Qafqaz İslam Ordusunu yad etmək üçün Türkiyədən böyük nümayəndə heyəti Azərbaycana gəlir
“Ölkə.Az”-ın məlumatına görə, Azərbaycanlıların və digər Türkdilli Xalqların Əməkdaşlıq Mərkəzi (ATXƏM), Aşıq Şəmşir Mədəniyyət Ocağı və Azərbaycan Türk Evinin də dəstək verdiyi səfərin əsas məqsədi Qafqaz İslam Ordusunun Azərbaycana gəlişinin 99-cu ilində, 1918-ci ildə Azərbaycanda ermənilər tərəfindən törədilmiş soyqırım faktlarına bir daha diqqət çəkmək, olayların baş verdiyi coğrafi ərazilərdə anım toplantıları keçirməkdir.
Bu məqsədlə Gəncə, Şəki, Salyan, Quba və Bakı şəhərində müxtəlif tədbirlər keçiriləcək, Qubadakı soyqırım məzarlığı və Xatirə kompleksi, Bakıda Şəhidlər Xiyabanı və Türk Şəhidliyi ziyarət olunacaq.
Sentyabrın 14-də Bakıda Beynəlxalq Mətbuat Mərkəzində “Qafqaz İslam Ordusu və Bakının qurtuluşu” mövzusunda “dəyrimi masa” keçiriləcək.
Vasif Həsənli
Ölkə.Az
