Xalq şairinin vətəninə girişi yasaqlandı

Ölkənin görkəmli şairi, sabiq millət vəkili Zəlimxan Yaqubun Gürcüstana girişi yasaqlanıb.

Ölkə.Az bildirir ki, bu barədə şair özü "Yeni Müsavat"a xəbər verib.

Əməkdaşımızın bildirdiyinə görə, bu qadağan barədə Z.Yaquba bir neçə gün öncə məlum olub və şair əvvəlcə məsələni ictimailəşdirmək istəməyərək yasağın hansı səbəbdən qaynaqlandığını araşdırmaq istəyib.

Qeyd edək ki, Zəlimxan Yaqub əslən Borçalı mahalındandır və qonşu ölkədə çoxsaylı qohum-əqrəbası olduğundan ora tez-tez gedib-gəlir.

Ona da bildirək ki, görkəmli şairdən əvvəl Qarabağ Azadlıq Hərəkatının sədri Akif Nağı da bənzər sanksiya ilə üzləşib.

Gürcüstan hökumətinin tətbiq etdiyi bu sanksiyaların adları çəkilən şəxslərin ictimai-siyasi fəaliyyətləri ilə bağlı olduğu güman edilir.

Ölkə.Az