Zəlimxan Məmmədlinin Gürcüstana girişi yasaqlandı

Gürcüstan azərbaycanlılarını birləşdirən "Borçalı" cəmiyyətinin sədri Zəlimxan Məmmədlinin Gürcüstana girişi yasaqlanıb.

Ölkə.Az bildirir ki, bu barədə o özü "Yeni Müsavat"ın əməkdaşı Elşad Paşasoya xəbər verib.

Əməkdaşımızın bildirdiyinə görə, bu qadağan barədə Z.Məmmədliyə bir neçə gün öncə məlum olub və o, əvvəlcə məsələni ictimailəşdirmək istəməyərək yasağın hansı səbəbdən qaynaqlandığını araşdırmaq istəyib.

Qeyd edək ki, Zəlimxan Məmmədli əslən Borçalı mahalındandır və qonşu ölkədə çoxsaylı qohum-əqrəbası var, Gürcüstan azərbaycanlılarının hüquqlarının qorunması istiqamətinə fəaliyyətləri olduğundan ora tez-tez gedib-gəlir, bu ölkədə mədəni-maarifçilik tədbirləri keçirir.

Ona da bildirək ki, ondan əvvəl Qarabağ Azadlıq Hərəkatının sədri Akif Nağı da bənzər sanksiya ilə üzləşib.

Gürcüstan hökumətinin tətbiq etdiyi bu sanksiyaların adları çəkilən şəxslərin ictimai-siyasi fəaliyyətləri ilə bağlı olduğu güman edilir./Musavat.com/

Qeyd: Oxucularımızın nəzərinə çatdırırıq ki, dünən saytımızda gedən bir xəbərdə xalq şairi Zəlimxan Yaqubun Gürcüstana girişinin yasaqlandığı haqqında xəbər dərc eilmişdi. Qeyd edirik ki, xəbəri götürdüyümüz mənbədə Zəlimxan Məmmədlinin deyil, Xalq şairi Zəlimxan Yaqubun adının səhvən getdiyindən bizim saytda da həmin xəbər olduğu kimi verilmişdir. Bu yalnışlığa görə oxucularımızdan və xalq şairindən üzr istəyirik.

Ölkə.Az