KORONAVİRUSA YOLUXANLARIN SAYI - CANLI STATİSTİKA

SOCAR-ın təşəbbüsü ilə yeni regional təşkilat yaradılıb

SOCAR-ın təşəbbüsü ilə yeni regional təşkilat yaradılıb
15:36
04.05.2020
3161
İqtisadiyyat
A
Azərbaycan Dövlət Neft Şirkəti (SOCAR) Xəzər Regionunun Ətraf Mühitinin Mühafizəsi Təşəbbüsü (Caspian Environmental Protection Initiative - CEPI) adlı müstəqil fəaliyyət göstərən regional təşkilatın yaradılması təşəbbüsü ilə çıxış edib.

“Ölkə.Az” xəbər verir ki, təşəbbüsün əsas məqsədləri regionda fəaliyyət göstərən beynəlxalq neft şirkətlərinin ətraf mühitin qorunması naminə ilk dəfə olaraq birgə araşdırma və inkişaf platformasını yaratmaq, bu məqsəd uğrunda aparıcı şirkətlərin səylərini birləşdirməkdir.

Təşkilat Xəzər dənizinin və Abşeron yarımadasının ekoloji dayanıqlılığına təhlükə yaradan iqlim dəyişikliyi ilə mübarizə aparmaq, həmçinin birgə qabaqlayıcı tədbirlərlə ətraf mühitə atılan zərərli maddələrin qarşısını almaq üçün yaradılıb. Azərbaycanda fəaliyyət göstərən qlobal neft-qaz şirkətləri – “BP AGT”, “Equinor Abşeron AS” və “Total E&P Absheron B.V.” təşəbbüsü yüksək qiymətləndirərək yeni yaradılan təşkilatın ətrafında birləşib.

Mayın 4-də CEPI-nin təqdimatı və digər məsələlərin müzakirəsi məqsədilə SOCAR-ın ekologiya üzrə vitse-prezidenti Rəfiqə Hüseynzadə, “BP Azerbaijan”ın əlaqələr və xarici işlər üzrə vitse-prezidenti Bəxtiyar Aslanbəyli, “Equinor”un Azərbaycan üzrə meneceri Favad Quraişi və “Total E&P Absheron B.V.” icraçı direktoru Regis Agutun iştirakı ilə onlayn rejimdə görüş keçirilib.

Görüşdə SOCAR-ın ekologiya üzrə vitse-prezidenti Rəfiqə Hüseynzadə iştirakçılara CEPI təşkilatının məqsəd və hədəfləri haqqında geniş məlumat verib. R.Hüseynzadə qeyd edib ki, təşkilatın missiyası iqlim dəyişikliyinin yaratdığı ekoloji və iqtisadi təhlükələrlə bağlı Xəzər bölgəsində fəaliyyət göstərən neft və qaz şirkətlərini istiqamətlindirmək və qabaqcıl addımların atılmasına təşviq etməkdir. Əsas istiqamət Xəzər dənizinin və Abşeron yarımadasının ekoloji dayanıqlığına təhlükə yaradan fəaliyyətlərin qarşısının alınmasıdır. Gələcəkdə CEPI-nin işində digər beynəlxalq şirkətlərin və təşkilatların iştirakı nəzərdə tutulur. Şirkətlər ətraf mühitin qorunması sahəsində öz bilik və təcrübələrini paylaşacaq, birgə araşdırmalar aparacaq, ekoloji tədbirləri koordinasiyalı şəkildə həyata keçirəcəklər.

Görüş iştirakçıları bu təşəbbüsün ətraf mühitin mühafizəsi yönümündə böyük əhəmiyyət kəsb edəcəyini vurğulayıb və atılacaq addımları geniş müzakirə ediblər. Yeni təsis edilən təşkilatın uğurlu fəaliyyətinin təmin edilməsi məqsədilə işçi qrupunun yaradılması və anlaşma memorandumunun imzalanmasına dair qərar qəbul olunub.

SOCAR-ın ekologiya üzrə vitse-prezidenti Rəfiqə Hüseynzadə regional təşkilata növbəti bir il ərzində sədr təyin edilib.

Xatırladaq ki, BMT-nin iqlim dəyişiklərinə dair Paris sazişindən irəli gələn hədəfləri həyata keçirmək üçün SOCAR ətraf mühitin mühafizəsi, resurslardan səmərəli istifadə, karbon emissiyalarının azaldılması və bölgənin inkişafının təmin edilməsi istiqamətində ekoloji tədbirləri və həll yollarını davamlı olaraq tətbiq edir.

ŞƏRH YAZ
0

“Qarabağ” dayaq bloku bir ay ərzində dənizdə quraşdırılacaq — AÇIQLAMA

“Qarabağ” dayaq bloku bir ay ərzində dənizdə quraşdırılacaq
12:39
Bu gün
277
İqtisadiyyat
A
“Qarabağ” dayaq blokunun hündürlüyü 187 metrdir. Xəzər dənizində ən böyük dayaq blokudur”.

Oxu.Az-ın məlumatına görə, bunu “Qarabağ” əməliyyat şirkətinin layihə rəhbəri Ağamalı Qurbanov bildirib.

O qeyd edib ki, dayaq blokunun bir ay müddətində dənizdə quraşdırılması planlaşdırılır:

“Dəniz əməliyyatlarında normal hava şəraiti zamanı 260-280 gün lazımdır ki, blok dənizdə quraşdırılsın”.

O qeyd edib ki, blok vasitəsilə yataqdan 21 milyon tondan çox neftin hasil olunması nəzərdə tutulur. Eyni zamanda, yataqdan 13 milyard kubmetrdən çox qazın hasil olunması planlaşdırılır.

“Platformadan altı neft quyusu, üç suvurma və iki sualtı qaz quyusu qazılacaq”, - deyə layihə rəhbəri əlavə edib.

ŞƏRH YAZ
0

Xəzərin tarixində neft və qaz hasilatı üçün ən böyük sualtı qurğu quraşdırıldı - RƏSMİ

Xəzərin tarixində neft və qaz hasilatı üçün ən böyük sualtı qurğu quraşdırıldı - RƏSMİ
11:23
Bu gün
311
İqtisadiyyat
A
“Heydər Əliyev adına Bakı Dərin Özüllər Zavodunun operatoru olan “BOS Şelf” şirkəti tərəfindən Xəzərin tarixində neft və qaz hasilatı üçün ən böyük sualtı qurğu olan “Qarabağ” dayaq blokunun inşasını artıq başa çatdırılıb”.

"Ölkə.Az"ın oxu.az-a istinadən məlumatına görə, “BOS Şelf” şirkətinin baş direktor müavini Nazim Hüseynov bildirib.

Onun sözlərinə görə, “Qarabağ” dayaq blokunun inşası başa çatıb və konstruksiyanın STB1 barjasına yüklənilməsinə başlanılıb:

“Daha sonra isə dayaq bloku dənizdəki yatağa daşınacaq”.

Qeyd edək ki, blokun hündürlüyü 187 metr və çəkisi 16,302 ton olan konstruksiya “Qarabağ” dəniz yatağında suyun 182 metr dərinliyində quraşdırılacaq. Dayaq bloku iki il ərzində inşa edilib.

ŞƏRH YAZ
0
BAĞLA