Atatürk öndərliyindəki böyük qələbə!
Milli Məclisin deputatı Adil Əliyev Türkiyə Respublikasının 30 avqust Zəfər Bayramı ilə bağlı təbrik mesajı yayınlayıb.
"Ölkə.Az" xəbər verir ki, A.Əliyev təbrik mesajında bu bayramın əhəməiyyətindən bəhs edib:
"30 avqust sadəcə işğalçı yunan ordusu qarşısındakı türk ordusunun qələbəsi deyil, imperializmə qarşı türklüyün və bütün məzlum millətlərin qələbəsidir. Atatürk öndərliyindəki iradə ilə qazanılan qələbə sadəcə Anadoludakı türk varlığını yox, bütün türk dünyasının varlığını güvən altına almışdır".
Deputat hər bir türkün bu bayramla fəxr etməli olduğunu bildirib:
"Bu böyük zəfərlə Türkiyə türkləri ilə yanaşı dünya üzərində özünü türk hiss edən hər fərdin bu zəfərdən qürur duymaya haqqı vardır. 30 avqust Zəfər Bayramınız mübarək olsun!"
