KORONAVİRUSA YOLUXANLARIN SAYI - CANLI STATİSTİKA

Xanım Qafarovasız altı il — Bu gün onun ad günüdür - FOTO

Xanım Qafarovasız altı il
14:40
09.05.2020
4963
Mədəniyyət
A
Bu gün əməkdar artist, mərhum sənətkar Xanım Qafarovanın ad günüdür.

“Ölkə.Az” xəbər verir ki, bu barədə Azərbaycan Dövlət Musiqili Komediya Teatrının aktyoru Elçin İmanov “Facebook” səhifəsində yazıb.
O, aktrisa ilə çəkilən arxiv fotosunu yayımlayaraq, onun xatirəsini yad edib.

“ 9 may Xanımın ad günü . Allah sənə rəhmət eləsin XANIM! Arxivimdə olan şəkillərdən. "TALELƏR QOVUŞANDA" tamaşasından öncə”, - deyə, o, qeyd edib.

Xatırladaq ki, Xanım Qafarova 1967-ci ildə anadan olub. Süd vəzisi xərçəngindən əziyyət çəkən akrisa 11 iyul 2014-cü ildə Bakıda dünyasını dəyişib.  Kürdəxanı qəbiristanlığında dəfn olunub.

 

Oxu.az - Xanım Qafarovanın ayrıldığı əri: Qızım elə bilir ki ...

Xanım Qafarova Sənubər İskəndarli ilə arasındakı &quot ...

Xanım Qafarova dəfn edildi - VİDEO

Vüsalə Balayeva

Ölkə.Az

ŞƏRH YAZ
0

“Yaradıcılığımı nazir vəzifəsinə qurban vermək istəmirəm”

“Yaradıcılığımı nazir vəzifəsinə qurban vermək istəmirəm”
19:45
29.05.2020
1858
Mədəniyyət
A
“Mən insanların üzünə demədiklərimi arxasıyla danışa bilmirəm. Vəzifədə olan zaman tənqid edilməyib, sözlər deyilməyibsə, indi danışmağın mənası yoxdur”.

"Ölkə.Az" qafqazinfo-ya istinadən xəbər verir ki, bu sözləri Əməkdar incəsənət xadimi, Azərbaycan Dövlət Yuğ Teatrının baş rejissoru Mehriban Ələkbərzadə “3 D” proqramında qonaq olarkən deyib.

Məşhur rejissor bir neçə gün bundan əvvəl vəzifəsindən azad edilən Əbülfəs Qarayev barədə danışıb. O, Qarayev barədə sonradan yazılan tənqidlərin mənasız olduğunu bildirib.

Ələkbərzadə sözügedən vəzifəyə gəlmə barədə verilən sualı belə şərh edib: “Mədəniyyət naziri olmaq istəmirəm. Sosial şəbəkələrdə adıma rast gəlirəm. Yaradıcı insanam, bunu nəyəsə qurban vermək fikrində deyiləm. Ancaq teatrla bağlı hansısa bir sektorda bəlkə də, çalışa bilərəm. 5 ildən artıqdır ki, ənənəvi teatrda, Akademik Milli Dram Teatrında çalışan biri idim. YUĞ teatrında çalışmaq isə fərqli görünürdü. Əbülfəs Qarayev dedi ki, “YUĞ”a getməsən, teatr bağlanacaq, oranı yenidən ayağa qaldırmaq lazımdır. “YUĞ”a gələndə tamaşaçıların sayı səhnədə olan aktyorların sayından az idi. Zorla bilet sırıma yox idi. İndi bir tamaşaya baxmaq üçün 4-5 dəfə gəlib yer tapmamaq faktı ilə rastlaşırıq. Keyfiyyətli bir iş təqdim etdikdən sonra niyə tamaşaçı teatra gəlməsin ki?”

Ələkbərzadə bir zamanlar çalışdığı “Space TV”ni sərt şəkildə tənqid edib: “Telekanal hər gün tərbiyədə müstəsna rol oynayır. Bunu ancaq əyləncəyə, reklam bazarına çevirmək düzgün deyil. Gələcək nəsillər qarşısında böyük bir xətadır. Bütün KİV nəzərə almalıdır ki, biz yetərincə istirahət etmişik. Artıq maariflənmə işinə vaxt ayırmalıyıq. Adını çəkmək istəmədiyim kanal barədə bədbin fikirdəyəm. Meyar və tərəzini bərbad şəkildə pozub”.

Ölkə.Az

ŞƏRH YAZ
0

Əməkdar artistin vəziyyəti ağırlaşdı, reanimasiyaya yerləşdirildi — KORONAVİRUS ŞÜBHƏSİ VAR

Əməkdar artistin vəziyyəti ağırlaşdı, reanimasiyaya yerləşdirildi
20:35
27.05.2020
2214
Mədəniyyət
A
Xəbər veridiyimiz kimi Cəfər Cabbarlı adına İrəvan Dövlət Azərbaycan Dram Teatrının baş rejissoru, əməkdar artist Sərvər Əliyev pnevmoniya diaqnozu ilə xəstəxanaya yerləşdirilib.

Onun son vəziyyətini öyrənmək üçün “Ölkə.Az”ın əməkdaşı Əməkdar artistlə əlaqə saxlayıb. S. Əliyev açıqlamasında vəziyyətinin yaxşı olmadığını, hazırda müalicəsinin reanimasiya şöbəsində davam etdiyini bildirib:

“Hazırda vəziyyətim heç yaxşı deyil, hərarətim var. Reanimasiyaya yerləşdirilmişəm, müalicəmi burada davam etdirəcəyəm”,- deyə, o, qeyd edib.

Bundan başqa əməkdar artist pnevmoniya ilə yanaşı ürəyindən də əziyyət çəkdiyini bildirib:

“Pnevmoniyadan başqa ürəyimdə problem var. Tez-tez ağrılarım olur. Bu cür vəziyyət xəstəliyimi daha da ağırlaşdırır, həkimlərin də işini çətinləşdirir. Sağalmaq üçün bir neçə müalicə edirəm”,- deyə o, çətinliklə deyib.

Xəstəxanadakı vəziyyətindən söz açan S.Əliyev hər şeyin normal olduğunu açıqlayıb:

“Saxlanma vəziyyətimdən razıyam, sağ olsunlar həkimlər mənim üçün əllərindən gələni edirlər”.

Vüsalə Balayeva

Ölkə.Az

ŞƏRH YAZ
0
BAĞLA