KORONAVİRUSA YOLUXANLARIN SAYI - CANLI STATİSTİKA

Universitet və kolleclərə ərizə qəbulu davam edir

Universitet və kolleclərə ərizə qəbulu davam edir
14:25
23.05.2020
2998
Ölkə
A
Ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə ərizə qəbulu davam edir.

Dövlət İmtahan Mərkəzindən "Ölkə.Az"a verilən məlumata görə, bu gün saat 09:40-a olan məlumata əsasən 63 616 abituriyent elektron ərizəsini təsdiq edib.

Məlum olduğu kimi, mayın 12-dən etibarən ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə ərizə qəbuluna start verilib.

Hazırda ərizəsini təsdiq edən abituriyentlərdən 55 597-si bu ilin, 8 019-u isə əvvəlki illərin məzunlarıdır. Ərizəsini təsdiq etmiş abituriyentlərdən 32 004-ü kişi, 31 612-si isə qadındır.

Abituriyentlərin təqribən 99%-ə yaxını (62669 nəfər) ərizəsini özü təsdiq edib. DİM-in elektron məlumat bazasında yetərli məlumatı olmadığı üçün 1% (947 nəfər) abituriyent (əsasən 2011 və daha əvvəlki illərin məzunları) elektron ərizəsini Sənəd Qəbulu Komissiyasında təsdiq etdirib.

Xatırladaq ki, Dövlət İmtahan Mərkəzinin Bakı şəhəri və rayonlarda yerləşən inzibati binalarında yerləşən Sənəd Qəbulu Komissiyaları qeyri iş günləri olan 23, 29 və 30 may tarixlərində də fəaliyyət göstərəcək.

Vətəndaşların qəbulu Mərkəzin internet saytı vasitəsilə əvvəlcədən onlayn növbə götürməklə həyata keçirilir.

Müsabiqədə iştirak etmək üçün ərizələrin qəbulu iyunun 5-dək davam edəcək və bu müddətin uzadılması nəzərdə tutulmur.

ŞƏRH YAZ
0

Abituriyentlərə ŞAD XƏBƏR

Abituriyentlərə ŞAD XƏBƏR
13:21
Bu gün
369
Ölkə
A
Dövlət İmtahan Mərkəzi 13 və 14 avqustda keçiriləcək qəbul imtahanlarının ikinci mərhələsinin qrafikini elan edib.

Mərkəzdən "Ölkə.Az"a verilən məlumata görə, imtahanlar pandemiya şəraiti və xüsusi karantin rejimi tələblərinə uyğun olaraq təşkil ediləcək. İmtahanlarda kütləviliyin və təmas hallarının qarşısını almaq məqsədilə hər ixtisas qrupu üzrə imtahan aşağıdakı qrafikə uyğun 2 gün ərzində keçiriləcək.

Bu ilin məzunları bitirdikləri məktəbin yerləşdiyi yerə uyğun imtahan mərkəzində imtahan verirlər. Əvvəlki illərin məzunları isə şəxsi kabinetlərində faktiki yaşadıqları ünvanı qeyd etdikləri halda, yaşadıqları ünvanın aid olduğu yerə uyğun, əks halda, şəxsiyyət vəsiqəsində qeyd olunmuş ünvanın aid olduğu yerə uyğun imtahan mərkəzində imtahan verirlər.

13-14 avqust 2020-ci il tarixlərində:

• cari və əvvəlki illərin məzunları üçün II və III ixtisas qrupları üzrə qəbul imtahanları;

• I-IV ixtisas qrupları üzrə:

– ali və ya orta ixtisas təhsili müəssisələrinin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı;

– qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) imtahanları keçiriləcək.

I-IV ixtisas qrupu üzrə sənəd verən abituriyentlərin blok imtahanları (həmçinin II və III ixtisas qrupu üzrə sənəd verənlərin əlavə xarici dil imtahanları ) tarixləri haqqında növbəti həftə məlumat veriləcək.

ŞƏRH YAZ
0

Koronavirusdan sağalanların ağciyərlərində "ləkə" qalırmı? — HƏKİMDƏN CAVAB

Koronavirusdan sağalanların ağciyərlərində
13:05
Bu gün
357
Ölkə
A
Koronavirus pnevmoniyasından sağalanlar yuxarı tənəffüs yollarının və ağciyərlərin reabilitasiyasına fikir verməlidirlər.

''Ölkə.Az'' big.az-a istinadən xəbər verir ki, bu barədə həkim-fitoterapevt, apiterapevt, bitkilər üzrə elmi işçi Elnur Eldaroğlu özünün "İnstagram" səhifəsində yazıb.

Həkim, həmçinin, çoxlarını maraqlandıran "Koronavirusdan sağalanların ağciyərlərində ömürlük "ləkə" qalırmı?" sualını da cavablandırıb:

"Çapıqlaşma yaranır. Bu cür atipik pnevmoniyalar vaxtında müalicə olunduqda "buzlu şüşələr" tez sovrulur, çapıqlaşmaya da az rast gəlinir. Ağciyərlər daima ventilyasiya olunan orqan olduğu üçün orada "ləkə" və s. qalmır. Ağciyərlərin reabilitasiyası zamanı tənəffüs məşqləri məsləhətdir".

Təbii üsullarla müalicənin tərəfdarı olan Dr. Eldaroğlu keçibuynuzu meyvəsi, propolis tinktura və bronxbal məcunundan istifadə etməyi məsləhət görüb.

Sonda isə atipik astması olanlara mütləq şəkildə həkimlə məsləhətləşməyi və özbaşına müalicə olunmamağı təkidlə tövsiyə edib.

Ölkə.Az

ŞƏRH YAZ
0
BAĞLA