KORONAVİRUSA YOLUXANLARIN SAYI - CANLI STATİSTİKA

Şimşək çaxacaq, yağış yağacaq — Bu günün havası açıqlandı

Şimşək çaxacaq, yağış yağacaq
06:00
16.09.2020
767
Ölkə
A
Bu günə gözlənilən hava şəraiti açıqlanıb.

"Ölkə.Az" Ekologiya və Təbii Sərvətlər Nazirliyinin Milli Hidrometeorologiya Xidmətinə istinadən xəbər verir ki, bu gün Bakıda və Abşeron yarımadasında bəzi yerlərdə şimşək çaxacağı, arabir yağış yağacağı, gecə yarımadanın bəzi yerlərində intensivləşəcəyi gözlənilir. Şimal-qərb küləyi əsəcək.  

Havanın temperaturu Bakıda və Abşeron yarımadasında gecə 19-21, gündüz  26-28 dərəcə isti olacaq. Atmosfer təzyiqi 763 mm civə sütunu, nisbi rütubət 70-80 faiz təşkil edəcək.

Abşeron çimərliklərində şimal-qərb küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zuğulbada 22-23, Türkan, Hövsan, Sahil, Şıxda isə 23-24 dərəcə isti olacaq.

Sentyabrın 16-da Azərbaycanın rayonlarında bəzi yerlərdə şimşək çaxacağı, arabir yağış yağacağı, şimal və qərb rayonlarında  leysan xarakterli intensiv olacağı, dolu düşəcəyi gözlənilir. Şərq küləyi əsəcək, arabir güclənəcək. Havanın temperaturu  gecə 17-22, gündüz 25-30, dağlarda gecə 9-14, gündüz 15-20 dərəcə isti olacaq.   

Sentyabrın 16-da Abşeron yarımadasında iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.

ŞƏRH YAZ
0

Azərbaycanda orta məktəb niyə bağlandı?

Azərbaycanda orta məktəb niyə bağlandı?
13:41
Bu gün
100
Ölkə
A
Gəncə Şəhər Təhsil İdarəsi şəhərdə 46 nömrəli orta tədris müəssisəsinin fəaliyyətinə xitam verilməsi ilə bağlı yayılan xəbərlərə münasibət bildirib.

İdarədən məlumat verilib ki, Gəncə şəhər 46 nömrəli tam orta məktəb ilə 28 nömrəli tam orta məktəb birləşdirilərək yeni məktəb binası tikilib:

“Məktəb binası 28 nömrəli tam orta məktəb olaraq öz fəaliyyətini davam etdirir. Məlumat üçün bildirək ki, 46 nömrəli tam orta məktəbin şagirdləri təhsillərini 28 nömrəli tam orta məktəbdə davam etdirəcəklər. Pedaqoji heyət isə iş fəaliyyətini Gəncə şəhər ümumtəhsil məktəblərində davam etdirəcək. Bundan başqa bildirək ki, məktəb binası Mənzil İnşaatı Dövlət Agentliyi tərəfindən Azərbaycan Bayrağı küçəsində salınan yaşayış kompleksində inşa edilib.

“1170 şagird üçün nəzərdə tutulan məktəbdə hazırda 840 nəfər şagird təhsil alır. Məktəb binası 4 mərtəbədən, 5 korpusdan, 56 sinif otağından (1 ədəd məktəbəqədər, 15 ədəd ibtidai, 29 adi sinif otağı) ibarətdir. Məktəbdə kitabxana, fizika, kimya, biologiya laboratoriyaları, informatika, əmək və hərbi kabinetlər yaradılıb. Məktəb üçün həmçinin 136 yerlik yeməkxana, 387 yerlik akt zalı, 540 kvadrat metrlik idman zalı ən müasir tələblər səviyyəsində qurulub”, - deyə məlumatda qeyd edilib.

Qeyd edək ki, Baku.ws saytı 46 nömrəli məktəbin fəaliyyətinin dayandırılması barədə məlumat yaymışdı.

ŞƏRH YAZ
0

Vilayət Eyvazovdan TƏYİNAT

Vilayət Eyvazovdan TƏYİNAT
12:33
Bu gün
147
Ölkə
A
Daxili İşlər orqanlarında yeni dəyişiklik olub.

Bununla bağlı müvafiq əmri Daxili İşlər naziri, general-polkovnik Vilayət Eyvazov imzalayıb.

Əmrə əsasən, polis polkovnik-leytenantı Seymur Qarayev vəzifəsindən azad edilərək Nizami Rayon Polis İdarəsinin 24-cü Polis Şöbəsinə rəis təyin olunub.

S.Qarayev bundan əvvəl Xəzər Rayon Polis Şöbəsinin 3-cü Polis Bölməsinin rəis müavini vəzifəsində çalışıb. (oxu.az)

Ölkə.Az

ŞƏRH YAZ
0
BAĞLA
X Mostbet