Politoloq: \"Nüvə reaktoru Gəncədə inşa edilsə daha yaxşı olar\"
Azərbaycanda ölkənin ilk atom elektrik stansiyasının inşası üzrə planlar üzərində hazırlıq işləri davam edir.
Xəbər verdiyimiz kimi respublikada ilk nüvə reaktorunun inşası üzrə işlərin 2020-ci ilə qədər başa çatması nəzərdə tutulur.
Politoloq Fərhad Mehdiyev Ölkə.az-a tikilməsi nəzərdə tutulan nüvə reaktorundan danışıb. Onun fikrincə, Xırdalanda tikilməsi nəzərdə tutulan nüvə reaktorunun Gəncədən Ermənistana olan istiqamətdə tikilməsi daha məqsədə uyğun olardı.
"Bakı kimi meqapolisin yaxınlığında belə bir stansiya tikmək strateji baxımdan olduqca təhlükəlidir. Halbuki, onu Gəncədən Ermənistan sərhədinə tərəf tikilməsi daha yaxşı olardı. Hər hansı bir qəza halında nüvə reaktorundan radiasiya sızması baş verərsə, Bakı şəhəri gərək bütünlüklə boşaldılsın. Bu isə çox çətin prosesdir".
Qeyd edək ki, inşaat işlərinin aparılacağı sahə 15 hektardır və həmin ərazi artıq müəyyənləşdirilib.
P.S Sovet vaxtı Azərbaycanda AES-in inşası planlaşdırılsa da, 1986-cı ildə baş verən Çernobıl qəzasından sonra işlər tamamilə dayandırılmışdı.
Fatimə İbrahimova
Ölkə.az