KORONAVİRUSA YOLUXANLARIN SAYI - CANLI STATİSTİKA

Xoyskinin nəvəsi Prezident İlham Əliyevə təşəkkür etdi — FOTO

Xoyskinin nəvəsi Prezident İlham Əliyevə təşəkkür etdi
18:55
08.11.2019
3975
Ölkə
A
"Azərbaycanın ilk bayrağını görənlərdən biri olduğum üçün çox xoşbəxtəm".

"Ölkə.Az" xəbər verir ki, bunu "Report"un Türkiyə bürosuna açıqlamasında Azərbaycan Xalq Cümhuriyyətinin ilk baş naziri, daxili işlər, hərbiyə, ədliyyə və xarici işlər naziri olmuş Fətəli xan Xoyskinin qardaşı, general Hüseynqulu xan Xoyskinin nəvəsi Leyla xan Xoyski-Keykurun bildirib.

O, 9 noyabr - Dövlət Bayrağı Günü münasibətilə Azərbaycan xalqını təbrik edib:

"Mənim evim kiçik Azərbaycandır. Ona görə də Azərbaycandan gələn hər kəsə qapımı açıb qucaqlayıram. Mən Azərbaycan bayrağını hər bir azərbaycanlıdan bəlkə də daha çox sevirəm. Deməli, Azərbaycan Xalq Cümhuriyyəti qurulduqdan sonra Fətəli xan Xoyski babam Adil xan Ziyadxanı fars dilini mükəmməl bildiyi üçün İrana səfir təyin etmişdi. Adil xan Ziyadxan Azərbaycanən üçrəngli bayrağını dizayn edən Əli bəy Hüseyinzadə ilə tez-tez görüşüb məsləhətləşirmiş. Həmin vaxt babam digər hökumət üzvləri ilə birlikdə dizayn edib hazırladıqları ilk beş üçrəngli Azərbaycan bayrağından birini özü ilə İrana aparmışdı.

Uşaq da olsam, bugünkü kimi yadımdadır. Bir gün anamla babamı ziyarətə getmişdik. Babamgilə divarda üçrəngli, kənarları qızılı pullarla işlənmiş parça gördüm. Rəngləri o qədər gözəl idi ki... Xalalarım bayrağın ətrafına qızıl pullar tikmişdilər, kəpənək formasında ortadan büzmüşdülər, par-par parıldayırdı. Çox xoşuma gəldi. Evin ən gözəl yerində asılmışdı. Xalalarımdan nə olduğunu soruşanda bunun bizim bayrağımız olduğunu dedilər. İlk dəfə bayrağımızı onda gördüm. Hər dəfə babamgilə gedəndə pianonun yanında oturub saatlarla bayrağımızı izləyirdim.

L.Xoyski ailəsinin 1921-ci ildə İrandan Türkiyəyə mühacirət etmək məcburiyyətində qaldığını deyib:

"Azərbaycan Xalq Cümhuriyyəti süquta uğradıqdan sonra üçrəngli bayraq evimizə gətirildi. Təəssüf ki, evdən köçəndə həmin bayraq müəmmalı şəkildə yox oldu. Ya itdi, ya da oğurlandı.  Yəqin ki, kənarlarındakı qızıl pula görə götürmüşdülər. Sonralar xalam yağlı boya ilə bayrağımızın şəklini çəkdir və divara vurdu. Həmin rəsm evimizin ən əziz əşyası idi. Həqiqətən çox gözəl çəkmişdi. Sanki toxunsam, əlimdə hiss edəcəyəm kimi gəlirdi. Yəni bir gün belə evin divarı bayraqsız qalmadı".

O, ailəsində Azərbaycan bayrağın gördüyü sevginin sərhədsiz və sonsuz olduğunu vurğulayıb: “Mən gözümü açanda atam və anamın bayrağa olan böyük sevgisini gördüm. Həmin vaxt Azərbaycan bayrağı bir tək bizim evdə vardı. O bayraq mənə Azərbaycanda yaşadığımı hiss etdirirdi. Azərbaycandan biri gələndə gözlərim dolur, elə bilirəm atam, anam gəlir. Anam, atam, babam, nənəm, xalalarım hər gün yenidən Azərbaycana qayıtmaq arzusu ilə yaşayırdılar, Azərbaycanla nəfəs alırdılar. Mən onlarda bayrağa, vətənə olan sonsuz sevgini gördüm. Bir sözlə, 70 il vətən həsrəti ilə yaşayan atam və anamdan öyrəndim bayraq sevgisini. Həmin bayraq bizim üçün çox dəyərli, müqəddəs və toxunulmaz idi. Ümumiyyətlə, mənim üçün bayraq sevgisini sözlə ifadə etmək çətindir. İndi Azərbaycanın üçrəngli bayrağı hər yerdə dalğalanır. Bax, mənim üçün ən böyük qürur, xoşbəxtlik budur”.

L.Xoyski bu ilin sentyabr ayında “Azərbaycan Xalq Cümhuriyyətinin 100 illiyi (1918-2018)” medalı ilə təltif olunduğuna görə Prezident İlham Əliyevə təşəkkür edib:

"Göstərdiyi böyük diqqət və qayğı üçün Prezident İlham Əliyevə dərin minnətdarlığımı bildirirəm. Mən ailəm adına bu medala layiq görüldüyüm üçün çox qürurluyam.  Mən bu medalı vətən, vətən deyə gözüyaşlı dünyadan köçən, babam, nənəm, atam, anam üçün aldım. Tək arzum Azərbaycanın müstəqilliyinin daimi olmasıdır. Baxın, bayraq yenə mənim ürəyimin üzərindədir. Yaşasın Azərbaycan, yaşasın Azərbaycan xalqı və Azərbaycan bayrağı!”.

ŞƏRH YAZ
0

Süni tənəffüs cihazındakı xəstələrin sayı azaldı

Süni tənəffüs cihazındakı xəstələrin sayı azaldı
03:49
Bu gün
119
Ölkə
A
Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 11-nə olan statistik göstəriciləri açıqlayıb.

"Ölkə.Az" xəbər verir ki, məlumata əsasən hazırda ölkədə 2380 nəfər aktiv koronavirus xəstəsi var.

Onlardan 226 nəfər reanimasiyada, 46 nəfər isə süni tənəffüs cihazındadır.

Ümumilikdə 33 730 nəfər virusa yoluxub, 30 856 nəfər sağalıb.

Qeyd olunub ki, bu gün 6318 test edilib. Yeni yoluxma hallarının müəyyənləşdirilməsi ilə əlaqədar ümumilikdə 796 459 test aparılıb.

Qeyd edək ki, bu gün 84 koronavirusa yoluxma faktı qeydə alınıb, 3 nəfər dünyasını dəyişib, 214 nəfər sağalıb.

ŞƏRH YAZ
0

Təbii möcüzə: balqabaq tumunun faydaları

Təbii möcüzə: balqabaq tumunun faydaları
01:00
Bu gün
246
Ölkə
A
Balqabağın tumu özü qədər insan sağlamlığına müsbət təsir göstərir.

Balqabaq tumunun faydalarını təqdim edirik:

Tərkibi bir çox vitaminlərlə zəngin olan balqabaq tumu kalsium, sink, fosfor, dəmir, maqnezium, natrium, kalium kimi minerallarla zəngindir.

İçində sümüklər və iştaha üçün əhəmiyyətli maddə - sink var. Bir stəkan balqabaq tumu gündəlik sink, dəmir və E vitamini ehtiyacımızın hamısını, yarım stəkan balqabaq tumu isə gündəlik maqnezium ehtiyacımızı təmin edir və əzələləri möhkəmləndirir. Tərkibi sinklə zəngin olan balqabaq tumu immun sistemini gücləndirir və virusların orqanizmə daxil olmasının qarşısını alaraq soyuqdəymədən qoruyur. Soyuq qış günlərində xəstəliklərdən qorunmaq üçün balqabaq tumunu qatıqla və ya salata qarışdıraraq yemək olar. Tərkibindəki maqnezium infarkt və iflic kimi xəstəliklərin də qarşısını alır.

Balqabaq tumu beyin sağlamlığı üçün çox əhəmiyyətlidir. Bir ovuc balqabaq tumu gündəlik sink ehtiyacını ödəyir, yaddaşı gücləndirir. Omeqa-3 və Omeqa-6 beyin funksiyalarının fəaliyyətinə kömək edir. Zehni inkişafa müsbət təsir edir.

Tərkibində fosfor var. Fosfor sümük inkişafına kömək olur, böyrək funksiyalarını yaxşılaşdırır.

Balqabaq tumunda olan E vitamini yaşlanmanı gecikdirir, dərinin elastikliyini bərpa edir.

İltihablara yaxşı təsir edir.

Qəbizlik problemini aradan qaldırır.

Mədə və ürək bulantısını götürür.

Bağırsaq qurdlarını tökməyə kömək edir. Uzun illərdir ki, parazitləri məhv etmək üçün balqabaq tumundan istifadə edilir.

Balqabaq tumundakı karotenoid və Omeqa-3 yağları prostat xərçəngi riskinin azalmasına kömək edir.

Oynaqların iltihabının müalicəsində müsbət təsir göstərir.

Ürək-damar sağlamlığına yaxşı təsir edir.

Balqabaq tumu həm çərəz kimi, həm də salatlara, çörək növlərinə əlavə edilə bilər. Amma istehlak edərkən çox duzlu, qovrulmuş olmamasına və miqdarına diqqət etmək lazımdır.

Hamiləlik zamanı vacibdir

Tədqiqatlara əsasən, orqanimzdə sinkin səviyyəsi aşağı olduqda, bu, doğuşla bağlı hormonlara mənfi təsir göstərir və adətən onun miqdarının artırılması məsləhət görülür. Bu baxımdan tərkibində çoxlu sink olan balqabaq tumu son dərəcə xeyirlidir. Sink, həmçinin, kişilərin reproduktiv sağlamlığında da vacib rol oynayır.

Ürəyin sağlamlığını yaxşılaşdırır

Maqniumun ən yaxşı mənbəsi sayılan balqabaq tumu qan təzyiqini tənzimləyir və ürək xəstəlikləri riskini aşağı salır. İnsan və heyvanlar üzərində aparılan tədiqatlar göstərmişdi ki, balqabaq tumundan alınmış yağ da qan təzyiqi və “pis” xolesterini aşağı salır. Bu tumun tərkibində olan maqnium, omeqa-3, antioksidant və sink ürək sağlamlığının yaxşılaşdırılması ilə sıx bağlıdır.

 

Diabet zamanı kömək edir

Tədqiqatlar göstərmişdi ki, balqabaq tumu diabet xəstəliyinin müalicəsi zamanı qanda şəkərin səviyyəsini aşağı salır. Qanda şəkərin səviyyəsinə təsiri balqabağın tərkibində olan maqniumla, eləcə də sellülozla bağlı ola bilər.

Yuxun yaxşılaşmasına kömək edir

Yenə maqnium... Bədən və şüuru rahatlamağa kömək edən maqnium bununla da yuxunun keyfiyyətini artırır və yuxuya getməni asanlaşdırır.

Prostat və sidik kisəsinin sağlamlığını yaxşılaşdırır

İnsanlar üzərində aparılan bir neçə tədqiqatlar göstərmişdi ki, balqabaq tumunun istifadəsi prostat və sidik kisəsi ilə bağlı probemlər zamanı da kömək edir.

ŞƏRH YAZ
0
BAĞLA