Vaqif Cavadov futbol klubu yaratdı

"Ölkə.Az" xəbər verir ki, futbolçu Offsideplus.az-a açıqlamasında əsas hədəflərindən danışıb:

“Klubu yaratmaqda məqsədimiz Azərbaycan futbolunun lideri olmaqdır. Mən, ailəm və qohumlarım hər zaman Azərbaycan futboluna xidmət etmişik. Buna görə də, futboldan kənar qala bilməzdim. Azərbaycanda həqiqətən lider keyfiyyətlərinə malik futbolçular yetişdirmək arzusundayıq. Əlbəttə ki, Azərbaycanda bir lider var, o da, cənab prezidentimizdir. Onun idmana və xüsusən də, futbola göstərdiyi diqqət və qayğı göz qarşısındadır”.

Cavadov təsis etdiyi klubun sponsorluq məsələsinə də aydınlıq gətirib:

“Klubun heç bir sponsoru yoxdur. Nə olubsa, hər şeyi şəxsi vəsaitim hesabına etmişəm. Klubun sosial şəbəkələrdə hesabları da mövcuddur. Tezliklə veb saytımız da fəaliyyətə başlayacaq”.

Qeyd edək ki, “Azleader” futbol klubunda 4-14 yaş arası uşaqlar məşq edə biləcək.