Məhkəmə Məmməd İbrahimin müraciətini təmin etmədi
Dekabrın 26-da Suraxanı Rayon Məhkəməsinin hakimi Elçin Ağayevin sədrliyi ilə AXCP sədrinin həbsdə olan müşaviri Məmməd İbrahimin cəzasının yarıdan çoxunu çəkməsilə əlaqədar vaxtından əvvəl azadlığa buraxılması haqda müraciətinə baxılıb.
"Ölkə.Az"-ın əldə etdiyi məlumata görə, məhkəmə Məmməd İbrahimin saxlandığı 16 saylı cəzaçəkmə müəssisəsində keçirilib.
Hakim iclasda deyib ki, Məmməd İbrahim islah olunmayıb, nizam-intizam qaydalarına əməl etməyib. Məhkəmə M.İbrahimin müraciətini təmin etməyib.
Qeyd edək ki, Məmməd İbrahim Nərimanov Rayon Məhkəməsinin hökmü ilə 3 il azadlıqdan məhrum edilib.
