Mikayıl Cabbarovun təyin etdiyi yeni müavin kimdir?

Xəbər verdiyimiz kimi dekabrın 5-də təhsil naziri Mikayıl Cabbarov Bakı Şəhəri üzrə Təhsil İdarəsində idarəetmənin gücləndirilməsi məqsədilə müvafiq əmrlər imzalayıb. Nazirin əmri ilə akademik Zərifə Əliyeva adına liseyin direktoru Məhəbbət Vəliyeva Bakı Şəhəri üzrə Təhsil İdarəsinin müdir müavini vəzifəsinə təyin olunub.

Ölkə.Az modern.az-a istinadən xəbər verir ki, Azərbaycan Respublikasının əməkdar müəllimi olan Məhəbbət Vəliyeva 1968-ci ildə Bakı şəhərində doğulub.1990-cı ildə Bakı Slavyan Universitetini bitirib. İlk pedaqoji fəaliyyətinə Bakı şəhərindəki 190№-li məktəbdə başlayıb.

2003-2008-ci illərdə XXI əsr Beynəlxalq Təhsil və İnnovasiya mərkəzində işləyib.

28 aprel 2008-ci il tarixindən bu günədək Zərifə Əliyeva adına liseyə işinə rəhbərlik edirdi. Ailəlidir. İki övladı, 1 nəvəsi var.

Ölkə.Az