Xoruz 55 yaşlı kişinin ölümünə səbəb oldu
Hindistanda qadağan olunmuş xoruz döyüşü zamanı ayağına bıçaq bağlanmış xoruz bir nəfərin ölümünə səbəb olub.
''Ölkə.Az'' xəbər verir ki, Hindistanın Andra Pradeş əyalətində xoruz döyüşü zamanı bədbəxt hadisə baş verib. Qadağan olunmuş xoruz döyüşü zamanı, xoruzun sahibi rəqibini ölümcül yaralasın deyə onun ayağına iti bıçaq bağlayıb. Lakin döyüşkən xoruz döyüşü izləyənlərin arasına qaçaraq 55 yaşlı kişini qarnından ağır yaralayıb. Ölümcül yaralanan kişi hadisə yerində vəfat edib. Xoruz döyüşdürən şəxslər isə polis tərəfindən saxlanılıb.
Qeyd edək ki, Hindistan qanunlarına görə, heyvanları döyüşdürərək pul qazanmaq qadağandır.
Ölkə.Az
