KORONAVİRUSA YOLUXANLARIN SAYI - CANLI STATİSTİKA

Yataq səhnəsinə etiraz edən xalq artisti, Oqtay üçün ağlayan Əsmər, nakam sevginin sonu...

Yataq səhnəsinə etiraz edən xalq artisti, Oqtay üçün ağlayan Əsmər, nakam sevginin sonu...
13:57
04.03.2020
4665
Mədəniyyət
A
"Bizim filmlər”dən "Gün keçdi” filmi haqqında söhbət açacam.

"Dava vaxtı almanlar Fransanı zəbt edəndə bir rəssamın əsərləri itir. Bütün ümidini itirən rəssam 20 il sonra onları tapır. Ona elə gəlir ki, gəncliyi qayıdıb. Deyirmiş ki, bütün bu illər boyu əsərləri onun yuxusuna girirmiş. Sən də mənim yuxuma girirdin...”

Bunları filmin qəhrəmanı Əsmər Oqtaya danışır. Elə bilirəm, filmin bütün mahiyyəti də bu danışdığı hekayətdədir.

Gəncliyinin, yuxularının, xəyallarının, keçmişinin, hisslərinin arxasınca Bakıya qayıdan Əsmərin kədərli hekayətini danışan bu filmin ssenarisi yazıçı Anarındır. Daha doğrusu, film onun "Gürcü familiyası" hekayəsi əsasında ekranlaşdırılıb.

Əsmərlə Oqtay bir sinifdə oxuyublar Bakıda. İçərişəhərdə yaşayıb Əsmər. Orta məktəbi bitirən kimi ingilis dilindən onlara dərs deyən Camala ərə gedib. Qəlbində də Oqtayın sevgisi.

Filmdə dilinə gətirdiyi kimi, "ayı”nın - Oqtayın sevgisindən, yaxud sevgisizliyindən, bir sözlə, münasibətindən baş açmayıb.

İllər üstündən keçsə də o illərə, o hisslərə yenidən baş vurmaq istəyi onu narahat edib və Oqtayın ad günündə yaşadığı Moskvadan Bakıya onu, Bakını, uşaqlığını görməyə gəlib. Qəribə hissdir. Keçmişə baş çəkib qayıtmaq gələcəyə gedən yolda adama rahatlıq gətirir.

Əsmər də gəlir o rahatlığı tapmağa.

Filmi rejissor Arif Babayev ekranlaşdırıb - Bakını bilən adam. Film boyu onun ayrılmaz hissəsi olan, lentə cazibə qatan musiqilər Emin Sabitoğlunundur. Rasim İsmayılov filmin operatorudur.

Əsas rollarda Leyla Şıxlinskaya ilə Həsən Məmmədov çəkilib. Anarın hekayəsinə görə, kulminasiya Oqtayın Əsməri evinə gətirdiyi yerdir. Ssenariyə görə də elə olmalı idi. Həm də evdə Oqtayla Əsmər keçmiş hisslərini təzələyib, birlikdə olurlar. Ssenarinin bu yerinə çatanda Həsən Məmmədov rejissorun qarşısında şərt qoyub ki, ya filmdə bu yer dəyişilməlidir, ya da mən çəkilmirəm.

Leyla Şıxlinskaya məsələyə qarışmayıb; necə həll olunacaqsa, razılaşacaqdı.

Arif Babayev Anarla məsləhətləşir. Deyir ki, Həsən Məmmədov haqlı olaraq azərbaycanlı kişiyə evli qadını evinə aparıb onunla sevişməyi rəva görmür. Sonunda ümumi razılığa gəlirlər ki, həmin yerdə Azərbaycan qadını "lazım deyil, Oqtay” - deməklə kişini fikrindən daşındırır. O, da üzr istəyib, söhbəti dəyişir.

Həsən Məmmədov Oqtayla Əsmərin mübhəm sevgisini anladan filmin mentalitetə zidd səhnələrlə bitməsinin əleyhinə olmasını belə əsaslandırıb ki, tamaşaçı o cür filmi qəbul etməzdi: "Filmin gözəlliyi onda idi ki, gənclik illərinin sevgisi, onun xatirələri ilə başa çatır”.

Dövrün, insanların saflığına baxın. Hə... film 1971-ci ildə çəkilib-dünyanın düz vaxtında. Həsən Məmmədov öz tərbiyəsindən irəli gələn "kaprizləri” ilə çox çəkildiyi filmlərdə belə "düzəlişlər” edib. Məsələn "7 oğul istərəm”də Bəxtiyarın Humayı qamçılaması söyüşlə müşahidə olunmalı idi, amma o, ""dişi qancıq”dan başqa söyüş işlətməyəcəm” - deyib. O cümlədən "Təhminə” filmində professor oğlu Zauru danlayanda nalayiq sözlər işlədir, Həsən Məmmədov buna da etiraz edib.

Filmin rejissoru Arif Babayev kinoya natura çəkilişlərini gətirən adamdır. Bu filmdə də Azərbaycan kinolarında illər uzunu davam edən stereotip görüntüləri natura ilə əvəz edib. Film İçərişəhərdə, bayır şəhərin küçələrində çəkilib.

Arif Babayev özü İçərişəhərdə Şirvanşahlar sarayının yaxınlığında yaşayırdı. Bu səbəbdən də yer ona doğma idi. Həm də o vaxt Anar ssenarini yazanda İçərişəhər problemi vardı, sökmək istəyirdilər, müqavimətlə rastlaşırdılar. Buna görə də filmdə həmin problemə toxunulur.

Oqtaygilin iş yerinin təsvir olunduğu Tikinti İdarəsinin binası hazırda qarşısında "Azad qadın" heykəlinin olduğu binadır. İndiki Əmək və Əhalinin Sosial Müdafiəsi Nazirliyinin yerləşdiyi bina. Filmin çəkilişləri 16 mərtəbəli şüşə binanın 10, 13, 14 və 15-ci mərtəbələrində reallaşıb. Oqtayla Əsmərin kafedəki söhbətləri isə "Azdrama"nın yanındakı kafedə çəkilib. İndi o kafe yoxdur, sökülüb.

Lap Əsmərin İçərişəhərdə evlərini axtarıb, söküldüyünü gördüyü kadr kimi.

Film bol metrajla çəkilmişdi. O kadrları yığmaq üçün Moskvadan montajçı Alla Abramovanı çağırmalı olublar.

Çəkiliş prosesində maraqlı məqamlar çox olub. O vaxt kinoya, kino işçilərinə hörmət bir başqa idi. Ona görə də kino aktyoru olmaq istəyən də çox imiş. Arif Babayev naturadan çəkməyi xoşladığı üçün Bakıda səhər küçələri yuyan su maşınlarına qədər kadra salmışdı. Səhər dənizdən günəşin çıxması. Hətta o vaxt populyar olan "Qaya” qrupunun ifası.

O vaxt ellikcə hamı kino çəkilişlərinə kömək edərmiş. Məsələn, Əsmərlə Oqtayın hava limanındakı çəkilişi də belə olub. Hava limanı işçiləri hamısı ayaqda kinoçəkənlərə yardım ediblər. Hətta təyyarənin kadra düşməsi də pulsuz başa gəlib. İndi bunlar hamısı pul tələb edir, ona görə xatırlatdım o zamanların yaxşı adətlərini.

Film çəkilən zaman Bakıya yağan qar təsadüfən maraqlı bir səhnənin yaranmasına səbəb olub.

Əsmərlə Oqtayın qartopu oynaması səhnəsi ssenaridə olmayıb. Həmin kadrlar Tofiq Bəhramov adına Respublika Stadionu tərəfdə (Zooparka yaxın) bir parkda lentə alınıb. Bakıya qar yağdığını görən rejissor dərhal aktyorlara zəng vurub ki, çəkilişə gəlin. Təsəvvür edin ki, gecə qar yağıb, səhər də hər tərəf ağappaqdır. Aktyorlar gəlib kinostudiyaya, yollanıblar çəkilişə.

Camalla Əsmərin toy mərasimi isə ssenaridə olan bir səhnə idi. Arif müəllimin evinə yaxın İçərişəhərdə, Şirvanşahlar sarayının aşağısında çəkilib.

Filmdə daha bir ekspromt səhnə Əsmərin qayıdışıyla bağlı olub.

Köhnə dostların aeroportdan evə getdiyi səhnədə motosikletdəki adamlar təsadüfi yoldan keçənlər olub. O vaxt motosiklet təzə çıxmışdı. Şəhərdə məşhur idi. Rejissorun bu motosikletdən xoşu gəlirmiş deyə, təsadüfi kadrı filmə salıblar.

Əsmərlə Oqtayın kinoteatrda film izlədikləri səhnə real kinoteatrda çəkilib. Ümumi planda çəkiliş edilib. Sonradan izlənən filmin kadrlarını çəkilən filmə salınması üçün həmin səhnəni plyonkaya köçürüblər. Çünki kadrlar üst-üstə düşmürdü, sinxron alınmırdı. İndi bu iş daha rahatdır.

Yaradıcı qrup beləcə, bir nakam məhəbbət hekayətini təcəssüm edib. Film estetik baxımdan zövqlü, mənəvi baxımdan çox təqdiredicidir.

İllər sonra Həsən Məmmədovla vida mərasimində Leyla Şıxlinskayanın necə ağladığını gördüm... Elə bil, Əsmər Oqtay üçün ağlayırdı... (lent.az)

Ölkə.Az

ŞƏRH YAZ
0

İctimai xadim, professor Çingiz Abdullayevin 60 illik yubileyidir — QISA BİOQRAFİYA

İctimai xadim, professor Çingiz Abdullayevin 60 illik yubileyidir
22:14
01.04.2020
1883
Mədəniyyət
A
1 aprel 2020-ci il tarixində professor, texnika üzrə fəlsəfə və kulturologiya üzrə elmlər doktoru, Alman–Azərbaycan Cəmiyyətinin sədri, “Azərsu” ASC-nin sədrinin müşaviri, sülh səfiri, Azərbaycan Jurnalistlər və Yazıçılar birliklərinin fəxri üzvü Çingiz Abdullayevin 60 yaşı tamam olur.

Çingiz Əli oğlu Abdullayev 1 aprel 1960-cı ildə Ağstafa şəhərində ziyalı ailəsində anadan olub. 1977-1982-ci illərdə Azərbaycan Dövlət Neft Akademiyasının mühəndis-mexanik ixtisası üzrə təhsil alıb. 

1982–1985-ci illərdə Keşlə maşınqayırma zavodunda mühəndis olaraq başlamışdır. 1985–1990-cı illərdə Azərbaycan Dövlət Neft Akademiyasında əyani aspirant, elmi işçi və müəllim işləyib.  

1990–1994-cü illərdə Alman–Azərbaycan Cəmiyyətinin Azərbaycanda nümayəndəsi olub. Dünyanın müxtəlif, aparıcı kitabxanalarında alman, ingilis, rus və italyan dillərində kitabları saxlanılır. Bundan başqa, onun həm Azərbaycanda, həm də xarici ölkələrdə ərsəyə gələn bir çox sənədli filmlərin ssenari müəllifi olub. 

2008–2011-ci illərdə Bakı Slavyan Universitetinin V.f.Humbolt adına tədris və mədəniyyət mərkəzinin qurucusu və rəhbəri olub. 2011–2015-ci illərdə Bakı Slavyan Universitetinin Avropaşünaslıq kafedrasının professoru, Ölkəşünaslıq laboratoriyasının elmi işçisi vəzifəsində işləyib.  

2013–2014-cü illərdə Azərbaycan Respublikası Prezidenti yaninda Ali Attestasiya Komissiyasının eksperti olub. 2011–2012 və 2015–2016-cı illərdə Azərbaycan Dövlət Mədəniyyət və İncəsənət Universitetinin Dissertasiya Şurasının üzvü olub.  

1994-cü ildən Alman–Azərbaycan Cəmiyyətinin sədridir. 2011-ci ildən “Azərsu” ASC-nin sədrinin müşaviridir.  

2016-cı ildən Bakı Slavyan Universitetinin Azərbaycan Multikulturalizm kafedrasının professorudur. 

Ölkə.Az kollektivi adından görkəmli alimimizi təbrik edir, ona uğurlar arzulayırıq. 

ŞƏRH YAZ
0

Yaşı 65-i keçmiş məşhur sənətkarlarımız karantin rejiminə əməl edirmi? — ÖZLƏRİ CAVABLAYIR

Yaşı 65-i keçmiş məşhur sənətkarlarımız karantin rejiminə əməl edirmi?
15:11
31.03.2020
3120
Mədəniyyət
A
Ölkədə koronavirusla əlaqədar karantin rejimi elan olunandan sonra 65 yaşlı insanların da küçəyə çıxmasına qadağa qoyulub. Ancaq bir çox hallarda yaşlı insanlar bu qadağalara riayət etmirlər. Maraqlıdır, yaşı 65-i ötmüş məşhur sənət adamları bu barədə nə düşünürlər?

''Ölkə.Az'' olaraq yaşı 65-i ötmüş xalq artistləri arasında sorğu keçirdik. Həmin sorğunu təqdim edirik. 

Xalq artisti Rafiq Əzimov ölkənin çətin günündə karantin rejiminə güclü əməl etdiyini bildirib.
''Mən dövlət sərəncam verdiyi ilk gündən etibarən evdə karantin rejiminə xüsusi əməl edirəm. Evə bazarlıq etməyə də, mənə nəvəm kömək edir. Hətta əvvəllər evə gəlsə də, son günlərdə aldığı ərzaqları qapının ağzına qoyub çıxıb gedir. Mən çox istəyirəm ki, bu qayda-qanuna hər kəs əməl etsin. Əməl etməyən şəxslərə isə üzümü tutub deyirəm ki, onlardan yaşlı nəslin nümayəndəsi kimi xahiş edirəm tək özlərini deyil, ailələrini, qohumlarını, öz millətlərini qorusunlar. Bütün dünyaya bəla üz verib, lakin inanıram ki, bu çətin günlər çox çəkməyəcək. Dövlət bütün səyi ilə xalqımızın qayğısına qalır. Efirlərdə maskaları əl altından satan insanları görəndə isə çox məyus oluram. Həmin şəxslərə ar olsun ki, xalqın çətin günündə onların nifrətini qazanırlar. İkinci dünya müharibəsi başlayanda mənim 3 yaşım var idi. Mən xatırlayıram ki, həmin illərdə xalq bir olub, bir-birlərinə dəstək oldular. Biz həmin birliyin nəticəsində qalib gələ bilmişik. Çünki hamı bir məqsədə qulluq edirdi. Öz həmkarlarım da tez-tez zəng edib mənim vəziyyətimlə maraqlanırlar. Lakin elə sənətçilər var ki, mən televiziyada görürəm ki, onlar karantin rejiminə əməl etmirlər. Biz Sənət adamları ilk növbədə qayda-qanuna əməl etməliyik ki, xalqa nümunə olaq. Mən öz dövlətimizə, işlərini bu çətin günlərdə canla-başla görən həkimlərimizə, media nümayəndələrimizə öz təşəkkürümü bildirirəm''. 

Rafiq Əzimov - Vikipediya

Xalq artisti Faiq Sücəddinov isə hər kəsi pozitiv olmağa səslədiyini deyib.
''Bilirəm ki, bu gündən etibarən ümumiyyətlə küçəyə çıxmaq olmaz. Fikirləşirəm ki, biz hər birimiz bu qanuna tabe olmalıyıq. Son zamanlarda demək olar ki, bayıra çıxmıram. Başımı qarışdırmaq üçün evdə öz işlərimlə məşğul oluram. Lakin mən düşünürəm ki, televiziyada psixoloqlar insanları, xalqı sakitləşdirməlidirlər. Ona görə ki, bütün günü karonavirusdan danışmaq olmaz. Müsbət verilişlər də vermək lazımdır. Bizim çox gözəl sənətkarlarımız olub. Həmin sənətkarların zarafatlarını, filmlərini efirə vermək daha yaxşı olardı. Biz özümüzü qoruyub dövlətə kömək etməliyik. Çalışaq ki, pozitiv olaq bu günlərdə. Çünki koronavirus müvəqqəti bir vəziyyətdir. Tezliklə də çıxıb gedəcək. Sadəcə olaraq danışıb-gülməklə, zarafatla yola vermək lazımdır''.

Ən böyük xarici qonaq mən özüməm" - Faiq Sücəddinov - ATV.AZ

Xalq artisti Mübariz Tağıyev isə televiziyada psixoloqların insanları sakitləşdirməsini istədiyini deyib.
''Əgər evdən çıxmamaq bizim həyatımızı xilas edirsə deməli evdən çıxmamalıyıq. Düşünürəm ki, efirlərdə psixoloqlar çıxış etməlidirlər. Çünki ölkədə ümumi gərginlik hökm sürür. Eyni insanların efirə çıxmasındansa həkimlərin və psixoloqların məsləhətləri daha faydalıdır. Mən televiziyada laqeyd insanları gördükdə dəhşətə gəlirəm. Kiminsə özünə və sağlamlığına yazığı gəlmirsə, ailəsini yaxınlarını da düşünmür? Əgər az itki vermək istəyiriksə mütləq şəkildə deyilənlərə əməl etməliyik''.

Müğənni, aktyor Mübariz Tağıyev bioqrafiyası həyatı haqqında ...

Ölkə.Az

 

ŞƏRH YAZ
0
BAĞLA