Orta məktəblərdə direktor müavini olmaq istəyənlərin

BŞTİ-dən "Ölkə.Az"a verilən məlumata görə, müsabiqənin keçirilmə yeri və konkret vaxtı barədə namizədlərin şəxsi səhifəsinə məlumat göndəriləcək.
 
Qeyd edilən vəzifələr üzrə işə qəbul olmaq istəyən 1347 şəxs //musabiqe.baku.edu.az/ portalı vasitəsilə qeydiyyatdan keçib. Qeydiyyatdan keçmiş 700-dən artıq şəxsin elektron ərizədəki məlumatlarının uyğunluğu yoxlanıldıqdan sonra müsabiqənin növbəti (test imtahanı) mərhələsində iştirakı mümkün hesab edilib. Müvafiq vəzifələr üzrə qoyulan tələblərə uyğun gəlmədiyindən 600-ə yaxın müraciətə imtina verilib.
 
I mərhələnin yekunu barədə məlumatlar artıq namizədlərin şəxsi səhifələrinə göndərilib. Müsabiqənin hər hansı mərhələsində elektron ərizədəki məlumatlar ilə mövcud faktiki vəziyyət arasında uyğunsuzluq aşkar edilərsə, namizədlərin nəticələri ləğv ediləcək.  
 
BŞTİ-nin tabeliyindəki ümumi təhsil müəssisələrində Gənclərin çağırışaqədərki hazırlığı üzrə rəhbər, uşaq birliyi təşkilatı rəhbəri və laborant  vəzifələrinə işə qəbul üzrə müsabiqə də yaxın vaxtlarda elan ediləcək.