SOCAR: “Əlillərə qarşı heç bir zorakılıq tətbiq edilməyib"

SOCAR: “Əlillərə qarşı heç bir zorakılıq tətbiq edilməyib
14:30
30.09.2019
3745
İqtisadiyyat
A
Sentyabrın 27-də saat 12:00 radələrində SOCAR-ın Təhlükəsizlik İdarəsi tərəfindən mühafizə edilən Neft Kəmərləri İdarəsinə məxsus Şirvan-Böyükşor neft kəməri ərazisinin və həmin kəmərə birləşən Binəqədi xəttinin mühafizə zolağının bir hissəsinin zəbt olunduğu, qanunsuz tikili üçün bünovrə işlərinin aparıldığı aşkarlanıb.

Şirkətdən “Ölkə.Az”a verilən məlumata görə, qanunsuz tikinti işləri aparan şəxslərə mühafizəçilər tərəfindən xəbərdarlıq edilib və tikinti dayandırılıb. Bildirilib ki, sentyabrın 28-də Təhlükəsizlik İdarəsinin 35 saylı mühafizə komandasının əməkdaşları xidməti ərazini növbəti dəfə yoxlayarkən həmin sahədə qanunsuz inşaat işlərinin davam etdirildiyini aşkarlayaraq, ərazini zəbt etməyə cəhd göstərən şəxsə bir daha tikinti işlərinin dayandırılması barədə xəbərdarlıq ediblər.

“Həmin vaxt qanunsuz tikinti aparan şəxsin təhriki ilə əraziyə toplaşmış, özlərini Qarabağ müharibəsi əlilləri kimi təqdim edən bir qrup şəxs mühafizə komandasının əməkdaşlarını təhqir edərək, onlara hücum çəkiblər. SOCAR-ın mühafizəçiləri hücum edən şəxslərə qarşı heç bir zorakılıq tətbiq etmədən hadisə yerinə polis əməkdaşlarını çağırıblar. İnsident zamanı şifahi xəbərdarlıqlara məhəl qoymayan şəxslər tərəfindən qarovul rəisi Abdurəhmanov Fuad Həsən oğlunun, İsmayılov Elnur İlyas oğlunun, Əliquliyev Ələkbər Cabbar oğlunun qol və bədən nahiyələrinə zərbələr endirib, müxtəlif bədən xəsarətləri yetirilib. Aparılmış video çəkilişdən də göründüyü kimi, təxribat törədən şəxslər hadisə yerindən uzaqlaşmağa çalışan mühafizə xidmətinin əməkdaşlarını, eləcə də polis əməkdaşlarını təqib edərək, xidməti maşınlarına maddi ziyan vurmağa cəhd göstərib, dövlətə qarşı qanunsuz çağırışlar səsləndiriblər”,- açıqlamada qeyd edilib.

Bildirilib ki, aparılan ilkin araşdırmalardan məlum olub ki, tikinti yerinə çağırılan və iğtişaşlara təhrik edilən əlillərin həmin tikintiyə heç bir aidiyyəti yoxdur: “Hüseynov Şərif Novruz oğlunun ətrafında olan bir qrup bütün vasitələrlə öz qanunsuz maddi maraqlarına nail olmağa çalışır. Bunun üçün hər cür əməllərə əl atır, o cümlədən əlilərin nüfuzundan, cəmiyyətdəki statuslarından və qüvvələrindən sui-istifadə etməkdən, onları təxribata çəkməkdən belə çəkinmirlər. Hadisə zamanı həmin şəxslər tikintiyə aidiyyəti olmayan bir qrup əlildən sui-istifadə edərək, vəzifə səlahiyyətlərini yerinə yetirən SOCAR-ın təhlükəsizlik xidmətinin əməkdaşlarına xidməti vəzifəsini yerinə yetirməkdə mane olublar”.

Hazırda baş vermis insidentlə bağlı hüquq mühafizə orqanları tərəfindən ətraflı araşdırma aparılır. 

Ölkə.Az

ŞƏRH YAZ
0

Konstantsa və Bakı limanları əməkdaşlığa hazırlaşır

Konstantsa və Bakı limanları əməkdaşlığa hazırlaşır
21:02
16.11.2019
407
İqtisadiyyat
A
Rumıniyanın Konstantsa limanı və Azərbaycanın Bakı Beynəlxalq Dəniz Ticarət Limanı mövcud layihələri inkişaf etdirmək və yeni layihələrdə əməkdaşlıq üçün yeni imkanlar tapmaq üçün birgə işləyə bilərlər.

"Ölkə.Az" xəbər verir ki, bunu Trend-ə müsahibəsində Konstantsa limanının baş direktoru Daniela Serban deyib.

O bildirib ki, iki liman arasında imzalanmış anlaşma memorandumuna uyğun olaraq Konstantsa limanı Bakı limanı ilə səmərəli və məhsuldar əməkdaşlığa hazırdır.

Onun sözlərinə görə, həm Konstantsa, həm də Bakı limanının nəqliyyat, logistika və liman istismarı sahələrində təşkil olunan tədbirlərdə iştirakı xüsusi əhəmiyyət kəsb edə bilər:

"Biz limanlarımızın imkan və üstünlüklərini irəlilətmək üçün Rumıniyada, eləcə də regionun digər ölkələrində təşkil olunan tədbirlərə tərəfdaşlarımızı cəlb etməkdə davam edəcəyik. Qeyd etməliyik ki, Bakı limanının administrasiyası Avstriyada "Konstantsa limanı günü" kimi tədbirlərimizdə uğurla iştirak edib. Hesab edirik ki, onlar gələcək tədbirlərdə də iştirak edəcək".

Baş direktor əlavə edib ki, Konstantsa və Bakı limanları Xəzər-Qara dəniz dəhlizinin səmərəli işinin təmin olunmasında öz imkanlarını qarşılıqlı təşviq edə bilərlər:

"Biz artıq Bakı limanını Konstantsa limanını istifadə edən müştərilərimizə tərəfdaş qismində təqdim etmişik. Əvvəl qeyd etdiyimiz kimi, hər iki liman öz strateji mövqeyindən və əlverişli imkanlardan istifadə edərək öz təşəbbüslərində bir-birini dəstəkləyə bilər. Eyni zamanda limanlar mövcud layihələri inkişaf etdirmək və yeni layihələrdə əməkdaşlıq üçün yeni imkanlar tapmaq üçün birgə işləyə bilərlər".

Ölkə.Az

ŞƏRH YAZ
0

9 ayda xarici ticarət dövriyyəsi 24,8 milyard dollar olub

9 ayda xarici ticarət dövriyyəsi 24,8 milyard dollar olub
19:04
16.11.2019
382
İqtisadiyyat
A
Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla, yanvar-sentyabr aylarında ölkənin xarici ticarət dövriyyəsi 24 milyard 837,2 milyon ABŞ dolları, o cümlədən ixracın dəyəri 14 milyard 459,2 milyon dollar, idxalın dəyəri 10 milyard 378 milyon dollar təşkil edib. Nəticədə 4 milyard 81,2 milyon dollarlıq müsbət ticarət saldosu yaranıb.

Dövlət Statistika Komitəsindən "Ölkə.Az"a verilən məlumata görə, ötən ilin eyni ayları ilə müqayisədə bu il xarici ticarət dövriyyəsi faktiki qiymətlərlə 7,2 faiz, real ifadədə isə 1,4 faiz, o cümlədən idxal 3,4 faiz, ixrac 0,3 faiz artıb. Hesabat dövründə ölkədən 1 milyard 413,1 milyon dollar dəyərində qeyri-neft-qaz məhsulları ixrac edilib ki, bu da keçən ilin müvafiq dövrünə nisbətən faktiki qiymətlərlə 17,1 faiz, real ifadədə isə 12,1 faiz çoxdur.

Dövlət Gömrük Komitəsinin məlumatlarına əsasən, ixracın 28,5 faizini İtaliyaya, 14,8 faizini Türkiyəyə, 7,2 faizini İsrailə, 5,5 faizini Hindistana, 4,9 faizini Almaniyaya, 4,7 faizini Çinə, 3,6 faizini İspaniyaya, 3,4 faizini Rusiyaya, 3 faizini Fransaya, 2,9 faizini Çexiyaya, 2,8 faizini Gürcüstana, 2,6 faizini Birləşmiş Krallığa, 2,4 faizini Portuqaliyaya, 1,9 faizini Ukraynaya, 11,8 faizini isə digər ölkələrə göndərilmiş məhsulların dəyəri təşkil edib. Qeyri neft-qaz məhsulları üzrə ixracın dəyərində Rusiyaya (33 faiz), Türkiyəyə (21,5 faiz), İsveçrəyə (8,9 faiz), Gürcüstana (8,7 faiz), İtaliyaya (2,4 faiz), Ukraynaya (2,3 faiz), Yunanıstana (2,3 faiz), Çinə (2,2 faiz), İrana (1,5 faiz) və Niderlanda (1,4 faiz) göndərilmiş malların payı üstünlük təşkil edib.

Ölkəyə idxal olunmuş məhsulların ümumi dəyərinin 15,5 faizi Rusiya, 11,6 faizi İsveçrə, 11,1 faizi Türkiyə, 9,3 faizi Çin, 6,3 faizi ABŞ, 4,9 faizi Almaniya, 3,8 faizi Kanada, 3,5 faizi İran, 3,3 faizi Ukrayna, 2,8 faizi Avstraliya, 2,6 faizi İtaliya, 1,9 faizi Fransa, 1,7 faizi Birləşmiş Krallıq, 1,6 faizi Qazaxıstan, 20,1 faizi isə digər ölkələr ilə aparılmış idxal əməliyyatlarının payına düşüb.

ŞƏRH YAZ
0
BAĞLA