Gəncədəki Aleksadr Nevski Rus Pravoslav Kilsəsinin tikilməsinin 130 illiyi qeyd edilib

Gəncədə şəhərində fəaliyyət göstərən Aleksandr Nevski adına olan Rus Pravoslav Kilsəsinin 130 illiyinə həsr olunmuş təntənəli mərasim keçirilib. Qərb bölgəsində yeganə kilsə olan Aleksandr Nevski Rus Pravoslav Kilsəsinə gələn xristianlar dini ayinlərini yerinə yetiriblər.

Gəncə şəhər İcra Hakimiyyəti başçısı Elmar Vəliyev Heydər Əliyevin layiqli davamçısı İlham Əliyevin apardığı məqsədyönlü siyasət nəticəsində Azərbaycanın tolerant ölkə olduğunu qeyd edərək, təbriklərini çatdırıb.

Rusiya Federasiyasının Azərbaycan Respublikasındakı Fövqəladə və Səlahiyyətli səfiri Doroxin Dmitriyeviç tədbir iştirakçılarını salamlayaraq kilsənin 130 illiyi münasibəti ilə onları təbrik edib. Bu günün əlamətdar olduğunu qeyd edən cənab səfir yeni təmir olunmuş kilsəyə insanlar daimi dini ayinlərin yerinə yetirmək üçün bundan sonra da gələcəklərini bildirib.

Bakı və Azərbaycanın Baş Yepiskopu Aleksandr İşenin Aleksandr Nevski adına olan Rus Pravoslav Kilsəsi haqqında geniş danışaraq, Gəncədə həyata keçirilən infrastruktur layihələri yüksək qiymətləndirib. Kilsənin təmir olunmasını sevinc hissi ilə deyən Aleksandr İşenin Nİzami yurdunda icra olunan layihələrə görə Gəncə sakinlərini təbrik edib.

Qeyd edək ki, kilsə 1887-ci ildə inşa edilib və hazırda bölgədə yaşayan pravoslavlara xidmət edir.