KORONAVİRUSA YOLUXANLARIN SAYI - CANLI STATİSTİKA

Bakıda fahişələrə qarşı əməliyyat keçirildi

Bakıda fahişələrə qarşı əməliyyat keçirildi
14:00
26.03.2020
1744
Ölkə
A
2020-ci il martın 22-də Sabunçu rayonunun Maştağa qəsəbəsində "VAZ 2106" markalı avtomobili idarə edən sürücünün yol hərəkət qaydalarını davamlı şəkildə pozaraq avtoxuliqanlıq etməsini əks etdirən sosial şəbəkələrdə yerləşdirilmiş videogörüntülər Bakı şəhər BPİ-də araşdırılıb.

"Ölkə.Az" Bakı şəhər Baş Polis İdarəsinin (BŞBPİ) mətbuat xidmətinə istinadən xəbər verir ki, müəyyən edilib ki, həmin gün saat 23 radələrində qəsəbə sakini Faiq Əliyev sürücülük hüququ olmadan idarə etdiyi “VAZ 2106” markalı avtomaşınla avtoxuliqanlıq etdiyinə görə Sabunçu RPİ DYPŞ əməkdaşları tərəfindən saxlanılarkən o və sərnişini, qəsəbə sakini, Cəbiyev Ceyhun polisin qanuni tələblərinə tabe olmayıblar.

Onlar saxlanılaraq Sabunçu RPİ 14-cü PB-yə gətiriliblər.

Toplanmış materiallar əsasında Sabunçu Rayon Məhkəməsinin qərarı ilə sürücü Faiq Əliyev və Ceyhun Cəbiyev İXM-nin müvafiq maddələri ilə inzibati qaydada həbs ediliblər.

Eləcə də feysbuk sosial şəbəkəsində Sabunçu rayonunun Bakıxanov qəsəbəsində “əxlaqsız qadınların və cinsi azlıqların” yığışmasını əks etdirən videoda göstərilən xüsusatlar da araşdırılıb.

Qeyd olunan ərazidə fahişəliklə məşğul olan iki qadın saxlanılaraq barələrində İXM-nin 524.1-ci maddəsi ilə inzibati xəta haqqında protokol tərtib edilməklə hər biri 100 manat məbləğində cərimə olunublar.

Həmçinin, eyni əməllə məşğul olan dörd qadın və cinsi azlığın iki nümayəndəsi də saxlanılaraq tibbi müayinəyə cəlb ediliblər. Onların narkotik vasitələrin təsiri altında olmaları müəyyən edildiyindən barələrində İXM-nin 206-cı maddəsi ilə tərtib edilmiş inzibati xəta haqqında protokollar Sabunçu Rayon Məhkəməsinə göndərilib.

Ölkə.Az

ŞƏRH YAZ
0

Azərbaycanda karantin rejiminə nəzarət edən 3 polis əməkdaşı vəfat etdi — AÇIQLAMA

Azərbaycanda karantin rejiminə nəzarət edən 3 polis əməkdaşı vəfat etdi
21:45
Bu gün
4505
Ölkə
A
“Karantinə nəzarət edən 3 əməkdaşımız koronavirus infeksiyasından dünyasını dəyişib”.

"Ölkə.Az" bildirir ki, bu sözləri Redaktor.az-a açıqlamasında Daxili İşlər Nazirliyinin (DİN) Mətbuat xidmətinin rəisi Ehsan Zahidov deyib. “Bu günə qədər 3 əməkdaşımız dünyasını dəyişib, hazırda bir neçə əməkdaşımız xəstəxanada müalicə alır, bir neçə şəxs də müalicələri bitdiyi üçün evə buraxılıb”.

ŞƏRH YAZ
0

Bakını üfunətə qərq edən Böyükşor gölündə təmizlik işlərinə başlandı — VİDEO

Bakını üfunətə qərq edən Böyükşor gölündə təmizlik işlərinə başlandı
21:33
Bu gün
3786
Ölkə
A
Bir neçə gün əvvəl “Sobsan” boya fabrikində baş vermiş yanğın zamanı kimyəvi maddələrlə qarışmış suyun Böyük Şor gölündə yaratdığı fəsadların aradan qaldırılması üçün Birinci vitse-prezident Mehriban Əliyevanın tapşırığı ilə müvafiq işlərə başlanılıb. İşlər Baş nazirin birinci müavini Yaqub Eyyubov tərəfindən nəzarətə götürülüb.

"Ölkə.Az" bildirir ki, artıq bu gündən etibarən Fövqəladə Hallar, Ekologiya və Təbii Sərvətlər Nazirlikləri və digər aidiyyəti qurumlar tərəfindən gölün üzərində yaranmış qatı çirkab örtüyün təmizlənməsi işlərinə başlanılıb. 

Fövqəladə Hallar Nazirliyinin Xəzər Hövzə Qəza-Xilasetmə Xidmətinin müvafiq texnikası Böyük Şor gölünə gətirilib. Xidmət tərəfindən, ilk növbədə, gölün çirkab qatının toplandığı hissəsi bon çəpəri ilə məhdudlaşdırılıb. Gün ərzində görülmüş tədbirlər sayəsində 14 ton çirkab maddə yığılaraq ərazidən kənarlaşdırılıb.

Ümumilikdə Xidmət tərəfindən gölün çirkab qatının toplandığı hissəsinin, təqribən, 50 faizində işlər yekunlaşdırılıb. İşlərin qısa müddətdə tamamlanması üçün zəruri tədbirlər davam etdirilir.

Xatırladaq ki, iki gün əvvəl Baku TV Böyükşor gölündəki son vəziyyət və bunun səbəb ola biləcəyi fəsadlar barədə ətraflı videomaterialı tamaşaçılara təqdim etmişdi.

ŞƏRH YAZ
0
BAĞLA