Paytaxtın bu ərazilərində qurbanlıq heyvanların satış yarmarkaları keçirilir
Bu gün səhər saat 9:00-dan etibarən Bakı şəhərində Qurban bayramı ilə əlaqədar əhalinin qurbanlıq heyvanlara olan tələbatının daha dolğun ödənilməsi, eləcə də, süni qiymət artımının qarşısının alınması məqsədilə Kənd Təsərrüfatı Nazirliyinin İqtisadiyyat Nazirliyi ilə birlikdə təşkil etdiyi qurbanlıq heyvanların satış yarmarkaları fəaliyyətə başlayıb.
Bu barədə Kənd Təsərrüfatı Nazirliyindən "Ölkə.Az"-a məlumat verilib.
Məlumata görə, bu il yarmarkalarda ilk dəfə olaraq Kənd Təsərrüfatı Nazirliyinin tabeliyində olan DKTİM MMC-lərdə yetişdirilən xırda buynuzlu erkək heyvanlar satışa çıxarılıb.
Qurbanlıq heyvanların satışı Nərimanov rayonu, Əliyar Əliyev küçəsi 26 ( Keşlə bazarının yanı), Xətai rayonu (“Nargilə” kafesinin yanı), Səbail rayonu, Badamdar qəsəbəsi, Seymur Məmmədov küçəsi 8 (parkın yanı) və Yasamal rayonu, Şərifzadə küçəsi 196 (“İdeal” şadlıq sarayının həyəti) ünvanlarında keçirilir.
Ölkə.Az
