KORONAVİRUSA YOLUXANLARIN SAYI - CANLI STATİSTİKA

Vaqif Dərgahlı: “Azərbaycan tərəfi heç bir ərazi itkisi verməyib”

Vaqif Dərgahlı: “Azərbaycan tərəfi heç bir ərazi itkisi verməyib”
14:17
13.07.2020
2231
Siyasət
A
“Azərbaycanın heç bir ərazi itkisi olmayıb. Düşmənin hücum cəhdinə adekvat cavab verilib”.

"Ölkə.Az" xəbər verir ki, bu sözləri jurnalistlərə açıqlamasında Azərbaycan Respublikasının Müdafiə Nazirliyinin mətbuat katibi, polkovnik Vaqif Dərgahlı iyulun 12-də erməni təxribatının baş verdiyi Azərbaycan-Ermənistan sərhədində vəziyyətə münasibət bildirərkən deyib.

O bildirib ki, iyulun 12-də Ermənistan silahlı qüvvələri Azərbaycan-Ermənistan dövlət sərhədinin Tovuz rayonu istiqamətində atşkəs rejimini kobud şəkildə pozublar:

“Ermənistan tərəfi iriçaplı silahlardan, minomyotlardan Azərbaycan Ordusunun yerləşdiyi mövqeləri atəşə tutub. Düşmənin fəaliyyətinin qarşısının alınması üçün komandanlıq tərəfindən qərar qəbul edilib və düşmənə adekvat cavab verilməsi üçün tədbirlər görülüb.

Ermənistan tərəfi təxribatını davam etdirmək məqsədilə bizim mövqelərimizə hücum etməyə cəhd edib. Lakin bu hücumun da qarşısı alınıb”.

V.Dərgahlı heç bir ərazi itkisinin olmadığını deyib:

“Bildirmək istəyirəm ki, Ermənistan silahlı qüvvələrinin təxribat xarakterli cəhdləri nəticə verməyib. Azərbaycanın heç bir ərazi itkisi yoxdur. Eləcə də, Azərbaycan Ordusu öz tutduğu mövqelərində dayanmaqda davam edir və düşmən tərəfə qarşı cəza tədbirləri həyata keçirilir.

Ermənistan tərəfi Azərbaycanın Tovuz rayonun Ağdam kəndində yerləşən postlarımızı, eləcə də yaşayış məntəqəsini atəşə tutub. Sakinlər arasında heç bir itki yoxdur. Xalqımız bilsin ki, Azərbaycan Ordusu öz mövqelərində xidmətini davam etdirir”.

ŞƏRH YAZ
0

Hulusi Akarı Zakir Həsənov qarşıladı — FOTO

Hulusi Akarı Zakir Həsənov qarşıladı
00:57
Bu gün
330
Siyasət
A
Xəbər verdiyimiz kimi, bu gün Türkiyə Milli Müdafiə naziri Hulusi Akar, Baş Qərargah rəisi ordu generalı Yaşar Güler, qoşun növü komandanları və digər yüksək rütbəli zabitlər Azərbaycana səfər edib.

"Ölkə.Az" xəbər verir ki, qonaqları Azərbaycanın Müdafiə naziri Zakir Həsənov qarşılayıb.

Qeyd edək ki, Türkiyənin geniş tərkibdə hərbi nümayəndə heyəti Azərbaycan-Türkiyə quru qoşunları və hərbi hava qüvvələrinin birgə döyüş atışlı taktiki və taktiki-uçuş təlimlərinin Yüksək Səviyyəli Müşahidəçi günü çərçivəsində təlimlərin birinci mərhələsinin son epizodunu izləyəcək.


ŞƏRH YAZ
0

"Mən istintaqa çağırılmamışam" — Xarici İşlər nazirinin müavini

00:34
Bu gün
268
Siyasət
A
"Mən istintaqa çağırılmamışam. Ümumiyyətlə, nə bu gün, nə də bundan əvvəl heç bir orqana dəvət edilməmişəm və heç bir ifadə verməmişəm".

"Ölkə.Az" xəbər verir ki, bunu APA-ya açıqlamasında Azərbaycan Xarici İşlər nazirinin müavini Ramiz Həsənov deyib.

R.Həsənov bildirib ki, mediada onun DTX-də istintaqa çağırılması və fəaliyyətinin araşdırılması ilə bağlı yayılmış məlumat həqiqəti əks etdirmir: "Ümumiyyətlə, mənim fəaliyyət sahəm tamam başqadır. Mətbuat bu cür məlumatları tirajlayarkən dəqiqləşdirmə aparmalıdır. Bu, tamamilə yanlış məlumatdır və mətbuatın dəqiqləşdirmədən belə xəbərləri yazmasına təəssüf edirəm".

Qeyd edək ki, "Musavat.com" Xarici İşlər nazirinin iki müavininin bu gün DTX-də saatlarla istintaq altında olması barədə xəbər yayıb. Xəbərdə qeyd olunub ki, Xarici İşlər nazirinin müavinləri Ramiz Həsənov və Nadir Hüseynov XİN-də baş verən pozuntularla bağlı DTX-yə çağırılıb və saatlarla ifadə veriblər.

Məlumata görə, aparılan istintaq hərəkətlərinin nəticəsi olaraq yaxın günlərdə Xarici İşlər Nazirliyinin ali rəhbərliyinə aid vəzifəli şəxslərin həbsi gözlənilir.

Xatırladaq ki, Dövlət Təhlükəsizlik Xidmətinin Xarici İşlər Nazirliyində bu il iyulun 3-də keçirdiyi əməliyyat nəticəsində nazirliyin İşlər İdarəsinin müdiri Fərhad Mollazadə və Konsulluq İdarəsinin rəisi Faiq Bağırov da daxil olmaqla bir neçə əməkdaşı saxlanılıb. Daha sonra saxlanılanlar barəsində məhkəmə həbs qətimkan tədbiri seçib.

Bu hadisələrdən bir qədər sonra Prezident İlham Əliyevin sərəncamı ilə Xarici İşlər naziri Elmar Məmmədyarov vəzifəsindən azad edilib.

ŞƏRH YAZ
0
BAĞLA