KORONAVİRUSA YOLUXANLARIN SAYI - CANLI STATİSTİKA

“Sirus hesabıma özünü reklam etməsin” — Nazilə Səfərli

“Sirus hesabıma özünü reklam etməsin”
12:18
08.11.2019
25877
Maqazin
A
Şairə Nazilə Səfərlinin plastik-cərrah Siruz Qoçxani tərəfindən əməliyyat olunması barədə xəbər yayılıb. Məlumatda bildirilib ki, o, liposaksiya və buxaq əməliyyatı etdirib. Bunu mediadan gizlətmək üçün isə əməliyyat otağına üzüörtülü şəkildə girib.

"Ölkə.Az" milli.az-a istinadəm xəbər verir ki, N.Səfərli haqqında çıxan xəbərlərlə bağlı Axşam.az-a danışıb. O, məlumatı yayan həkimi qınayıb:

"Bugünədək çoxsaylı əməliyyatlarım olub. Bunun ağrısını mən çəkirəmsə, xəbərini siz niyə bilməlisiniz ki? Hamı mənə deyir ki, arıqlamısan? İki il bundan öncə Damlaynan Qazaxıstana gedəndə istifadə etdiyim libası Fədayənin (müğənni Fədayə Laçın - red.) gecəsinə geyindim. Həmin paltar əynimə oldu: nə dar, nə də gen. Nəyim arıqlayıb?".

Şairə bildirib ki, yalnız buxağında liposaksiya əməliyyatı etdirib:

"Sirus Qoçxaninin də bu əməliyyat üçün pulunu vermişəm. Özünü hesabıma reklam etməsin. Zəng etdim ki, Sirus həkim, bu, nə məsələdir? Kiminsə anası, bacısı, həyat yoldaşıyam. Nə üçün paltarlarımı horizontal, frontal çəkib qoymalıdırlar? Zəkamla pul qazanıram, bədənimlə yox. Bu hərəkət xoşuma gəlmədi. Dedi ki, "Mən etməmişəm. Xəbəri yazan sayt hər zaman əlehimə informasiya yayır". Dedim ki, axı səni tərifləyiblər, pisliyinə heç nə yazılmayıb.

"Üç ay öncə oğlum qəzaya düşəndə sizin klinikada digər həkim oğlumun həyatını qurtarmışdı. Bununla bağlı heç bir xəbər çıxmadı" deyə, ona sual ünvanladım. Bilirəm ki, heç bir həkim təmənnasız reklam olunmaz. Mən uşağam? Bu günədək heç bir həkimə pulsuz nəsə etdirməmişəm. Bundan öncə digər plastik-cərrahların yanında neçə dəfə əməliyyatım baş tutub. Onları niyə xəbər etməyiblər? Söyləyir ki, azərbaycanlı həkimlər mənim qədər reytinq vermir. Görün nə gündəyik ki, azərbaycanlı həkimlərə hörmət qoymuruq. Ayıb olsun bizə!

Sözümün canı odur ki, istər mən, istər Xatirə İslam, istərsə də Afaq Gəncəli olsun: Hamısı Azərbaycanın sevilən xanımlarıdır. Həyatıboyu inanmaram ki, Xatirə və ya digərləri əməliyyatını paylaşmağa icazə versin. Həkimə reytinq lazımdırsa, külli miqdarda pul ödəsin, onu reklam edək.

Əgər hansısa əməliyyata pul verib girmişiksə, söyləməmək haqqımızdır. Üzümü örtmüşəm ki, görməsinlər. Bunu da mən Bulvarda, ya da şadlıq sarayında etməmişəm. Əməliyyata girəndə yanımda Sirus, onun xanımı və anestezioloq olub. Bunu üç nəfərdən biri deyib, göydən düşməyib ki? Ayıbdır! İnsan bir sirr saxlayar, peşə sirrinə hörmət edər. Bundan ötrü müqavilə imzalamısan. Neyləyim indi? Məhkəməyə verim, biabırçılıq olsun?!".

ŞƏRH YAZ
0

Könül Kərimova gəlinlik GEYİNDİ — FOTO

Könül Kərimova gəlinlik GEYİNDİ
00:18
Bu gün
474
Maqazin
A
Əməkdar artist Könül Kərimovanın bəyaz gəlinlik geyinməsi marağa səbəb olub.

‘’Ölkə.Az’’ xəbər verir ki, müğənni bəyaz gəlinlik libası geyinərək kamera qarşısına keçib. O çəkdirdiyi fotonu ‘’İnstagram’’ hesabında yayımlayıb. Foto izləyicilərin marağına səbəb olub. Onlar Kərimovanın ünvanına xoş sözlər yazıblar.

Sözügedən fotonu təqdim edirik:

Könül Kərimova ağ gəlinlikdə...- FOTO

Ölkə.Az

 

ŞƏRH YAZ
0

Ad gününə hədiyyə əvəzinə yardım istədi

Ad gününə hədiyyə əvəzinə yardım istədi
22:40
11.08.2020
574
Maqazin
A
Türkiyəli aktrisa Sinem Kobal örnək davranışı ilə diqqət çəkib.

"Ölkə.Az" axşam.az-a istinadən xəbər verir ki, doğum günü yaxınlaşan aktrisanın sevənlərindən xüsusi istəyi olub.

O, İnstaqram hesabında foto paylaşaraq bunları qeyd edib:

"Ad günümə çox az vaxt qalıb. Bu il qeyd etmək əvəzinə, yaxşılıq etmək istəyirəm. Hədiyyə almaq yerinə isə, xərçəng xəstəliyindən əziyyət çəkən azyaşlıları xatırlatmaq istədim. Onlara etdiyimiz hər bir yardım çox qiymətlidir. Yardım kampaniyası başlatdım. Qoşulmağı unutmayın".

Qeyd edək ki, aktyor Kənan İmirzalıoğlu ilə ailəli olan Sinemin ad günü avqustun 14-dür.

ŞƏRH YAZ
0
BAĞLA