İşlər və Energetika nazirliklərinin binalarına hücum edərək oranı ələ keçiriblər. Onlar Xarici İşlər Nazirliyinin binasını qərargah elan ediblər.

Polis nümayişçilərə qarşı bibər qazından istifadə edir.

Etirazçılar həmçinin, Ətraf Mühit Nazirliyinin də binasına daxil olmağa çalışır.

ŞƏRH YAZ
0
BAĞLA