KORONAVİRUSA YOLUXANLARIN SAYI - CANLI STATİSTİKA

“Trampın məktubu İlham Əliyevin dünyanın enerji təhlükəsizliyindəki roluna verilən qiymətdir” — Deputat

“Trampın məktubu İlham Əliyevin dünyanın enerji təhlükəsizliyindəki roluna verilən qiymətdir”
18:35
25.05.2019
10792
Analitika
A
“Azərbaycanın nəinki dünyanın təhlükəsizliyində və Avropanın enerji təhlükəsizliyinin təmin olunmasındakı rolu, o cümlədən ölkədə həyata keçirilən islahatların dərinləşməsi istiqamətində yürüdülən siyasəti beynəlxalq aləm tərəfindən dəstəklənməkdədir. ABŞ Prezidenti Donald Trampın Azərbaycan Prezidenti İlham Əliyevə ünvanladığı məktubda səsləndirdiyi fikirlər bunun bariz nümunəsidir”.

Bunu “Ölkə.Az”a açıqlamasında millət vəkili Aydın Hüseynov bildirib.

 Onun sözlərinə görə, bu gün Azərbaycan dünyanın müxtəlif bölgələrində təhlükəısizliyin təmin olunmasında aktiv iştirak etməklə, özünü dünyada sülhün  carçısı olduğunu real  hərəkətləri ilə sübut edir. 

“Prezident İlham Əliyev  Azərbaycanda sülhün, əmin-amanlığın tərəfdarı olamsı ilə bağlı fikrini elə  aprelin sonunda Bakıda keçirilən dördüncü Beynəxalq Humanitar Forumda da bir daha səsləndirdi. Biz həqiqətən dünyada təhlükəsizlin və sülhün təmin olunmasını istəyirik və bu istiqamətdə nə lazımdırsa, onu etməyə hazırıq və edirik də”, - deputat qeyd edib.

A.Hüseynov əlavə edib ki, bu gün Azərbaycan Avropanın enerji təhlükəsizliyinin təmin olunması, alternativ yollarla enerji ehtiyatlarının dünya bazara çıxarılmasında bir sıra ciddi layihələrin təşəbbüskarı olub və onalrı reallaşdırıb:

“Azərbaycan əgər 90-cı illərin ortalarından başlayaraq neft sahəsində Avropanın enerji təhlükəsizliyini təmin olunması istiqamətində fəaliyyət göstərirdisə, növbəti mərhələlərdə isə  təbii qazla təmin olunması istiqamətində  layihələrin təşəbbüskarı rolunda çıxış etdi. Bu  məqsədlə Bakı-Tiflis-Ərzurum, TAP, TANAP, Cənub Qaz Dəhlizi kimi layihələri reallaşdırmağa başladı. Burada xüsusi məqam ondan ibarətdir ki, bu layihələrin böyük bir qismi Azərbaycanın maliyyəsi hesabına reasllaşdırıldı. Azərbaycan həm təşəbbüskar oldu, həm  maliyyələşdirici, həm də iştrakçı. Azərbaycan fəaliyyətini bununla da bitirmədi. Azərbaycan Prezidentinin uzaqgörən və cəsarətli siyasəti nəticəsində ölkəmiz qısa zaman kəsiyində Avrasiya məkanının logistika qovşağına çevrildi. Təbii ki, Azərbaycan Prezidentinin bu fəaliyyəti dünya birliyi tərəfindən, o cümlədən ABŞ tərəfindən yüksək dəyərləndirilib. Trampın məktubunu mən Azərbaycan Prezidentinin əməyinə verilən qiymət kimi dəyərləndirirəm”- deputat bildirib.

 Deputat həmçinin ölkədə  islahatların dərinləşdirilməsi istiqamətində atılan addımların da Tram tərəfindən yüksək qiymətləndirilməsini  Azərbaycan Prezidentinin yürütdüyü siyasətə dəsrək kimi qiymətləndirib.

Mürtəza
Ölkə.Az

ŞƏRH YAZ
0

Ermənistan yeni işğal üçün müharibəyə hazırlaşır — Millət vəkilindən ŞOK XƏBƏRDARLIQ

Ermənistan yeni işğal üçün müharibəyə hazırlaşır
01:38
04.07.2020
2203
Analitika
A
“Ermənistan tərəfi yenidən müharibəyə başlamaq istəyir. Ancaq işğalçı ölkə bu dəfə törətdiyi təxribata elə cavab alacaq ki, onu heç vaxt unutmayacaq”.

"Ölkə.Az" xəbər verir ki, bunu  açıqlamasında Demokratik İslahatlar Partiyasının sədri, deputat Asim Mollazadə deyib.

Onun fikrincə, Rusiya həmişə Ermənistanı öz ordusu kimi silah-sursatla təmin edib.

Asim Mollazadə

 

“Ermənistan silahlı qüvvələri artıq Rusiya Silahlı Qüvvələrinin tərkib hissəsidir. Rusiya Ermənistanı kifayət qədər silahla təmin edib. Bunu yalnız indi deyil, həmişə öz qoşunlarına etdiyi kimi edir”, - partiya sədri vurğulayıb.

A.Mollazadə bildirib ki, Ermənistan hər vaxt qoşunların təmas xəttində təxribatlar törədir və bunu davam etdirməkdə maraqlıdır: “Ermənistan müharibəni yenidən başlamaq və işğal etdiyi əraziləri genişləndirmək istəyir. Düşünürəm ki, dövlətimizin keşiyində duran Azərbaycan Ordusu da bu təxribatlara cavab verməyə tam hazırdır. Cavabımız elə ağır olacaq ki, Ermənistan tərəfi bunu çətin unuda bilsin”.

Hərbi ekspert Ramil Məmmədli isə hesab edir ki, iqtisadi imkanlarını, daxili siyasi vəziyyətini analiz etdikdə birmənalı şəkildə Ermənistanın müharibə edəcək gücdə olmadığı üzə çıxır:

“Təbii ki, ermənilər adətləri üzrə təxribat xarakterli əməliyyatlar keçirə bilərlər. Əgər belə bir cəhd olarsa, əlbəttə ki, Azərbaycan Ordusu bunun qarşısını almağa və əks-hücumla Ermənistan ordusunu yerində oturtmağa qadirdir. İnanmıram ki, Ermənistanın hazırkı hərbi-siyasi rəhbərliyi 2016-cı ilin aprelində baş verənləri yenidən yaşamaq istəsinlər. Onların ordusunun şəxsi heyətinin sayını, texniki imkanlarını Azərbaycan Ordusu ilə müqayisə edəndə, işğalçı ölkənin yenidən müharibəyə başlamasının mümkün olmadığı aydın olur”.

Ramil Məmmədli

R.Məmmədlinin fikrincə, müharibəni başlayan ölkənin maliyyə imkanları güclü olmalıdır: “Bununla yanaşı, daxili siyasi sabitliyi olmalıdır. Ermənistanda isə nə iqtisadiyyat güclüdür, nə də daxili siyasi vəziyyətləri sabitdir. Sadə bir nümunə deyim: texniki təchizat vasitələri istisna olmaqla, müharibədə döyüşə göndərilən hər bir əsgərin üzərindəki silah-sursat və geyiminin məbləği 10-20 min ABŞ dolları arasında dəyişir. Ermənistanın şəxsi heyətini bu formada geyindirib hücuma göndərməyə gücü çatmaz”.

Qeyd edək ki, Gürcüstan mətbuatı Rusiyanın Ermənistana növbəti dəfə külli miqdarda silah-sursat göndərdiyini yazıb. Belə ki, hərbi mənbələr son günlər Rusiyanın mülki hava xəttlərindən istifadə edərək Ermənistana silahlar, həmçinin “Qrad” reaktiv-yaylım atəşi sistemləri çatdırdığını bildirir.

Mənbə silahların Ermənistana İran hava məkanından istifadə edərək gizlin çatdırıldığını bildirib. report

ŞƏRH YAZ
0

Azərbaycan Ordusunda islahatlar yeni müstəviyə keçib — Ekspertlər

Azərbaycan Ordusunda islahatlar yeni müstəviyə keçib
15:11
17.05.2020
2911
Analitika
A
“Ordunun modernləşdirilməsi ən vacib məsələlərdəndir, bu gün ordumuza ən müasir silahlar alınıb”.

"Ölkə.Az" bildirir ki, bunu “Report”a açıqlamasında orduda aparılan islahatları şərh edərkən Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aqil Abbas deyib.

O bildirib ki, əvvəllər orduda vəziyyət acınacaqlı idi. Deputat tez-tez hərbi hissələrə baş çəkdiyini və son illərdə ordunun maddi-texniki bazasının gücləndirildiyinin şahidi olduğunu söyləyib.

A.Abbas qeyd edib ki, son illərdə xeyli sayda yeni hərbi hissələr tikilərək istifadəyə verilib: “Əsgərlərə ən yüksək səviyyədə kalorisi olan yeməklər verilir. Əvvəllər əsgərlər paltarlarını yuyurdular, yemək bişirirdilər, indi bunu mülki insanlar edir. Əsgərin işi ancaq vətəni müdafiə etməkdir. Daha hərbi maşınları 18-19 yaşlı əsgərlər sürmür, əvvəllər buna görə tez-tez qəzalar olurdu. İndi isə hərbi maşınları idarə etməyə mülki insanlar cəlb olunub deyə, qəzaların sayı da azalıb. Azərbaycan Ordusunda böyük islahatlar aparılıb. Təbii ki, müəyyən problemlər ola bilər, heç bir ölkənin ordusu bundan uzaq deyil”.

Azərbaycan Ordusunun mayın 18-dən 22-dək keçiriləcək genişmiqyaslı əməliyyat-taktiki təlimlərindən danışan deputat bunu şəxsi heyətin döyüş qabiliyyətinin artırılması kimi qiymətləndirib.

“Bütün təlimlər döyüş qabiliyyətini artırmağa hesablanıb. Təlimlər həm də əsgərin, gizirin, müddətdən artıq xidmət edən hərbi qulluqçuların, zabit heyətinin döyüş ruhunu artıraraq onları daha da səriştəli edir. Praktiki məşqlərdə bütün nöqsanlar, çatışmazlıqlar aşkarlanaraq aradan qaldırılır. Ordumuza alınan yeni hərbi texnikaların, silah-sursatın, döyüş vasitələrinin istismarı yoxlanılır və şəxsi heyətə daha mükəmməl öyrədilir. 

Təlim ordunu döyüşə hazırlamaq deməkdir. Azərbaycan Ordusu mütəmadi genişmiqyaslı təlimlər keçirir. Bu da döyüş taktikasını, döyüş ruhunu, ümumiyyətlə döyüş qabiliyyətini artırmaq üçün ən önəmli məsələdir”, - A.Abbas vurğulayıb.

Hərbi ekspert Ramil Məmmədli isə Azərbaycan Ordusunda islahatlarla bağlı köklü dəyişikliklərin 2005-ci ildən başlandığını, lakin 2013-2014-cü illərdən bu dəyişikliklərin başqa bir müstəviyə keçdiyini deyib.

O bildirib ki, bu dəyişikliklərin əsasında əsgər-zabit münasibətləri ilə bağlı yeniliklər dayanır: “2014-cü ilə kimi mətbuatda və cəmiyyətdə əsgər-zabit münasibətlərində bir çox narahatlıq və nizamnamədən kənar hadisələrin olmasına dair xəbərlər yer alırdısa, bu gün övladını hərbi xidmətə göndərən Azərbaycan vətəndaşı rahatdır. O bilir ki, oğlunun komandiri – zabiti ona öz övladı, qardaşı, dostu kimi yanaşacaq. Bu, birinci və vacib məsələdir. İslahatlarla bağlı növbəti məsələ maddi-texniki bazanın gücləndirilməsi ilə bağlıdır. 

Burada əsas yeri əsgərlərin yataqxanaların (kazarma) müasirləşdirilməsi, hərbi hissələrdə müasir tələblərə cavab verən işlərin görülməsi, zabit, gizir və müddətdən artıq xidmət edən hərbi qulluqcuların sosial vəziyyətinin yaxşılaşdırılması idi. Əvvəlcə onların maaşlarının artırılması məsələsi təmin olundu. Eyni zamanda onların mənzillərlə təminat məsələsi həll edildi. Bu gün də bu proses mərhələli formada davam edir. Xidmət müddətinə uyğun olaraq zabitlər və gizirlər evlərlə, torpaq sahələri ilə təmin olunurlar”.

Silah və hərbi texnika parklarının yenilənməsini islahatların davamı kimi qiymətləndirən hərbi ekspert bu sahədə köklü dəyişikliklərin olduğunu bildirib: “Hava hücumundan müdafiə sistemi yenidən quruldu, Hərbi Hava Qüvvələrinin texniki imkanlarının gücləndirilməsi üçün müasir təyyarələrin alınmasına başlanıldı. Bu proseslə Qərbin modern texnologiyalarının mənimsənilməsinə start verildi. Bu, bir neçə günə həll olan məsələ deyil, buna görə də islahatlar davamlı şəkildə aparılır. 

Quru Qoşunlarda Azərbaycan Ordusunun istifadəsində olan texnikalar yeniləndi, çoxlu sayda zirehli maşınlar alındı, artilleriya qurğuları, atıcı silahların yeniləşməsi prosesinə başlanıldı. Bununla yanaşı Azərbaycan Ordusunda təlimlərinin sayının artdığının şahidi olduq.

İslahatlara kadr dəyişiklikləri məsələsini də aid etmək olar. Uzun illər Müdafiə Nazirliyinin rəhbər strukturlarında vəzifə tutan şəxslər işdən uzaqlaşdırıldı. Onların yerinə daha gənc və perspektivli zabitlər gətirildi”. 

Ekspertin sözlərinə görə, təəssüf ki, bəzi şəxslər düşünmədən ordu ilə bağlı bəzi şayiələr yayırlar: "Bu da daim internet pusqusunda duran düşmənin işinə yarayır. Fəaliyyəti nə zamansa hərb ilə bağlı olan şəxslərin isə ordu ilə bağlı hər hansı neqativ açıqlamaları hərbçilər arasında ruh düşkünlüyü yarada bilər. Bu səbəbdən həm xidmət keçən, həm ehtiyatda olan hərbçilər öz bəyanat və açıqlamalarında maksimum diqqətli olmalıdırlar və gördüyü istənilən neqativ halla bağlı dövlətin müvafiq qurumlarına müraciət etməlidirlər". 

ŞƏRH YAZ
0
BAĞLA