KORONAVİRUSA YOLUXANLARIN SAYI - CANLI STATİSTİKA

Türkiyədəki yarışmada azərbaycanlı qadını aldatdılar

Türkiyədəki yarışmada azərbaycanlı qadını aldatdılar
08:30
17.09.2019
4020
Dünya
A
Türkiyənin ATV kanalında yayımlanan "Güven bana” yarışmasının növbəti buraxılışında iştirakçılardan biri azərbaycanlı olub. Amma Gülüstan Batu evə əliboş gedib.

"Ölkə.Az" azxeber.com-a istinadən bildirir ki, Türkiyədəki yarışmada azərbaycanlı qadını aldadıblar. O, 20 min manatdan çox itirib.

Yarışmanın formatı belədir ki, bir-birini tanımayan iki nəfər birlikdə qalib olmağa çalışır. Onlar 15 suala cavab verməlidir. Amma cəmi 2 səhv etmək şansları var. Birlikdə uğur qazanmaq üçün hər iki adam bir-birinə güvənməlidir. Çünki müəyyən mərhələdə tərəflərdən biri uyğun düyməyə tez basaraq həmin dəqiqəyə qədər qazanılan pulları götürüb gedə bilər.

Gülüstan xanım məhz birlikdə yarışdığı adama güvənməklə aldanıb. Muhsin Divan onun etimadını qazanıb, 15-ci sualdan sonra 147 min 500 lirə qazandıqları məlum olan kimi düyməyə basıb.

Gülüstan Batu yarışın gedişində Muhsin Divanın düyməyə basacağı halda hirslənməyəcəyini bildirib. Türkiyəli yarışmaçı da bu məqamı yaddan çıxarmayıb.

Ümumiyyətlə, azərbaycanlı iştirakçı bir o qədər inamlı təsir bağışlamayıb. Sualların az qala hamısına Muhsin Divan cavab verib.

Gülüstan Batu 20 ildir Antalyada yaşayır və ingilis dili müəllimidir.

Ölkə.Az

ŞƏRH YAZ
0

COVID peyvəndi nə zaman tətbiq olunacaq?

COVID peyvəndi nə zaman tətbiq olunacaq?
09:10
Bu gün
165
Dünya
A
Dünyada koronavirus əleyhinə peyvəndlə bağlı araşdırmalar davam edir. Artıq bir sıra ölkədə peyvəndlərin sınaqları da keçirilib. Amma hələ dünyada vahid şəkildə qəbul olunan peyvənd yoxdur və nə zaman tətbiq olunacağı bilinmir.

"Ölkə.Az" milli.az-a istinadən xəbər verir ki, Ümumdünya Səhiyyə Təşkilatının (ÜST) təcili yardım proqramının direktoru Maykl Rayan isə bildirib ki, insanlar peyvəndi 2021-ci ilin ilk yarısından gec olmayaraq əldə edə biləcək.

O qeyd edib ki, pevəndlə bağlı sınaqların keçirilməsində inkişaf meylləri müşahidə edilsə də, məhlulun tam ixtira olunma vaxtını dəqiq demək olmur

ŞƏRH YAZ
0

Livanda etirazçılar zəbt etdikləri XİN-in binasından çıxarılıblar

Livanda etirazçılar zəbt etdikləri XİN-in binasından çıxarılıblar
06:50
Bu gün
197
Dünya
A
Beyrutda etirazçılar tərəfindən zəbt olunmuş Livan Xarici İşlər Nazirliyinin binasını mühasirəyə alan hərbçilər onları binadan çıxmağa məcbur edə bilib.

"Ölkə.Az" APA-ya istinadən xəbər verir ki, bu barədə “Al Jazeera” telekanalı məlumat yayıb.

Məlumata görə, əsgərlər içəri daxil olaraq etirazçıları oradan qovublar. Bundan başqa, hərbi bölmələr Energetika Nazirliyi binasına da cəlb olunub və orada hər kəsdən binanı könüllü olaraq tərk etmələri tələb edilib.

Bundan bir qədər əvvəl isə “Al Mayadeen” telekanalının verdiyi xəbərə görə, hökumət əleyhinə keçirilən etiraz aksiyaları zamanı bir qrup insan Livan nazirliklərinin binalarına daxil olaraq orada sənədləri məhv ediblər. Telekanalın verdiyi məlumata görə, “nazirlik binalarına daxil olduqdan sonra insanlar ilk növbədə oradakı sənədləri məhv ediblər”.

“1992-ci ildən bəri korrupsiya ilə əlaqəli sənədlərin məhv edilməsi üçün bir plan irəli sürülüb”, - deyə telekanala bir mənbə bildirib.

Qeyd edək ki, son bir saat ərzində Beyrutun mərkəzində etirazçılar bir sıra nazirliklərin – qərargah qurduqları Xarici İşlər Nazirliyinin, habelə İqtisadiyyat, Ətraf Mühit və Energetika Nazirliklərinin binalarını zəbt ediblər. Bundan əlavə, Livan Banklar Assosiasiyasının qərargahının ələ keçirildiyi bildirilib. “Al Arabiya” telekanalının verdiyi məlumata görə, bina yandırılıb, digər bir məlumata görə, gözyaşardıcı qaz vasitəsilə etirazçılar oradan uzaqlaşdırılıb.

ŞƏRH YAZ
0
BAĞLA