KORONAVİRUSA YOLUXANLARIN SAYI - CANLI STATİSTİKA

Tramp Vaşinqtonu tərk etdi — Məzuniyyətə gedir

Tramp Vaşinqtonu tərk etdi
05:09
10.08.2019
1874
Dünya
A
ABŞ prezidenti Donald Tramp Vaşinqtonu tərk edərək, məzuniyyətə yollanıb.

"Ölkə.Az" bildirir ki, prezident tətilini Nyu-Cersi ştatında yerləşən özünə məxsus Bedminster qolf-klubunda keçirəcək.

Hələlik Ağ ev rəsmi olaraq prezidentin məzuniyyətə çıxmasını elan etməsə də, artıq mətbuat bu tətilin on gün sürəcəyini bildirir.

“Associated Press” məzuniyyəti boyu Trampın bir neçə rəsmi görüş və səfərinin olacağını da qeyd edib.

Mətbuatın hesablamasına görə, bu tətillə Tramp prezident seçiləndən sonra 146-cı dəfə qolf meydanına çıxacaq. “Forbes” jurnalı qeyd edir ki, Tramp bu hesabla əvvəllər qolfa aludəçiliyinə görə tənqid etdiyi eks-prezident Barak Obamanı da üstələyib.

Qeyd edək ki, adətən avqust ayı ABŞ-da siyasətçilərin istirahət mövsümü kimi qəbul edilir. Artıq avqustun 4-də Konqressin hər iki palatası məzuniyyətə gedib.

Ölkə.Az

ŞƏRH YAZ
0

Beyrut dəhşətli partlayışdan sonra — FOTO

Beyrut dəhşətli partlayışdan sonra
13:38
Bu gün
431
Dünya
A
Xəbər verdiyimiz kimi, dünən Livanın paytaxtı Beyrutda limanda qaynaq işləri zamanı 2 700 ton selitrin alışması nəticəsində güclü partlayış baş verib.

İlkin məlumatda 10 nəfərin həyatını itirdiyi, yüzlərlə insanın yaralandığı bildirilmişdi.

Ölkədə matəm elan edilib. Paytaxtdakı bütün xəstəxanaların yaralılarla dolduğu qeyd edilir.

Son məlumata görə, hadisə nəticəsində 100-dən artıq ölən, 4000-dən çox yaralı var.

Dəhşətli partlayışdan sonrakı Beyrutdan görüntüləri təqdim edirik.

ŞƏRH YAZ
0

Şəhid polkovnik İlqar Mirzəyevin barelyefi hazırlanır

Şəhid polkovnik İlqar Mirzəyevin barelyefi hazırlanır
12:58
Bu gün
169
Dünya
A
Beyləqandan olan gənc heykəltəraş Təbriz Soltanlı şəhid polkovnik İlqar Mirzəyevin barelyefi üzərində işləyir. O, bundan öncə şəhid general Polad Həşimovun büstünü hazırlayıb.

"Ölkə.Az" xəbər verir ki, Təbriz Soltanlı erməni silahlı qüvvələrinin Tovuz təxribatından sonra şəhidlərimizin xatirəsini əbədiləşdirməyi qarşısına məqsəd qoyub. O, əvvəlcə şəhid generalımız Polad Həşimovun büstünə ərsəyə gətirib. Gənc heykəltəraş deyir ki, büstü hazırlayarkən əsas məqsədi generalımızn üzündəki nuru ifadə etmək olub və o, buna da nail olub.

Daha sonra şəhid polkovnik İlqar Mirzəyevin barelyefini hazırlamağı qərara alıb və hazırda onun üzərində işləyir. Artıq barelyefin gillə işlənməsi mərhələsi başa çatıb.

Qeyd edək ki, Azərbaycan Dövlət Rəssamlıq Akademiyasının 4-cü kurs tələbəsi olan gənc heykəltəraşın vətənpərvərlik hisləri ilə ərsəyə bu işlər heç də ilk deyil. Daha əvvəl - 2012-ci ildə şəhid Mübariz İbrahimovun kompazisiyasını hazırlayan Təbriz Soltanlı, həmçinin Mikayıl Müşfiqin kiçik ölçüdə büstünün, Əhməd Cavadın partret heykəlinin, Səməndar Rzayevin büstünün də müəllifidir.

ŞƏRH YAZ
0
BAĞLA