Bakıdan Ankaraya gedən “Alpar Turizm” sərnişinləri yolda qaldı
"Ölkə.Az" İnterpress-ə istinadən xəbər verir ki, avtovağzaldan hərəkət edən, “Alpar Turizm” şirkətinin Bakı-Ankara səfərini gerçəkləşdirən Avtobus, dünən (01.09.2017) gündüz saat 11 də Bakıdan hərəkət edib.
Baki-Ankara istiqamətində səfər edən həmin avtobus sərnişinlərindən birinin verdiyi məlumata görə, Avtobus Türkiyənin Qaradəniz bölgəsi, Hopa şəhərinə gecə saat 2 də çatıb. Gömrükdə saxlanılan avtobusa uzun yoxlanışdan sonra həbs qoyulub və sərnişinlər bayıra çıxardılıb.
Hələlik avtobusun saxlanma səbəbi heç kimə açıqlanmasa da sərnişinlərin ehtimalına görə yük yerində ya külli miqdarda tütün məhsulları ya da narkotik vasitə aşkarlanıb. (sərnişinlərin ehtimalıdır)
Qeyd olunur ki, dünən gecə saat 02:00-dan küçəyə düşürdülən sərnişənlər səhərə qədər əşyaları ilə yağışın altında qalıb. Məlumata görə bəzi sərnişinlər müəyyən istiqamətdən sonra avtobus dəyişərək başqa istiqamətlərdə hərəkət etməliydi və əvvəlcədən biletlər alınmışdı, lakin yaranmış vəziyyətlə əlaqədar aldıqları bilet də yararsız oldu.
Türkiyəyə əşya daşıyan sərnişinlərin malları isə yağan güclü yağış sayəsində yararsız hala düşüb.
Bu hadisəyə görə ziyan çəkmiş sərnişinlər Alpar Turizm şirkətini günahkar bilir: “Yoxlanılmadan, qanunla daşınması qadağan ya da qaçaqmalçılıq hesab edilən yüklərin bilərək daşınmasına icazə verməklə bizim də səfərimizi yubatdılar və biletlərimiz batdı. Bəzi sərnişinlərin apardığı texnika yağan güclü yağıs səbəbiylə sıradan çıxdı. Ac-susuz 10 saata yaxındır ayaq üstə, islanmış vəziyyətdəyik. Heç kim bizə bir məlumat vermir. Naməlum bir gözləmə içindəyik.”
Məsələ ilə bağlı Alpar Turizm şirkəti ilə əlaqə saxladıq. Şirkət nümayəndəsi yaranış vəziyyətdən xəbərdar olduqlarını və problemi həlletməyə çalışdıqlarını bildirdi: “ Məsələdən xəbərimiz var. Yoldu, belə hadisələr ola bilər. Narahatçılığa heç bir əsas yoxdur. Ora ən yaxın ərazidən sərnişinləri götürmək üçün avtobus göndərilib. Qısa zamanda yaranmış problemi aradan qaldıracağıq”
