KORONAVİRUSA YOLUXANLARIN SAYI - CANLI STATİSTİKA

Tələbələrə təqaüdlərin ödənilməsi ilə bağlı — AÇIQLAMA

Tələbələrə təqaüdlərin ödənilməsi ilə bağlı
23:42
23.05.2020
3887
Ölkə
A
Tələbələrə təqaüdlərin ödənilməsi ilə bağlı heç bir narahatlığa səbəb yoxdur. Təqaüd verilən bütün tələbələr bu vəsaiti əldə edə biləcəklər.

Ölkə.Az" xəbər verir ki, bunu Təhsil naziri Ceyhun Bayramov deyib.

Onun sözlərinə görə, Azərbaycan dövləti öz öhdəliyini yerinə yetirərək təhsil sahəsində çalışanların əməkhaqlarının, tələbələrin təqaüdlərinin vaxtında ödənilməsini özü üçün bir nömrəli prioritet sayır:

“Bu, əvvəlki aylarda 100 faiz təmin edilib. Növbəti aylar ərzində də tələbələrə təqaüdlərin ödənilməsi dövlət tərəfindən 100 faiz təmin ediləcək”.

C.Bayramov əlavə edib ki, növbəti, yəni 2020-2021-ci tədris ilinin payız semestri üzrə tələbələrin təqaüdlərinin alınması artıq yay imtahan sessiyasının nəticələri əsasında həyata keçiriləcək. Həmin müddətdə də bu hüququ əldə edən tələbələrin hamısının təqaüdü 100 faiz ödəniləcək:

“Sadəcə olaraq, hazırkı xüsusi vəziyyət nəzərə alınaraq, təqaüd almaq imkanı yalnız iyun-iyul ayları ərzində keçiriləcək imtahanda iştirak edən tələbələrə şamil olunmayacaq. Əgər kimsə bu aylarda keçirilən imtahanlarda iştirak etməyib, amma tədris ilinin əvvəlində keçirilən imtahanlarda iştirak edəcəksə, həmin tələbələr də imtahanları vermək şərtilə təqaüd almaq imkanı əldə edəcəklər. İyun-aylarında imtahanlarda iştirak etməmək tələbələri birmənalı şəkildə təqaüd almaq hüququnundan məhrum etmir”.

Təhsil Nazirliyinin elektron sistemindəki tələbələrin təqribən 50 faizinin təqaüd aldığını nəzərə çatdıran C.Bayramov əlavə edib ki, bu gün təqaüd almaq hər bir ali təhsil müəssisəsində ixtisasa uyğun olaraq, rəqabətli şəraitdə həyata keçirilir.

Ölkə.Az

ŞƏRH YAZ
0

Azərbaycan ordusunda koronavirusa yoluxma varmı? — AÇIQLAMA

Azərbaycan ordusunda koronavirusa yoluxma varmı?
20:17
Bu gün
1349
Ölkə
A
Bu gün Azərbaycan Ordusunda koronavirusa yoluxma faktı qeydə alınmayıb.

"Ölkə.Az" xəbər verir ki, bunu jurnalistlərə açıqlamasında Prezidentin köməkçisi Hikmət Hacıyev deyib. 

H.Hacıyev bildirib ki, pandemiya ilə əlaqədar Azərbaycan ordusunda bu məsələ ciddi nəzarətdə saxlanılır: 

“Bu gün Azərbaycanın müdafiə naziri, general polkovnik Zakir Həsənov ilə bu məsələ barəsində danışmışam. Söhbət zamanı nazir orduda heç bir yoluxma faktının olmadığını deyib. Yalnız Əfqanıstandakı Sülhməramlı qüvvələrimiz arasında bir hərbçimizdə virus aşkarlanıb. O da dərhal Azərbaycana gətirilərək karantinə götürülüb. Bu gün orduda vəziyyət tam nəzarətdədir. Hərbi hissələrin tibb xidmətləri, hərbiçiləri arasında testlər aparılır. Vəziyyətə xüsusi nəzarət olunur".oxu.az

ŞƏRH YAZ
0

DİM-dən vaxtında qeydiyyatdan keçməyən rezident namizədlərə MÜRACİƏT

DİM-dən vaxtında qeydiyyatdan keçməyən rezident namizədlərə MÜRACİƏT
20:00
Bu gün
3159
Ölkə
A
Rezidenturaya qəbul imtahanlarında iştirak etmək istəyən, lakin vaxtında qeydiyyatdan keçməyən namizədlər üçün iyulun 10-dan 13-dək əlavə sənəd qəbulu elan edilib.

Dövlət İmtahan Mərkəzindən “Ölkə.Az”a verilən məlumata görə, namizəd Mərkəzin internet saytının ekabinet.dim.gov.az səhifəsində “Şəxsi kabinet” yaratdıqdan sonra  ərizə vermək üçün tələb olunan məbləği (60 AZN) “Şəxsi kabinet”indəki hesabına əlavə edir.

Hesaba məbləği əlavə etmək üçün ödəniş üsulları ilə epayment.dim.gov.az internet səhifəsində tanış ola bilərsiniz.

Namizəd “Şəxsi kabinet”inin istifadəçi adı və parolundan istifadə etməklə Mərkəzin internet saytının müvafiq səhifəsinə (http://eservices.dim.gov.az/erizerez/erize/?frm=egov ) daxil olub “Namizədin elektron ərizəsi” formasını doldurur və təsdiq edir (etdirir).

Namizədlərə hər mərhələdə 100 test tapşırığı təqdim olunur. Hər iki mərhələdə namizədin hər bir test tapşırığına düzgün cavabı 1(bir) balla qiymətləndirilir. Səhv cavablar namizədin imtahan nəticəsinə (yekun nəticəyə) təsir göstərmir. İxtisas fənləri üzrə biliklərin qiymətləndirilməsi imtahanına topladığı bal 40 və daha çox olan namizədlər buraxılırlar.

Hər bir mərhələdə imtahan suallarının cavablandırılmasına 2 saat 30 dəqiqə vaxt ayrılır.

Müsabiqəyə ixtisas fənləri üzrə biliklərin qiymətləndirilməsi imtahanında topladığı bal 50-dən az olmayan namizədlər buraxılırlar.

Qəbul elanının tam mətni «Rezidentura» jurnalının 2-ci sayında dərc olunub. Jurnalın bu sayında namizədlərə kömək məqsədilə ixtisas fənləri üzrə test tapşırıqlarının izahı və tövsiyələr, test tapşırığı  nümunələri təqdim olunur. Eyni zamanda «Rezidentura» jurnalının bu sayında müsabiqə şərtləri, “Namizədin elektron ərizəsi”nin doldurulma qaydası və onun nümunəsi də dərc edilir. Jurnalı www.abiturient.az saytından sifariş etmək olar.

Qeyd edək ki, baza fənləri üzrə biliklərin qiymətləndirilməsi imtahanından “məqbul” alan (40 və daha çox bal toplayan) rezidentlər (rezidenturada təhsil alanlar) ixtisas fənləri üzrə biliklərin qiymətləndirilməsi imtahanına yalnız rezidenturanı bitirdikdən və ya rezidentura təhsilindən imtina etdikdən sonra buraxılırlar.

Rezidenturaya qəbul qaydalarında edilmiş dəyişikliyə əsasən cari ildən əsas (baza ali) tibb təhsilinin III kursunu tam bitirmiş (semestr imtahanlarını müvəffəqiyyətlə vermiş) tələbələr də baza fənləri üzrə biliklərin qiymətləndirilməsi imtahanına buraxılırlar. İmtahanda iştirak etmək arzusunda olan tələbələrdə qeydiyyatdan keçə bilərlər.

Baza fənləri üzrə biliklərin qiymətləndirilməsi imtahanından “məqbul” alan (40 və daha çox bal toplayan) tələbələr ixtisas fənləri üzrə biliklərin qiymətləndirilməsi imtahanına yalnız rezidenturaya qəbul olunmaq hüququ əldə etdikdən, yəni əsas (baza ali) tibb təhsilini tam bitirdikdən sonra buraxılacaqlar (bax: “Rezidentura” jurnalı, № 1, 2020, səh. 2).

aza fənləri üzrə biliklərin qiymətləndirilməsi imtahanından “məqbul” alan namizədlərin nəticəsi 5 (beş) il müddətində qüvvədə qalır.

ŞƏRH YAZ
0
BAĞLA