"Jurnalistlərə qarşı təzyiqlərdə dövlətin əli varsa, o dövlətə qarşı BMT sanksiyalar tətbiq edə bilər"

Bu il dünyanın 32 ölkəsində 128 jurnalist öldürülüb, neçə-neçə jurnalistlər həbs edilib, işgəncələrə məruz qalıb.

Media eksperti Zeynal Məmmədli Ölkə.az-a jurnalist ölümləri və bunun səbələrini şərh edib.

Zeynal Məmmədli: "Jurnalist peşəsi bütün dünyada təhlükəli peşələr siyahısına daxildir. Hətta demokratiyanın inkişaf etdiyi ölkələrdə belə jurnalist peşəsi təhlükəli peşə kimi dəyərləndirilir. Demokratik ölkələrdə hökümət tərəfindən yox, ayrı-ayrı şəxslər tərəfindən jurnaistlərin həyatı daim təhlükədə olur. Söz və mətbuat azadlığı olmayan ölkələrdə isə birbaşa hökumət tərəfindən jurnalistlərin həyatı təhlükədə olur.

Xüsusi ilə araşdırmacı jurnaistlərin həyatı daha çox təhlükdədir. Jurnalistlərə qarşı təzyiqlərdə dövlətin əli varsa, o dövlətə qarşı BMT sanksiyalar verə bilər. Müharibə şəraitində isə heç bir beynəlxalq qurum və qanunlar jurnalistin həyatını xilas edə bilmir. Öldürülmüş 128 jurnalistin çoxusu müharibə gedən yerlərdə qətlə yetrilib.

- Azərbaycanda necə jurnalistlərin həyati təhlükəsi var?

- Rəsmilər Azərbaycanda mətbuat azadlığının olduğunu desələr də, real həyatda bu belə deyil. Əgər dövlətə məxsus media orqanlarında hakimiyyət və məmurlar tənqid edilmirsə, digər media orqanarında çalışan jurnalistlər üçün təhlükə mövcuddur. Azərbaycan media azadlığı ilə və jurnalistlərin həyatının təhlükədə olmaması ilə öyünə biləcək vəziyyətdə deyil.

Səxavət Məmməd
Ölkə.az