Aleksandr İvanov FSB-nin 100 illik yubileyində iştirakı zamanı dünyasını dəyişdi
“İnterfaks-Azərbaycan” informasiya agentliyinin baş direktoru Aleksandr Alekseyeviç İvanov Moskva şəhərində Rusiya Federal Təhlükəsizlik Xidmətinin (FSB) 100 illik yubileyində iştirak edən zaman dünyasını dəyişib.
"Ölkə.Az"-ın əldə etdiyi məlumata görə, 68 yaşlı Aleksandr İvanov FSB-nin 100 illik yubiley tədbirində iştirak etmək üçün Moskvaya gedibmiş. Aleksandr İvanov Moskvada beyin qansızmasından vəfat edib. Onun nəşi bu həftə Bakıya gətiriləcək.
Xatırladaq ki, Aleksandr Alekseyeviç 1950-ci ilin 12 iyul tarixində Bakıda anadan olub. Uzun müddət SSRİ dövlət təhlükəsizlik komitəsində işləyib.
Azərbaycanın ümummilli lideri Heydər Əliyevin cangüdəni olub.
A.İvanov 2005-ci ilin avqust ayında “İnterfaks-Azərbaycan” informasiya agentliyinin baş direktoru təyin edilib.
Zaur Əziz
Ölkə.Az
