Türkiyə ordusu şəhərin mərkəzini nəzarətə götürdü
Türkiyə ordusu “Sülh bulağı” adlı antiterror əməliyyatının 4-cü günündə Rəs-əl-Ayn şəhərinin mərkəzinə daxil olub.
“Ölkə.Az” NTV Türkiyə-yə istinadən xəbər verir ki, öncə şəhər ətrafındakı kəndlər terrorçulardan təmizlənib, daha sonra şəhərin mərkəzi mühasirəyə alınıb.
Atışmadan sonra şəhərin mərkəzi də nəzarətə götürülüb.
Həmçinin terrorçuların qərargah olaraq istifadə etdiyi ərazi raket və top atəşinə tutulub. Hücuma qarşılıq verə bilməyən terrorçular silahlarını və texnikalarını qoyaraq geri çəkiliblər.
Türkiyə qırıcıları Tel-Abyad bölgəsində isə ərəb və kürd dillərində yazılmış mətnləri sivillərin yaşadığı ərazilərə atıb. Müraciətdə sakinlərin PKK/YPG terrorçularından uzaq durmaları və təhlükəsiz ərazilərə keçməsi istənilib.
Son məlumatlara görə, 4 gün ərzində ümumilikdə 14 kənd azad edilib, 459 terrorçu məhv edilib.
Ölkə.Az
