KORONAVİRUSA YOLUXANLARIN SAYI - CANLI STATİSTİKA

“Yaxın günlərdə Dağlıq Qarabağda təmizləmə əməliyyatı gözlənilir — DEPUTAT

“Yaxın günlərdə Dağlıq Qarabağda təmizləmə əməliyyatı gözlənilir
04:55
13.08.2020
2156
Siyasət
A
Azərbaycan Respublikasının Xarici İşlər naziri Ceyhun Bayramov və Müdafiə naziri Zakir Həsənov avqustun 11-də Türkiyə Respublikasına rəsmi səfərdə oldular. Bir gün sonra isə Türkiyənin Milli Müdafiə naziri Hulusu Akarın rəhbərlik etdiyi hərbi nümayəndə heyəti Azərbaycana səfərə gəldi.

Azərbaycanlı nazirlərin Ankara səfəri çərçivəsində bir sıra mühüm məsələlər müzakirə edilib və Azərbaycan-Türkiyə ikitərəfli əməkdaşlıq gündəliyinin bir çox istiqamətləri, regional və qlobal məsələlər üzrə geniş fikir mübadiləsi aparılıb. Görüşdə Dağlıq Qarabağ münaqişəsinin həll yolu, hərbi əməkdaşlıq, o cümlədən iki ölkə arasında tək şəxsiyyət vəsiqəsi ilə gediş-gəlişin olması da müzakirə edilən əsas məsələlərdən olub.

Ümumiyyətlə, Tovuz döyüşlərindən sonra iki ölkənin bir-birinə həmişəkindən daha sürətlə yaxınlaşması, birgə hərbi təlimlər, o cümlədən digər məsələlərin müzakirəsi həm müharibə ehtimallarını artırıb, həm də Türkiyə ilə Azərbaycanın hansısa konfederasiya doğru getdiyi barədə fikirlər formalaşdırıb. 

Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aqil Abbas AYNA-ya deyib ki, Türkiyənin Ukrayna və Gürcüstanla yalnız şəxsiyyət vəsiqəsi ilə gediş-gəlişi var idi, amma bizdə başqa problemlər var idi deyə bu, baş tutmurdu: “Hətta, əvvəl viza da tətbiq edilmiş, sonradan ləğv edilmişdi. Bunun da əsas səbəbi PKK terror təşkilatı ilə bağlı idi. Yəni, kim istəsə, Türkiyədən qaçıb Azərbaycana gələ bilərdi. Ki, bunu da yoxlamaq çətin proses idi. Lakin görünür, indi bu məsələlər həllini tapıb ki, tək şəxsiyyət vəsiqəsi ilə gediş-gəliş müzakirə edilir”.

“O ki, qaldı Dağlıq Qarabağ münaqişəsinin həlli ilə bağlı müzakirələrə, bu, çox müsbət haldır və görünür, yaxın vaxtlarda nəsə olacaq. Yəni hadisələrin gedişatı və Türkiyənin yüksək səviyyəli hərbi nümayəndə heyətinin Azərbayacana səfər etməsi müəyyən məsələlərə işarədir”, – millət vəkili bildirib.

O, Tovuz hadisələrindən sonra iki ölkənin bir-biri ilə daha da yaxınlaşdığını qeyd edib: “Tovuz hadisələrində generaldan tutmuş, siravi əsgərə qədər bizim qeyrətli oğullarımız şəhid oldu. Təbii ki, baş verənlər Ermənistanın həm bizə, həm də Rusiyaya qarşı provakasiyası idi və ikisində də Ermənistan məğlub oldu. Göründüyü kimi, Tovuz hadisələrindən sonra dünyadakı bütün azərbaycanlılar birləşdilər. Düzdür, bəzi ölkələrdə ermənilər sayca bir az çox oldular və bizimkiləri döydülər. Qalan digər yerlərdə keçirilən nümayişlərdə isə bizim üstünlüyümz var idi. Bunun ardınca da cənab Ərdoğan öz sözünü dedi və heç kimin Azərbayacana mənfi rəftar etməsinə icazə verməyəcəklərini bildirdi”.

“Təbii ki, burada Rusiya faktoru da öz sözünü deyir. Amma Rusiya da müəyyən güzəştlərə getmək məcburiyyətindədir. Hətta, Putinin qeyri-rəsmi sözçüsü Jirnovski də bildirdi ki, “Rusiya Ermənistanın tərəfini saxlamaqla ölkənin dağılmasına səbəb ola bilər. Çünki Rusiyadakı türklər və müsəlmanlar Rusiyanı dağıda bilərlər. Qarabağı biz ermənilərə verməklə məğlub ola bilərik”. Bütün bunlar boşuna deyil”, – A.Abbas vurğulayıb.

Müsahibimizin sözlərinə görə, Azərbaycanın Dağlıq Qarabağı azad etmək uğrunda mübarizəsi müharibə yox, ərazilərini düşməndən təmizləməkdir: “Müharibə iki dövlət arasında olur. Bizim Dağlıq Qarabağı separatçılardan və terrorçulardan azad etmək istəyimiz müharibə deyil, öz ərazilərimizi düşməndən təmizləməkdir. Burada isə əsas qüvvə Daxili Qoşunlardır. Əgər, Daxili Qoşunların üzərinə çox ağır yük düşərsə, işə Silahlı Qüvvələr qarışır”.

“Məlum məsələdir ki, biz Dağlıq Qarabağda müharibə etmirik, biz Dağlıq Qarabağı terrorçulardan təmizləməyə çalışırıq. Dağlıq Qarabağdakı erməni əhalisi vətəndaşlığımızı və Konstitusiyamızı qəbul edərsə, buyurub yaşaya bilərlər. Bizim onlarla işimiz yoxdur. Necə ki, həmişə deyirlər ki, Azərbaycanda 30 min erməni yaşayır, amma məntiqlə baxanda, bunlar artıq artıb 100 min olublar. Amma onlarla heç bir işimiz yoxdur. Məsələn, Rusiya Çeçenistanda əməliyyat aparanda Çeçenistanla müharibə aparmırdı, öz ərzisində təmizləmə əməliyyatı aparırdı. Həmçinin, biz də Ermənistana müharibə elan etmirik və Ermənistanın torpaqlarına girmirik. BMT-nin də Azərbaycan torpaqları kimi qəbul etdiyi ərazilərimizə giririk”.

Deputat sözügedən əməliyyatın yaxın günlərdə gözlənildiyini deyib: “Yəqin ki, belə bir şey baş verə bilər. Ki, bunu cənab Prezidentimizin son çıxışlarından da açıq-aşkar hiss etmək olar”.

ŞƏRH YAZ
0

20 Sentyabr - Azərbaycanın gələcəyini müəyyənləşdirən tarixi gün — Deputat yazır

20 Sentyabr - Azərbaycanın gələcəyini müəyyənləşdirən tarixi gün
16:15
Bu gün
311
Siyasət
A
Neft bəşəriyyətin həyatında əvəzolunmaz rol oynayan ən mühüm təbii sərvətdir. Azərbaycanda neftlə bağlı məlumatlar erkən orta əsr alim və səyyahların əsərlərində qeyd olunub. İlk məlumatlar lX-Xl əsrə təsadüf edir. Lakin İraqda Azərbaycanlıların yaşadıgı Kərkükdə (Baba-Qurqur neft yatağı) olan “yanar dağ”ın (Eternal Fire) tarixi 4000 ildən artıq müəyyən edilib. Bu haqda Heredot və Plutarxın yazıları var. Məhşur italyan səyyahı Marko Polo Bakı neftinin yaxın Şərq ölkələrinə daşınmasından söz açıb. Bu faktlarla Azərbaycan ərazisinin neft məkanı olması çoxdan sübut olunub.

1847-ci ildən neftin mexaniki üsulla Bibiheybət və Balaxanıda qazılmış quyulardan hasil edilməsi ilə sənaye üsulunun tətbiqi başlanır. XlX əsrin sonu XX əsrin əvvəlində dünyada çıxarılan neftin 50% dən çoxu Azərbaycanda hasil edilirdi.  1947-ci ildə dünyada dənizdə ilk estakadanın tikintisinə başlandı. 1949-cu ildə açıq dənizdə yataqların mənimsənilməsi “Neft daşları “ yatagının kəşfi ilə əsası qoyuldu (Ginnesin rekordlar kitabı -ilk neft platforması:Neft daşları).

Azərbaycan 1991-ci ildə öz  dövlət müstəqilliyni bərpa etdikdən sonra neft  təkcə ölkə iqtisadiyyatının  uğurlu inkişafında deyil, eyni zamanda təhlükəsizliyinin, sabitliyinin təmin olunmasında müstəsna rol oynayıb. 

Bütün bunların təməlində Ulu öndər Heydər Əliyevin banisi olduğu Azərbaycanın Neft Strategiyasının uğurlu icrası dayanır.

Azərbaycanın iqtisadi-siyasi həyatında Neft Strategiyasının, onun  əsas tərkib hissəsi olan Ulu öndər Heydər Əliyevin gərgin zəhmətinin, siyasi iradəsi və şəxsi nüfuz və hörmətinin  sayəsində 1994-cü il sentyabrın 20-də imzalanmış “Əsrin müqaviləsi”nin rolu əvəzolunmazdır. Gələcək nəsillər  Ulu öndərin  siaysi iradəsi, uzaqgörənliyi və müdrik siyasəti nəticəsində imzalanan “Əsrin müqaviləsi”nin çağdaş Azərbaycan tarixinfə və dövlətçiliyində oynadığı rol qızıl hərflərlə qeyd olunacaq.
 
İmzalanın müqavilənin tarixi əhəmiyyətini nəzərə alan Ulu öndər Heydər Əliyev  2001-ci ildə 20 sentyabr gününün Azərbaycan neftçilərinin peşə bayramı günü kimi qeyd olunması barədə fərman verdi.Odur ki, 20 Sentyabr –“Neftçilər günü”nü Ulu öndər Heydər Əliyevin  Azərbaycan neftçilərinə böyük hədiyyəsi kimi  dəyərləndirməliyik. Belə ki, 1994-cü ilin sentyabrın 20-də imzalanan “Əsrin müqaviləsi” Azərbaycanın təkcə iqtisadiyyatında deyil, bütövlükdə, ictimai-siyasi, sosial təhlükəsizlik sahəsində yeni bir səhifə açdı. 20 sentyabr Azərbaycanın sıçrayışlı inkişafının bünövrəsi qoyulduğu tarix oldu.  Müqavilənin imzalanması ilə ölkəmiz üçün mühüm əhəmiyyət kəsb edən Xəzərin Azərbaycan sektorunda yerləşən “Azəri-Çıraq-Günəşli” yataqlarının birgə işlənməsinə başlandı. İndiyədək “Azəri-Çıraq-Günəşli” yataqlarından 516,0 milyon ton neft və 172,0 milyard kubmetr qaz hasil olunub.
“Əsrin müqaviləsi” ümummilli liderimiz Heydər Əliyevin birinci şah əsəri idisə, Bakı-Tbilisi-Ceyhan ixrac neft kəməri onun ikinci şah əsəri oldu.
“Əsrin müqaviləsi”nin imzalanması gününün neftçilərin peşə bayramı kimi qeyd olunduğu bir gündə biz “Şahdəniz” epopeyasından da danışmaya bilmərik. Çünki “Əsrin müqaviləsi” olmasaydı, “Şahdəniz” də olmayacaqdı. “Şahdəniz” layihəsi Ulu Öndərimiz Heydər Əliyevin üçüncü şah əsəridir.
“Əsrin müqaviləsi” Azərbaycanı dünyaya yenidən neft ölkəsi kimi tanıtdısa, 1999-cu ilin iyununda ehtiyatları bu günə 1,2 trilyon kubmetr qazdan və 240 milyon ton kondensatdan ibarət olan nəhəng “Şahdəniz” yatağının kəşf edilməsi və “Şahdəniz” qaz layihəsinin müvəffəqiyyətlə həyata keçirilməsi Azərbaycanı dünyaya böyük miqdarda qaz ixrac edən bir ölkə kimi tanıtdırdı.

“Şahdəniz-2” layihəsi çərçivəsində Azərbaycan qazının Avropaya nəql edilməsi və bu məqsədlə “Cənub Qaz Dəhlizi”nin çəkilməsi bizim müasir qaz epopeyamızın ən parlaq fəslidir.

Uğurlardan danışsaq çox vaxt alar. Amma bunlar arasında son illərin əsas hadisələrdən biri də, 2020-ci il avqustun 10-da Azərbaycan Respublikasının Prezidenti İlham Əliyevin iştirakı ilə Heydər Əliyev adına Bakı Dərin Özüllər Zavodunda “Qarabağ” yatağında qoyulacaq platformanın dayaq blokunun dənizə yolasalınma mərasimini hesab etmək olar.  Bu dayaq blokunun quraşdırılması “Qarabağ” yatağının dərin qatlarında neft və qaz hasilatının həyata keçirilməsində böyük rol oynayacaq və Azərbaycanda neft-qaz hasilatının stabil saxlanılmasına əlavə stimul verəcəkdir. 

Digər tərəfdən cənab Prezident İlham Əliyevin  dediyi kimi  bu həm də bir rəmzi bir məna daşıyır: “ Necə ki, bu gün biz vaxtilə tərk edilmiş “Qarabağ” yatağına qayıdırıq, eyni qaydada  biz dogma Qarabağ torpağımıza qayıdacağıq”. “Qarabağ” yatağında neftin hasılatın işğal altında olan Qarabağ torpaqlaırnın işğaldan azad edilməsinə  gedən yol olacaq.

 Bünövrəsi Ulu öndər tərəfindən qoyulan neft strategiyası bu gün onun layiqli davamçısı cənab Prezident İlham Əliyev tərəfindən uğurla  davam etdirilməkdədir.  Bu uğurlu siyasətin nəticəsi olaraq Azərbaycan təkcə özünün  siaysi deyil, o cümlədən iqtisadi suverenliyini, təhlükəsizliyinin  təmin etməklə yanaşı, Avropanın enerji təhlükəsizliyinin təmin olunmasında müstəsna rol oynayır. Yürüdülən siyasət nəticəsində Azərbaycan dünyanın ən nüfuzlu və mötbər ölkələrindən biri kimi dünya dövlətləri arasında yer tutmaqdadr.

Mən həmişə deyirəm ki, biz sonradan neftçi olmuruq, biz neftşi döğuluruq. Bu barədə Azərbaycanın görkəmli neft mühəndisi, alim Yusif Səfərov vaxtilə demişdir ki, "Azərbaycan neft ölkəsidir və burada yaşayan hər birinsan peşəsindən asılı olmayaraq neftçidir". Şübhəsiz ki, görkəmli neftçi Azərbaycanlıların qəlbən, ruhən neftçi olmağı nəzərdə tuturdu. Bu gün dünya inkişaf edir, artıq yüksək texnologiyaların tətbiqi bütün sferaları əhatə etməkdədir. Bəzən deyirlər ki, “Neft erası “ bitdi. Belə bir deyim var: Daş dövrü ona görə bitməyib ki, daş qurtarıb. Bu gün alternatıv enerji mənbələrinin tətbiq sahəsi genişlənir, yüksək texnologiyalar tətbiq edilir.  Bu zamanın tələbidir. Bəli, neftin yanacaq kimi istifadə dövrü bitə bilər,  lakin neft təbii xammaldır, onun tərkibində 1000 dən artlıq kompanent var və neft təbii xammal olaraq həmişə istifadə olunacaqdır. Ancaq onu da qeyd edək ki, neft yancaq vasitəsi olduğundan dünya durduqca yanacaq növü olaraq öz əvəzsiz rolunu oynayacaq.

 Sonda  Azərbaycan neftçiləri üçün çox əziz bayram olan 20 Sentyabr - “Neftçilər Günü” münasibətilə Azərbaycan neftçilərini təbrik edir, onlara uzun, sağlam və mənalı həyat arzu edirəm!

Milli Məclisin Təbii ehtiyatlar, energetika və ekologiya komitəsinin üzvü 

İltizam Yusifov
Ölkə.Az

ŞƏRH YAZ
0

Azərbaycanın müstəqilliyinin geridönməzliyini və sürətli inkişafını müəyyən edən gün

Azərbaycanın müstəqilliyinin geridönməzliyini və sürətli inkişafını müəyyən edən gün
16:01
Bu gün
146
Siyasət
A
“20 Sentyabr çağdaş Azərbaycan tarixində müstəsna əhəmiyyəti olan tarixi bir gündür. 1994-cü ilin 20 sentyabrında imzalanan “Əsrin müqaviləsi” nəinki ölkə iqtisadiyyatını tənəzzüldən xilas edərək, sıçrayışlı inkişafında müstəsna rol oynadı, eyni zamanda bir dövlət kimi varlığını qoruyub saxlamasında, təhlükəsizliyinin təmin edilməsində, geosiyasi, geoiqtisadi proseslərdə aktiv iştirak etməsində Azərbaycanın yeri və rolunu müəyyən etdi. 20 sentyabr eyni zamanda Azərbaycanın müstəqilliyinə olan təhlükələrin və müstəqilliyimizin geridönməzliyini müəyyən edən gün kimi də xarakterizə edə bilərik. Bu müqavilənin imzalanmasından sonra dövlət müstəqilliyimizə təhdidlər aradan qalxdı. Bu tarix həm də Azərbaycanın özünün və dünyanın, xüsusən də Avropanın enerji təhlükəsizliyinin, həmçinin təmin olunmasında, enerji, kommunikasiya, logistika mərkəzinə çevrilməsinin bünövrəsi qoyulduğu gündür. Bu ancaq və ancaq uzaqgörən, müdrik siyasətçi, dahi lider Heydər Əliyevin iradəsi nəticəsində mümkün olub”.

Bunu “Ölkə.Az”a açıqlamasında Milli Məclisin Təbii ehtiyatlar, energetika və ekologiya komitəsinn sədri Sadiq Qurbanov deyib.

Komitə sədri bildirib ki,  “Əsrin müqaviləsi” çox mürəkkəb geosiaysi bir zamanda imzalanıb. “Dahi liderin siaysi iradəsi nəticəsində imzalan bu sənəddən sonra Azərbaycan dövlətçiliyinə olan təhdidlər  aradan qalxmağa, siyasi, iqtisadi sabitlik yaranmağa başladı və ölkəmiz geridönməz xarakter alan bir inkişaf mərhələsinə qədəm qoydu. Belə demək mümkünsə bu günkü inkişaf dövrünün bünövrəsi həmin gün qoyuldu”, - komitə sədri qeyd edib.

Komitə sədri əlavə edib ki, Ulu öndər 1993-cü ildə yenidən hakimiyyətə qayıtdıqdan sonra qısa bir vaxtda "Yeni neft strategiyası" işlənib hazırlandı: “1994-cü ilin sentyabrın 20-də Azəri-Çıraq- Günəşli  yataqlarının işlənməsi üzrə dünyanın 7 ölkəsinin 11 məşhur neft şirkəti ilə  "Əsrin müqaviləsi" imzalandı. Bütövlükdə, "Əsrin müqaviləsi"ndən bugünkü günə qədər xarici neft şirkətləri ilə 26 neft sazişi imzalanmışdır. Bu sazişlərin nəticəsi olaraq Azərbaycanın neft-qaz sənayesinə milyardlarla dollar  sərmayə qoyulub və qoyulmaqdadır ki, bu da respublikamızın gələcək inkişafının əsl qarantıdır”.

Millət vəkili bildirib ki, hazırda xalqımız bu sazişin bəhrəsini görməkdədir: “Bünövrəsi Ulu öndər Heydər Əliyev tərəfindən qoyulan neft strategiyası onun layiqli davamçısı cənab Prezident İlham Əliyev tərəfindən uğurla davam etdirilir. Bu siyasət  çağdaş dövrün tələb və şərtlərinə uyğun şəkildə yeni formada icra olunur. Cənab Prezident İlham Əliyev neftdən gələn gəlirləri xalqın sosial rifah halında yaşamasını təmin edilməsi üçün qeyri neft sektoruna yönəldib, ölkənin davamalı iqtisadi inkişafını təmin edilməsi istiqamətinə yönəltməklə yanaşı, digər enerji növü olan qaz faktorundan çox məharətlə istifadə etdi: “ Prezident İlham Əliyevin həyata keçirdiyi  uğurlu enerji siaysəti nəticəsində  Azərbaycan bölgədə müxtəlif transmilli enerji, iqtisadi, logistika, kommunikasiya  layihələrinin təşəbbüsçüsü olmaqla, Azərbaycan həmin layihələrin icrasında aktiv iştirakçı  oldu.  “Əsrin müqaviləsi” imzalanması ilə işə düşən “Azəri-Çıraq-Günəşli” yatağından  sonra  davamalı olaraq  digər transmilli layihələr icrasına başlanıldı. Bakı-Tiflis-Ceyhan, Baki-Tiflis-Ərzurum qaz kəməri, TAP, TANAP, Cənub Beynəlxalq Qaz Dəhlizi, Bakı-Tiflis-Qars dəmiryolu, “Şimal-Cənub” Beynəlxalq Nəqliyyat Dəhlisi,  “Qərb-Şərq” tarixi İpək yolunun bərpası və sair kimi Azərbaycanın beynəlxalq aləmdə mövqeyinin möhkəmlənərək, nüfuzunun artmasına, xalıqn rifah  halında yaşamasına, gözlənilən təhlükələri aradan qaldırılmasına xidmət edən çoxsaylı layihələr icra olundu və olunmaqdadır.  Prezident İlham Əliyevin  enerji layihələrindən əldə olunan gəlirlərin imkanlarından istifadə etməklə dövlətimizin  etibarlı formada inkişafını təmin edəcək qlobal çağrışlara çevik reakisya yürütdüyü siyasət nəticəsində Azərbaycan təkcə enerji  qovşağına deyil, eyni zamanda nəqliyyat, transit yükdaşıma, kommunikasiya, logistika mərkəzinə çevrilib və bu istiqamətdə işlər uğurla davam etməkdədir. Bu layihələrin icrası Azərbaycanın gücünə və qüdrətinə əlavə güc qatmaqda, dünyadakı mövqeyinin möhkəmlənməsinə ölkə iqtisadiyyatının inkişafına öz töhfəsini verməkdədir”.

Komitə sədri onu da qeyd edib ki, müasir Azərbaycan dövlətçiliyinin inkişafında mühüm rola oynayan bu günün tarixi əhəmiyyətini nəzərə alan Ulu öndər Heydər Əliyevin  20 sentyabrı neftçilər günü kimi qeyd olunması barədə fərman imzalayıb.

20 Sentyabr - “Neftçilər Günü” münasibətilə Azərbaycan neftçilərini təbrik edir, onlara uzun, sağlam və mənalı həyat arzu edirəm!

Mürtəza
Ölkə.Az

ŞƏRH YAZ
0
BAĞLA
X Mostbet