Supermarketlərdə hansı şöbələr fəaliyyət göstərə bilər?

Yerli icra hakimiyyəti orqanları sərtləşdirilmiş karantin rejimlərində fəaliyyətinə icazə verilən marketlərdə reyd keçirərək, onlara qida və gündəlik tələbat mallarından başqa hər hansı bölməsinin fəaıliyyətinə maneçilik törədir. Həmin ticarət obyektlərini cərimə və fəaliyyətlərini bağlamaqla  hədələyirlər. Belə bir fakt  paytaxtın Sabunçu rayonu, Bakıxanov qəsəbəsi, Sakit Qocayev küçəsi 27 C ünvanında yerləşən “Megastore” mağazalar şəbəkəsində baş verib. Redaksiyamıza daxil olan şikayət  məlumatında iddia olunur ki, ötən gün (yəni iyulun 7-də)  Sabunçu Rayon İcra Hakimiyyətinin başçısı Adil Əliyevin iştirakı ilə ərazidə reyd keçirilib:

“Ötən gün mağazaya Sabunçu Rayon İcra Hakimiyyətinin başçısı Adil Vəliyev gəlmişdi. Çəkiliş apardılar. Bu zaman bizə qadağa olunduğu halda, nə üçün mağazada oyuncaq, tekstil şöbələrinin işlədiyi sual olundu.

Daha sonra isə həmin şöbələrin lentə alınması və bu şöbələrdə satışın dayandırılması tələb olundu. Bildirildi ki, növbəti dəfə bu məqam müşahidə edilərsə, cərimə tətbiq ediləcək. Bu barədə hüquqşünaslarımıza da məlumat vermişik. Xahiş edirik, məsələnin ictimaiyləşdirilməsinə kömək edəsiniz”.

Məsələ ilə bağlı həmin rayonun millət t vəkili Fazil Mustafa ilə əlaqə saxlayıb mövqeyini öyrəndik.

“Ölkə.Az”a açıqlamasında millət vəkili Fazil Mustafa deyib ki, sərtləşdirilmiş karantin rejimində Nazirlər Kabineti yanında Operativ Qərargahın  fəaliyyətinə icazə verilən sahələrlə bağlı qərara digər hər hansı icra orqanı müdaxilə edə bilməz.

Onun sözlərinə görə,  Operativ Qərargahın verdiyi qərarda nə göstərilibsə, o əsas götürülməlidir. “Ola bilsin ki, yerli icra hakimiyyətinin əlindəhəmin obyektdə  koronavirus ocağının olması bardədə ya konkret  məlumatı var və yaxud da şübhəsi var. “Əgər belə bir fkat mövcuddursa, o zaman yerli icra hakimiyyət müvafiq dövlət qurumlarına müraciət etməli və obyektlə bağlı tədbir görməlidir. Yoxsa, ümumi qaydalara uyğun  belə adımlar atanda   Nazirlər Kabinetinin qərarı ilə zidiyyət təşkil edə bilər.  Ona görə də konkret obyektlə bağlı məsələ fərdi qaydada həllini tapmalıdır. Marketlərin fəaliyyəti  Nazirlər Kabinetinin qərarına uyğun gəlmədikdə  cərimə oluna bilər. Ümumi formada olmaz”-millət vəkili bildirib.

 Məsələ ilə bağlı “Ölkə.Az”a açıqlama verən Nazirlər Kabinetinin Mətbuat xidmətinin rəhbəri İbrahim Məmmədli  bildirib ki, bu məsələ Nazirlər Kabinetinin 208 saylı qərarında aydın göstərilib: “208 nömrəli Qərarın 1.1 maddəsində isə göstərilir ki, aşağıda qeyd edilən iş və xidmət sahələri üzrə fəaliyyət dayandırılsın;

1.1.1. nəzdindəki ərzaq mağazaları və apteklər istisna olmaqla, iri ticarət mərkəzlərinin fəaliyyəti dayandırılır”.

Mürtəza

Ölkə.Az