KORONAVİRUSA YOLUXANLARIN SAYI - CANLI STATİSTİKA

Yasamalda əməliyyat: "Əfsanə"də 27 nəfər tutuldu — VİDEO

Yasamalda əməliyyat:
16:07
02.07.2020
4318
Ölkə
A
Bakıda karantin rejimini pozan kafe aşkarlanıb. Yasamal Rayon Polis İdarəsinin 27-ci Polis Bölməsinin əməkdaşları paytaxtın Nərimanov prospektində yerləşən "Əfsanə" kafesində keçirilən qonaqlığın qarşısını alıb. Polis əməkdaşları gələrkən müştərilərin bəzisi pəncərədən qaçmağa cəhd etsə də, məqsədlərinə nail ola bilməyiblər.

"Ölkə.Az" APA TV-yə istinadən xəbər verir ki, kafe sahibinin dostu doğum gününü qeyd etmək üçün tanışlarını ora dəvət edib. Lakin onların bu arzusu puç olub. Keçiriləcək məclisin 27 iştirakçısı 2-ci polis bölməsinə gətirilib. Məclis iştirakçıları barəsində İnzibati Xətalar Məcəlləsinin 211-ci maddəsi ilə tədbir görülərək onların da hər biri 100 manat məbləğində cərimə olunub, kafe sahibi ilə bağlı materiallar isə məhkəməyə göndərilib. Qeyd edək ki, Nazirlər Kabinetinin qərarı ilə iyunun 21-dən iyulun 5-dək elan olunmuş ciddi karantin rejimi dövründə bütün ictimai iaşə obyektlərində, o cümlədən restoran, kafe və çay evlərində müştərilərə yerində xidmət dayandırılmalıdır. Bundan başqa, ictimai yerlərdə, o cümlədən küçələrdə, bulvarlarda, parklarda və sair yerlərdə şəxslərin 10 nəfərdən artıq qruplarda cəmləşməsi qadağan edilir.

ŞƏRH YAZ
0

Çimərlik mövsümü başlayır — Dəniz qurbanı olmamaq üçün nələri etməliyik? - VİDEO

Çimərlik mövsümü başlayır
05:07
Bu gün
74
Ölkə
A
Nəhayət uzun bir aradan sonra sabahdan yenidən dupduru dəniz suyuna qovuşacağıq. Çoxunuz bəlkə də deyəcəksiniz ki, onsuz da çimərliyə gedirdik. Bu, bizim üçün yeni bir şey deyil.

"Ölkə.Az" baku.tv-yə istinadən xəbər verir ki, qaydaları pozaraq dənizdə dincələnlər var idi. Ancaq avqust ayının 5-dən etibarən Azərbaycanda çimərlik mövsümü rəsmən açılır.

FHN-in sularda xilas etmə xidmətinin əməkdaşları da iş başındadır. Artıq sahillərdə təhlükəli zonalar müəyənləşdirilib. Qadağan olunmuş əraziləri keçmək isə ölüm hallarının artmasına səbəb ola bilər.

Qadağalardan birinə daha çox diqqət etməliyik. Düzgün və dayaz yerdə çimmək…

Odur ki, hər birimizə ölümsüz-itimsiz dəniz mövsümü arzusu ilə... 

ŞƏRH YAZ
0

Bu yol İcra Hakimiyyətindən alınıb AAYDA-nın balansına verildi

Bu yol İcra Hakimiyyətindən alınıb AAYDA-nın balansına verildi
23:33
04.08.2020
371
Ölkə
A
İvanovka-Hacıhətəmli-Mollaisaqlı avtomobil yolu İsmayıllı Rayon İcra Hakimiyyətinin balansından Azərbaycan Avtomobil Yolları Dövlət Agentliyinin balansına verilib.

"Ölkə.Az" APA-ya istinadən xəbər verir ki, bu, Nazirlər Kabinetinin "İsmayıllı RİH-in balansında olan İvanovka-Hacıhətəmli-Mollaisaqlı avtomobil yolunun Azərbaycan Avtomobil Yolları Dövlət Agentliyinin balansına verilməsi barədə" qərarında əksini tapıb. 

Həmçinin "Azərbaycan Respublikasının yerli əhəmiyyətli avtomobil yollarının siyahısı"nda da dəyişiklik edilib. 

Uzunluğu 29 km olan İvanovka-Hacıhətəmli-Mollaisaqlı yolu bu siyahıya əlavə edilib

ŞƏRH YAZ
0
BAĞLA